Press "Enter" to skip to content

KNU Nih Ralkap 25 Bomb puahnak in An Thah Than Hna Good Bak A Si Hih

Mon ramkulh, Kyaikto peng, Sittaung Khuapi hlun pawng Kaanni Khuate pawng ah Ralkap Motor cu KNU nih Bomb an puah hnawh hna i cu ahcun ralkap (25) an thi tiah Khit Thit Media nih a tarlangh.

Nizaan September 22, 2021 zaan lei ah Motor khat lak in a kal mi Uico ralhrang pawl cu KNU nih lampi ah Bomb an puah hnawh hna hi asi.

“Motor cung ah ralkap cu an khat ko. Bomb kan puah hnawh hna i cun Lam kam ah an motor aa su, cu ahcun minung (25) an thi i a dang 5 zong faak ngai in hliam an tuar. Motor Bomb puah a si bak in ralkap cu an lau tuk i an i rem ning paoh in meithal an puah caah civil mi pakhat thi lak in an khen ve, cun a dang pathum zong an meithal kuan nih a hliam fawn hna” tiah KNU ralbawi pakhat nih Salween Press thawngzamhnak ah a chim ti asi.

Hi Bomb puahnak hnu ah kaphnih kahnak aa peh, ralkap nih Hriamnam ngan in pawngkam khua pawl zong an kah chih. Cun Motorcycle aa cit mi pahnih zong Meithal kuanfang nih a khen hna caah an thi ve. Ralkap pawl cu Mipi lei ah biatak tein an meithal par an mer caah kan kir tak hna tiah an chim hi asi. Source: Khit Thit Media

Be First to Comment

Leave a Reply

Your email address will not be published. Required fields are marked *