Press "Enter" to skip to content

Kum 53 tluk a si mi Lt.Gen Moe Myint Tun cu MIC Chairman an pek, Kawlram Sipuazi zong Ralhrangbu nih tlaih dih an timh ko hoi cang Hih>>

Kawlram Sipuazi zong Ralhrangbu nih tlaih dih an timh ko cang lo maw?
==========================================================

Kan hnu March thla ah khan Min Aung Hlaing mi zumh SAC chungtel le Rallokap General Staff Officer rian a tlai lio mi Lt.Gen Moe Myint Tun cu Myanmar Investment Commisioner- MIC Chairman ah an thim mi thawngpang cu tu thla ni 7 ah Mipi hnakhaw ah a phanh tikah pheh thup awk a tha ti lo.

A phung ning ahcun mah rian hi Sipuazi lei mithiam (Economist) pawl deuh lawng khinh tawn mi rian ah Rallokap leiin General pakhat an khinh hi a si.

A tu SAC ah Management, Finance le Industry Vuanci U Win Shein le Ministry of Investment and Foreign Relation Vuanci an ti mi U Aung Naing Oo hna an um ko na buin DSA- 30, Kum 53 tluk a si mi Lt.Gen Moe Myint Tun cu MIC Chairman an pek.

Lt.Gen Moe Myint Tun hi Than Shwe chan i Maung Aye (PSO) a si hnu Nay Pyi Taw Command Commander, Bureau of Special Operation (ကစထ) Nay Pyi Taw in Lt. General a rak kai mi le Min Aung Hlaing aiawh tu dingah a min a lar ngai mi a si.

A sinain, a tu bantuk MIC Chairman rian an pek mi nih Commander in Chief lampi cu zeimawzat a kham cang. Cu pinah European Union- EU nih dantat mi ralhrangbu hruaitu 11 chungah a tel ve mi a si.

Zei a si paoh ah Kawlram Entrepreneur tam deuh nihcun an duhnak lungthin a tlawm tuk cang. A tu bantuk an ti ruangah Kawlram Sipuazi cu zeihmanh a thlen khawhnak ding a um kho ti lailo, mithiam si loin ralkap a si caah rawk deuh deuh ding lawng a tang cang ko tiah Entrepreneur cheukhat nihcun an ti.

Crd: The Chin Post

Be First to Comment

Leave a Reply

Your email address will not be published. Required fields are marked *