Press "Enter" to skip to content

Khrihfa Aa Ti Mi Hna Nih Kan Lungput Pahnih !! Zu ding mi cu an rum zongah zeite ah kan rel hna lo

Khrihfa Aa Ti Mi Hna Nih Kan Lungput Pahnih !! Zu ding mi cu an rum zongah zeite ah kan rel hna lo. Nawhthuh ei in a rum mi officers hna cu upat kan pek fawn hoi hna.Cucu an ngeih mi thil ah a lang tawn. Zeibantuk in rum hmanh seh,thawhlawm zong pe tam hmanh selaw zu ding mi cu khrihfabu ah sinak a hmu kho lo.

Alahkhah/A hlawhnaak tam tangka a ngei i thuhnawh ei mi ti theih ko mi belte cu ,Khrihfabu ah sinak sang a ngah cawlh kho,an ti. Zu ding mi paaoh cu misual hrimhrim ah kan puh dih hna.
Hlepruk/Nawhthuh ei ruang i a rum mi belte cu a rumnak kha a thatnak in kan chimpi hna.

Zu ding mi cu rum ngai hmanh selaw pasal caah kan mitthit pi lem hna lo. Nawhtuh a la mi mirum fapa Eiru le chungkhar belte cu kan zah i an lungton kan i zuam hna. Zu ding mi pawl cu pumh khawmh fel ngai hnanh hna selaw vanram kai lo dingah ruah cia an si.

Nawhthuh a lak peng ruangah a rum ti theihko mi zong pumhkhawmh a huam ngai ahcun kan chim thiam ngaingai hna i vanram cu an ta ah kan chiah. A zu din lio kan hmuh hna lo zongah zu ding mi a si ti kan theih cang mi hna kha cu zu ding peng ah kan chiah hna i,misual bik ah ruah an si.

Thuhnawh a ei lio le a laak lio kan hmu hna lo,na in a ttuan mi le a ngeih mi ai millo mi hna khi ,a ngeihnak/a rumnak kha zeihmanh kan chim ngam fawnlo. Kan thih hnu ah kan i ruahchanmi vanram phanlo veve ding mi kan thleidan hna ning ah hin kan lungput cu a fianter ngaingai. Zu din a ttha tinaak caah ttial mi a si lo,minung nih sual kan ti mi pawl hi a dik hna maw?Ti tu hi ttial duhnak bik cu a si. Kai lawm. Tinduh Thang

Be First to Comment

Leave a Reply

Your email address will not be published. Required fields are marked *