Kawlram Ralhrang An Sual Chin Lengmang Caah Ralring A Herh

Tucu ralhrang nih khualtlawng chawklet pawl ahlei in an check chin lengmang caah na phone thianhhlimh ta aherh,cu aherhmi hna cu atanglei ah vun rel te,na thiam lole athiam mi hal hna. Tu lio hrawng hi Hakha Cawbuk gate hmanh cu tluk in an check ton lo mi kha, tucu Phone tiang felfai tuk in an check cang, cu ruang ah na phone chung Hmanthlak pawl gallery kha na delete hnu in Zapya le VPN hi uninstall (hnawt) chih hrimhrim ding asi.

A ruang cu Kawlram phone cu Zapya hi phone kip nih an ngeih i, Uico pawl nih an phone in kan phone pawl Zapya he an join,pehtlaih ter tikah kan delete,hnawh dih cia cang ko mi hmanthlak le video pawl tiang an hmuh khawh dih tthan.Trash clear tuah zongah Zapya ah a Lang thiamthiam hihi mi tam ngai nih kan theih khawh lo mi asi. Kawlram phone cu Zapya he aa pehtlai dihmi si caah Zapya kha uninstall,na tuah hau tinak si. By- Salai William HC

Sagaing ramṭhen, Monywa Le Mon ramkulh Yee ah SAC Mytel zung pawl cu tualchung PDF nih an doh, tiah theih a si. April 7 zing Sml 1:30 ah Monywa Mytel zung cawngtu SAC ralkap cu Unity Force Monywa le Brother Defense Force phufonh nih 40 mm in an kah, tiah theih a si.

Mizapi ralkap pakhat nih cun, “Monywa Khuapi, Kyauk Ka(​ေကက္ကော) lam ah a um mi Mytel zung kan kah. Palik pawl nih an kuan a dih tiang an kan kah i an kuan a dih in an zaam. Palik pakhat hliam a tuar i, cu pa cu civil thuam aa hruk mi palik pahnih nih an hruai i an zampi,” tiah a chim.

Cun Mon ramkulh, Yee peng Aungtukhah(အောင်သုခ) sang ah a um mi Mytel zung zong, zing Sml 10:45 ah bomb puah hnawh a si i, Daw Tan Tin(ဒေါ်သန်းတင်) kum 58 a thi. Zung chung ah a um mi midang 3 zong hliam an tuar i Yee siizung ah an kuat hna, tiah theih a si.

Australia Ambassdor cu SAC lutlai pawl he tonbiaruahnak an ngeih caah “Hi thil a tuahmi hi Mithat lainawng SAC a dirpi bantuk a si” tiah Human Right Watch (HRW) nih sual an phawt. SAC nih uknak a lak hnu in lamzawhtu mipi pawl a thahnawn hna ruangah ramkip nih an hnon lio ah a rianṭuan caan a dih deng cang mi Australia Ambassdor nih SAC hruaitu Min Aung Hlaing a vun ton cu HRW nih fak piin a mawhchiat.

Atu tan Australia le SAC lutlai Min Aung Hlaing tonnak ah ramhnih cozah le mizapi karlak rianṭuanṭi nakding kong an ceihhmai, tiah SAC thawngzamh cheukhat nih an langhter nain, “Hi tonnak ah hin zeidang kong ceihmai loin SAC cu a tuahsernak ngol ding le thong a thlak mi hna thlah ding in Australia Ambassdor nih a nawl chih ṭhan,” tiah Australia Foreign Ministry in Katrina Cooper nih cun a chim ve.

Hiti SAC kan va ton hna hi Australia nih SAC kan cohlan hna tinak a si lo, tiah a chim fawn. US tel in nitlak leiram vialte nih SAC phihkharnak an tuah dih nain Australia nih SAC phihkharnak phungning tein a tuah rih lo.

SeKan Khua Ah Hriamngan Puah Ruangah Ngakchia Pakhat Hliam A Tuar: Kalay peng, SeKan ( စက္ကန့်) khua ah nihin April 7 chun ah hriamngan kuan a tla i, a puak ruangah kum 9 mipa ngakchia pakhat hliam a tuar, tiah thawngtheih a si. Hriamngan kuan cu inn cungcih ah a tla i, inn chung lei ah a um mi nu pakhat zong hliam ngan tuk lo a tuar. Ngakchia pa te cu inntual ah lente aa celh lio ah hriamngan nih a tlak, tiah theih a si.

Hriamngan kuan hi SeKan khua pawng Fila( တောင်ဖီလာ) tlang ah umhmun a khuar mi SAC ralkap nih an kah mi a si, tiah khua mi nih an chim. Nihin April 7 chun ah Kalay peng, Myo Hla, In Dai Kone sang le khuachung ah hriamngan le meithal kah thawng, theih a si. TCP