Kum 41 Tlukmi Daw Aye Aye Wine Cu Ralhrang Nih An Tlaihhrem Hnu Ah A Fa Kum 3 Tluk He Ralhrang Nih An Thah Hna
Paoh Peng Inngidawng Khua Ah Kum 41 Tlukmi Daw Aye Aye Wine Cu Ralhrang Nih An Tlaihhrem Hnu Ah An Thah, A Fa Kum 3 Tluk Cu Ralhrang Nih Nam In An Thah, PDF 5 Mei In An Khangh Hna, Ngakchia 9 Telh In 29 Ralphaw Ah An Hman Hna I An Tlaih HnaMaway ramthen, Paoh peng, Inngidawng khua kum 41 mi Daw Aye Aye Wine cu ralhrang nih an tlaihhrem hnu ah a fanu kum 3 mi MaAye Ti Moe cu an thah hna tiah khuami nih an chim.
March 5 zaanlei ah ralhrang cu Inngidawng khua cu hriamngan in kahthlorh in an kah hnu ah an lut, khuami dihlak an zaam, zaam dingin an i timhtuah lio ah Ma Aye Aye Wine cu ralhrang nih an tlaih i an innhmai lamcung ah an tlaihhrem hnu ah an thah.
Inngidawng khua ah Phoisawthi le ralhrang 70 hrawng an lut mipi ralkap nih bomb in an puah hna hnu ah kahdohnak a chuak tiah theih a si.Kahdohnak ah ralhrang 20 hranwg an thi, 20 leng nih hliam an tuar, PDF lei ‘n minung 5 an nunnak a liam tiah theih a si.
relchap…March 7 ah CDF-Kanpetlet le SAC Ralkap karlak voihnih kahdohnak a chuak i, SAC ralkap Captain pakhat tel in minung 6 an thi, tiah theih a si.“Nihin March 7 ah Magwe ramṭhen lei in Kanpalet khuapi lei ah hmunthum in rallam a rak sial mi SAC ralkap hna cu zing sml 7:00 ah voikhat le zing sml 9:00 ah voikhat ti in CDF-Kanpalet/Mipi ralkap phufonh hna nih vanlawng tual/Airport (Sak cuahmahmi) hmun ah voihnih kan kah hna i, SAC ralkap captain pakhat tel in 6 an thi.
Kannih lei thi le hliam umlo in hnu kan kir kho, Kan i kah lio ah Kanpalet khuachung um mi SAC ralkap hna nih hriamngan in an vun bawmh hna,” tiah CDF- Kanpetlet nih March 7 zaan ah cathanh an chuah.
