Press "Enter" to skip to content

KNLA, KNDO Lei In Minung 7 Nih Miphun Le Ram Caah An Nunnak An Pek I Minung 24 Nih Hliam An Tuar Tiah An Langhter.

Kawtulay Kahdohnak Thlakhat Chungah Ralhrang Le BGF 400 Hrawng An Thi
Karen National Union , Kawtulay hmunhma January thlakhat chung ah kahdohnak 435 a chuak, ralhrang le ramri hngak BGF lei in 299 an thi i 300 leng hliam an tuar tiah KNU center nih thawng an thanh.KNLA, KNDO lei in minung 7 nih miphun le ram caah an nunnak am pek i minung 24 nih hliam an tuar tiah an langhter.

Cu hlei ah KNU Mutaw pengkomh, Dupalazia pengkomh hmunhma chung ah ralhrang lei nih mizapi umnak khua le inn lo hna cu hriamngan in an kah hna, vanlawng in an kah hna tiah an langhter.January thlakhat chungah nawlngeihnak la ralhrang le ramrihngak BGF hna nih hriamngan le vanlawng in an kah hna caah sualnak ngeilo mizapi 12 an nunnak a liam i 32 nih hliam an tuar.

KNU Dupalazia pengkomh, Ngianlaypin pengkomh, Baihthawai pengkomh, Mutaw pengkomh le Dupalazia pengkomh ah ralhrang cawlcanhhnak a hran caan mizapi 70000 leng nih inn lo chuahtak in a himnak hmun ah an i dor.

thawngdang.Karenni (Kayah) ramkulh chung ah, ral ruangah a himnak hmun i ai dor mi ralzaam hna camp ah Demosoe peng CDM Fire Police pawl nih dinti an va pekṭhenh hna, tiah theih a si. Demosoe khuapi pawng ah a um mi ralzaam camp 4 hna ah Febuary 5 thawk in ti an van pek hna. “Ral ruangah ai dor mi an si caah duhdim in hman ding ti an ngei kho lo, Khuapi chung ti ah le mei a rat lo caah ti dawpnak seh hman khawh si lo, Cucaah ti an har tuk hna.

Cucaah dawtnak le zawnruahnak lungthin he kan pek chanhmi hna a si, zei bantuk cozah hmanh nih fial mi le man phalh in kan tuah mi si lo,” tiah CDM Fire Police nih cathanh a chuah. Ralhrang nih hriamngan an kah ruang le mizapi umnak hmun i kahdohnak a chuah lengmang caah Karenni(Kaya) ramkulh chung ah ralzaam an tam tuk i dinti an har tuk, tiah CDM Fire Police nihcun a thanh chih.

Be First to Comment

Leave a Reply

Your email address will not be published.