Press "Enter" to skip to content

Khuapi Hmanmi Tikhur Ah Sii Thalo An Peihpiak Hna Hnu Ah Thil A Cangmi Rapthlak Le Buainak

Chaklei Shan ram,Kyaukme Peng,Hukwet khua i din ti cu October 7 zinglei nazi 9 hrawngah an ti cu a phul thluahmah i hrik thahnak sii rim a nam tiah khuami pawl nih cun an chim.Tlang tithiang kan lakmi a si i nizei dek hi bantukin sii hi a kan peih piak hnga tiah an ti.Zinglei ah ti kan van on cu kan ti cu a rim nan tuk i kan than ngam lo.

A rim cu a tutiang zong hin a thiang kho lo i kan than ngam rih lo tiah an rak chim.Ti kan laknak cu kan khua in meng 4 tluk ai hlatmi ah kan lakmi a si i ,cu hmun cu Shan hriamnam tlaibu pawl hna nih umhmun an khuarnak zong a si ve.Kan ti cu kan dinmi le rawlchumhnak ah kan hman mi a si .A ti hi a thianghlim i a thawt zong a thaw tukmi arak si . Ka chuahka in tutiang ah hi tlukin ti a phul hi ka hmu rih lo.

Kan thinzong a hung tuk hna.Sii tha lo peihmi a si caah kan khuami mizeihmanh nih kan ding ngam ti lo.Cu ruangah kan khua pin i tikhur ti kan than chom hna i kan hman hna tiah Hukwet khuami pakhat nih cun a chim i,palhnak zeihmanh a tuah lomi khua mipi ca tiangah ti din dingmi ngei lo tiangin mi tuah to hi cu thil tha lo tuk a si ti zongah a chim chih.

Hi konghe pehtlai in RCSS/SSA lei nih cun zeihmanh an theih ve lonak Kong le an mah tuahmi a si lonak Kong cu an rak chimh ve hna.A si kho lo,kan mah tuahmi a si loh.Kan daan le phung zongah hi bantukin mipi Harnam pek timi hi a um lo tiah RCSS/ SSA lei tuanvo ngeitu major Sai Kham San nih cun a rak chim ve.

August thla thok hrawngin Kyaukme pengah, SSPP/SSA ,TNLA ,RCSS le SSA hna cu fak ngai in an i kap hna i cu ruangah cun RCSS le SSA lei nih Hukwet khua pawngkam hna ah cun khual tlawngmi an kham hna ti theih a si. Hukwet khua i Nichuaknak leiah RCSS/SSA hna nih umhmun an khua i, an khua nitlak leiah SSPP/ TNLA hriamtlai phu hna nih umhmun an khuar ve ti theih a si.

Be First to Comment

Leave a Reply

Your email address will not be published. Required fields are marked *