kawlram lemcang thiam Minthang Chit Tuh Wai Nih Raldohnak Caah Fundraising A Tuahmi Cu Phaisa Sing 500 Leng A Hmu cang e
Raldohnak le dohthlenhnak ding caah bawmnak pe dingin fundraising a tuahtu lemcang thiam le hlasak thiam Chit Tuh Wai i Hope programme hmangin phaisa sing 500 lengkai a hmuh hi a si.
Hope caah tiin amah Chit Tuh Wai hrimhrim nih a tuahmi/a tahmi bag (3) hna cu lucky draw ticket zuar hratin fundraising a kawl hi a si.Kawlram telh in ram (7) nih lucky draw ticket cu cawk in thazaang an pek cio tikah ticket (4600) lengkai a zuar khawh hi a si.
Ticket pakhat ah Kawlram phaisa thonghra (10000) in a zuar nain vawlei cung ramdang dang phaisa thlen ningin Kawlram phaisa in sing (520) leng ka hmuh tiah amah Chit Tuh Wai pumpak nih a chim.
Kawlram chungah harsatnak phunkip ton cio a si nain ticket (2000) lengkai tiangin nan ka cawk i thazaang na ka pekmi cungah ka lawm tuk tiah amah Chit Tuh Wai nih a chim.
Chit Tuh Wai nih raldohnak le rampi dohthlenhnak caah fundraising kawlnak programme hi thlafatin tein ka tuah lai tiah a chim chih.Christmas caan, Kum Thar caan tibantuk zongah Chit Tuh Wai nih lucky draw tuah hratin fungdraising a tuah tawn tiah theih a si.
