Press "Enter" to skip to content

Kawlram Le Mizo Ramri Ah Bing Tam Taktak An Tleih

Mizoram, Zokhuathar Ah Myanmar In An Luhpi Mi Bing An Tlaih! India le Myanmar ramri, Mizoram, Zokhawthar ah Champhai Excise & Narcotics le Assam Rifle hna nih Myanmar ram in a rak lut mi Bing rang 1.308 gram cu nizaan March 8 ahkhan an tlaih. Hi an tlaihmi Bing hi a man in tuak tik ah India phaisa(₹) sing 30 hrawng a si i, Bing a ngeitu hi Bungzung khua mi PC Lalchhanchuaha a si. Nizan March 8, zinglei slm 3:35 ah Bing le a ngeitu hi an va tlaih i ND&PS Act in case an ser hnu ah District biaceihzung in thonginn ah an chiah, tiah Zonet nih a chim. the chin post

March zarhkhatnak ah Demoso ah kahdohnak 7 a chuak, ralhrang 43 an thi. Kayinni ramkulh Demoso ah March zarhkhatnak ah kahdohnak 7 a chuak tiah KNDF nih an thanh, Kahdohnak ah ralhrang thi an tam, KNDF nih an thanh njng ah March zarhkhatnak ah ralhrang 43 an thi KNDF lei in 2 an nunnak a liam.

Kachin ramkulh, Moekoh peng ah ralhrang motor KIA, PDF hna nih bomb in an puah hna ralhrang thi an um, Kachin ramkulh, Moekoh peng, Namana khua le Tawngni khua kar ah March 8 zaan 7:00pm ah ralhrang motor cu Kachin Independent Army PDF fonh nih bonb in an puah hna i motor 1 aa let ralhrang 1 a thi tiah theih a si.

“Ralhrang motor 13 ah Myitkyina lei ah an kal, zaan 7:12pm ah bomb in an puah hna, suimilam cheu kahdohnak a chuak, motor 1 aa let, ralhrang 1 a thi, hliammi an um tiah ” khuami pakhat nih a chim. Ralhrang motor bomb puah an si caah ralhrang kuttang minung hna nih kahthlorh in an kah caah mipi inn lo a rawk mi um le um lo theih a si lo. Credit: 21 The Chin Tim

Bangladesh ram i Rohingya ralzam pawl umnak Kutuparlawng ralzam camp cu nizaan, March 8 ah a kang i, kum 6 ngakchiapa pakhat a nunak liam, minung 2000 hrawng umnak ngei loin an um, tiah Bangladesh cozah upa hna le Mithmutu hna chirhchan in Reuters thawngzamh nih a ṭial.

Kan hnu January lio zong ah khan ralzam camp voikhat a rak kaang cang i minung umnak inn 1200 leng a ciamh caah mimung 5000 leng umnak ngei loin an rak um cang. January in March, 2022 thla tiang ah ralzam camp hi voi 5 bak a kaang cang, tiah theih a si.

Meikangh ruangah umnak ngei loin harnak a tong mi hna cu a cheu an cingla rualchan inn ah an i dor hna i, a cheu cu hmundang ralzaam camp ah an i ṭhial hna, tiah Save The Children phu nih an chim. Ralzam pawl umnak hi rua in sakmi a si caah meikangh a fawi khunnak a si.

Nizaan ralzam camp a kangh kong ah zei ruang ah dah a kangh ti cu hngalh khawh si rih lo. Mei a kangh in mibawmchantu phu hna nih caan saupi an hmih hnu ah mei cu a dai i inn 300 a kaang manh, tiah Bangladesh cozah upa pakhat nih a chim.Credit: The Chin Post

Be First to Comment

Leave a Reply

Your email address will not be published.