Press "Enter" to skip to content

KNU Nih SAC Ralhrang Kuttang Riantuantu Hna Warning An Pek Taktak Cang Hna

KNU: Ni 10 chungah ralhrang rian nan ttuannak in chuak dih u. Karen ram ah Pha Pyun khuapi pengah ralhrang rianttun tu hna cu KNU nih ralrinnak a pek hna.

KNU battalion 5 nih cun Pha Pyun khuapi pengah ralhrang rianttuantu dihlak hna cu ni 10 chung hrimhrim ah nan rian chuahtak dih tiah ralrinnak a pek hna.

Hi ralrinnka ca hi January 29 ah an chuah mi a si i, February 1 thok in a ni rel a si lai ti a si. Cun hi ralrinnak zei i a rel lo mi hna cu fak piin sualphawt nan si lai tiah an langhter. Ref; suimilammedia

Pu Daniel Sakhong nih tunai a tialmi kha chikhat lungthawhnak men in a tialmi a si lo. Miphun caah a tuan taktakmi CDF ralkap zong a ti hnawh lem hna lai lo, nain Vic Camp i chimh khawh ti lomi CDF lutlai pawl khi a sawh duh hna tiin ka ruah.

CNA ralkap cu zulhphung ah an lut dih caah tluang ngai in an hruai khawh hna, zoh dawh lo um khawh asi lo. Dantat colh a si. Siikan an ngei tuk. An thutdir ning uar an um tuk.

 

Nain, CDF khawngsawng bantuk in ai umter i Camp Victoria ah khua a sami nungak tlangval tampi an um ve. Nulepa mithmuh ah an um ti lo caah saram bantuk in zalawng tak in an um, cheukhat nih cun Sodom le Gomorrah he an tahchunh hna. CNA upa an mit an kem tuk tawn.

Zapi hmai zong ah ningzah an thei lo, duh poah in an i hnamh i zoh dawh lo an um. Zinglei an tuaimi dl le zaan ah an ihpimi an dl an i khat hoi lo. Pakhat nu cu zinglei ah Kawi A he an i tuai, zaan lei ah Kawi E a tuai than. Pa lawng si loin nu zong nih ihpi ding thlumthlum tampi an ngei cio tiah a chung ummi tampi sin in ka theih.

Raltuk kal le an duh lo, nifatin zuu din le Facebook thut in caan an dih. Miphun ralkap nih ral an tuk caan poah ah anmah nih Camp Vic in credit an i lak dih hoi. Mizapi nih chawngkhu tama pawl kha ‘hero’ ah an ruah hna i ral a tu taktakmi cu an min hmanh an thei hna lo.

Ram dawtnak lungthin taktak in meithal a tlaimi kan mino cheukhat Camp Victoria an phak caan ah an lungrawk tuk tawn, sau cam zong an huam lo. Camp Vic ah lutlai tampi cu saram bantuk an um cang caah an i thlen lo ahcun raltuk zong tha a chia tiah an ka chimh tawn. Mah biathli phuan ding hi ram dawtu CDF ralkap lila nih caan saupi an ka nawl cangmi a si. Credit-Salai Lungthli Tum (Global Chinland)

Be First to Comment

Leave a Reply

Your email address will not be published.