Press "Enter" to skip to content

Khuapi kip hi Ralhrang pawl uknak tang ah tam deuh cu a um rih

CDM hna caah siaherh bia. Atu lio kan dothlennak caah a biapi bik thazaang hi ni hin ni tiang ah CDM asi ti usih law kan palh lai lo. Aruang cu nihin ni tiang ah Khuapi kip hi Ralhrang pawl uknak tang ah tam deuh cu a um rih. Sihmansehlaw, Khuate khuapi telh in Ralhrang pawl nih an nawl ngeinak an langhter khawh lo biknak aruang cu CDM hi asi.

Keimah ka zumhnak ah cun CDMer hna hi khim ten cawm khawh si hna seh law 80 % (or) 90% hrawng hi CDM kan luh ter khawh hna ah cun hriamtlai thazaang tampi hmanh herh loin Ralhrang pawl an uknak rawk dih lai i teinak tling kan hmuh cang hnga. Hi ah hin 75% hrawng CDM a tuahmi Chin ram zoh ah zeitluk in dah Ralhrang nih a uknak a ser khawh lo ti hmuh khawh asi. Ka ruah theomi cu Chinram ah hin CDM hi 100% bak tuah hna sehlaw,

Ralhrang hi an Sakhan te ah an um sawh lawng a si lai i an mah Ralhrang le an kut tang Police pawl tiang khi CDM lut ding in kan lem hna lai i dothlennak a cak ngai hnga ka ti theo. Nain Ralhrang pawl an hrampi a si mi Naypyidaw, Yangon, Mandalay tbk hna ah CDM 80% tal asi ve lo ah cun zalengnak tling hmuh cu a har rih hnga.

Zei ruang dah CDM hi a biapi cem an si timi hi a tawi tein ka langhter ah cun Ralhrang kut tang um minung pakhat nih CDM a tuah tik ah mah minung ai awhtu kawl ding le mah minung tluk in rian a thiam khawh ding ah Ralhrang nih phaisaa thazaang le caan saupi alak. Cu lawng hlah amah kut tang ah rian a ttuan ding mi nih na kut tang ah rian kan ttuan duh lo tiah kal tak tluk in ramkhel ah zoh a chia mi a um lo.

Ralhrang cu hriamtlai lawng a thiammi an si caah CDM an tuahmi ah an mah Ralhrang nih CDM hna aiawh in rian an ttuan kho lo. Cu caah nihin ni tiang ah CDM lei in a cak bikmi Siibawi pawl le Sianginn ca chimtu hna aiawh in mi thar kawl a har tuk caah hin hramhram in CDM pawl an tlaih hna i rian an lut ter ton hna. Cu caah CDM a tuah rih lomi zong CDM an tuah ngam lo ding ah CDM pawl hi Ralhrang nih tlaih, hrem le thah ding bak in an kawl peng hnanak hi a si.

Nihin keimah ka theihtawk in CDM a tuahmi he chawnh biaknak ka tuah tik ah bawmnak duh ruang ah CDM kan luh a si hrim lo an ti dih. Nain cozah rian an ttuannak a sau cang i paw cawmnak caah a dang rian ttuan ding kan i harh tuk ti hi an zaapi tein an chim dih. Cheukhat cu an chungle nih an cawm hna nain cheukhat cu CDM bawmhnak tlawmpal te an hmuhmi in har tak in an nung.

Nihin ni ah Chin ram ah 75% hrawng CDM an tuah nain cu hna cu Mipi nih kan zohmi 10-30 % kar hrawng lawng an si lai. Atu hi an paw cawmnak an khuai dih lawng si loin Ralhrang nih tlaih ding le thah ding in kawl ruang ah India ram ah CDM tampi an um. India ram a phanmi CDMer pawl ahohmanh nih CDM bawmhnak an hmu lo. CDM bawmtu committee zong an um ko nain Committee nih abawmmi an um ti cun committe cu CDMer kip nih theih khawh an si lo. Cu caah CDM tampi India ram ah nun him ding ah an rak zam cio nain paw khim lo dirhmun tu ah an tla cio.

ah hin chung le ei mi poh i hrawm asi i a ning deuh him duh ah India lei ka rak zam hnu ah ei awk ngei loin ka um tiah CDMer pakhat nih a ka chim. Keimah sin ah phone chawnh in CDM bawmnak a pe mi na theihmi an um ma kan har tuk tiah a ka halmi an tlawm ti lo. Cun paw cawmnak caah cheukhat cu Ramdang lei thil kuat in paw cawmnak an kawl. Cu caah CDM kong he pehtlai in ka siaherh bia cu ti hin a si. Atu lio dothlennak caah phaisaa thazaang chuahtu ramdang um kan unau hna nih papek bak in CDM bawmnak hi thlakhat Kawlram phaisaa “15000” tal CDMer kip sin ah a phanh khawh nak ding caah Committee kip he plan ttha tein ser a herh tiah ka ruah.

Cun India ram lut in CDM pawl nih pawcawmnak caah ramdang lei thil an kuatmi hi thazaang pe cio usih. CDM ruang ah India ram a rak lutmi nan theihmi poh thil zuar piak nak in siseh, a dangdang a lamkip in kutsamh in CDM bawmhkhawh kan zuam piak hram u tiah nawl kan duh hna. Atu tiang ah CDMer pawl har ngai in ka sin ah bawmh a ka halmi caah committee kip ka chawnh piak hna i, bawmhnak an pek khawh lo. Cu caah CDMer hna caah siaherh deuh in cawlcang cio hram usih. Credit-Salai Dokhar

Be First to Comment

Leave a Reply

Your email address will not be published.