Kuanfang An Neih Lo Ruang le Hriamnam I Zaat Lo Ruangah CDF-Kanpalet Brigate Sakhan Cu An Chuahtak Cang
Chin ramkulh Kanpalet peng chung hrambunh CDF-Kanpalet le SAC ralhrang ralkap karlak ah kum 2022 Febuary 7 in March 16 tiang kahdohnak a fak ngaingai i, kuanfang i zat lo ruangah Brigate sakhan cu kan chuahtak ruangmang cang tiah nihin ah cathanh an chuah.
CDF Kanpalet nih cathanh an chuahmi ahcun kum 2022 March 11 ah Kanpalet khuapi in ralhrang ralkap thazaang 200 in CDF Kanpalet sakhan umnak leiah kahdohnak an tuah caah CDF Kanpalet he Ye Laung Pan khua cunglei Pan Taung Kyaw ah an i kap i, SAC ralhrang ralkap (3) an thi i, CDF Kanpalet leikap ah hliam tuartu an um lo.
Cuhnuah ni 13 ah khan Ngung Laung khua chaklei Am Pung khua cunglei ah a ummi SAC ralhrang ralkap cu CDF Kanpalet, CDF Mindat, The Youth Force le Saw PDF hna nih ramtang ah luhhnawh in an kawl hna tikah kaphnih kahdohnak a chuak than i, ralhrang ralkap (2) an thih i, CDF Kanpalet (2) hliam an tuar. March 14 zongah khan fak taktakin kahdohnak a chuak nain ralhrang ralkap leikap ah a thimi le hliammi an um le um lo theih an si lo.
March 15 ah CDF Mindat, CDF Kanpalet, The Youth Force le Saw PDF fonhmi phu le SAC ralhrang ralkap karlak ah zinglei sml 8:00-zanlei sml 3:00 tiang kaphnih kahdohnak a fak ngaingai i, CDF Kanpalet (1) nunnak a liam i, a dang (2) nih hliam an tuar. SAC ralhrang ralkap leikap ah a thimi le hliammi zat theih a si lo. Cu kahdohnak ah Mindat hrambunh ခလရ ၂၇၄ Battalion le Kyaukhtu lamhlat kahnak sakhan in hriamngan in an kah ruangah Damahtha Khua Hlun inn (9) cu hriamngan kahmi nih a khenh caah mei nih an kaang.
CDF Kanpalet leikap ah kuanfang i zat lo ruangah siseh hriamnam i zat lo ruangah siseh khuami nih an ton dingmi harsatnak tibantuk hna ruahpiak in siseh ralhrang ralkap nih a hleihluat tukin an kan kah ruangah siseh CDF Kanpalet Brigate sakhan cu caan karlak chuahtak a si.
Cucaah ramchung ramleng nulepa hna le bawmhnak petu hna nih hriamnam thazaang, kuanfang thazaang tam deuh in nan kan bawmh/tuaktan piak nakhnga zaangfah kan in nawl hna nak cathanh kan chuah.
Watlat Ralzaam Pawl Muka(Cungkhuh) le Sii-ai Bawmh An Herh!
relchap..Sagaing ramṭhen, Watlat peng khuate 6 in ralzaam hna cu muka le sii-ai an ngeih lo caah bawmhnak pek an herh tuk, tiah The 74 Media nih a langhter.SAC ralkap le Watlat PDF kahdohnak ruang ah khua mi dihlak ngawt cu an zaam hna i, an zaamnak hmun hi tupi a si lo caah naidem a um lo i, upa le ngakchia ca ko ah a har khun.
SAC ralkap nih khuachung ah hmun an khuar peng caah khuachung kir ṭhan khawh zong a si lo tikah eidin le sii-ai zong an chambau i nilin le ruah khamnak caah muka cungkhuh zong an ngei lo, tiah theih a si.
Kahdohnak ruang ah ramtang i aa dor mi hi khua 6 in an si i an zate minung 5000 tluk an si i hmun khatpi ah um lo in a khuakhua deuh in an um hna caah hmunkhat ah 800 tluk hrawng cio an um.
