Kum Dang Nakin Chinram Ah SAC Nih Jet Hmang In Bomb Thlak A Tam Deuh
Kum Dang Nakin Chinram Ah SAC Nih Jet Hmang In Bomb Thlak A Tam Deuh. Myanmar ram chung buainak aa thawk 2021, 2022 kum nakin Chinram chung SAC nih Jet Fighter hmang in bomb a thlak hi 2023 kum chung ah bomb a thlak le a kah a tam deuh tiah theih a si.
2021 kum le 2022 kum ahhin cun Jet Fighter in bomb a thlak hi voi 20 fai lawng a si nain 2023 kum chung January thla in nihin May 8 ah Jet in bomb a thlak hi voi 150 leeng a si cang tiah CHRO nih a chim.
Hi kong he pehtlai in CHRO rian ngeitu pakhat nih, “Kum dang nakin tukum chung hi Chinram chung ah Jet Fighter a hman a tam deuh. A thlak zat hi voi 150 leng a si. A bomb a thlak mi incun bomb 300 fai a si i mipi nunnak liam zong an tam,” tiah The Chin Post ah a chim.
Bomb a thlak le a kah ruang ah Thantlang Peng, Khuafo khua siseh, Tlanglo khua siseh, Hakha Peng Malsawm khua le Vantlang khua siseh, Falam Peng Waibula khua, Ramthlo khua siseh, Mindat Peng chung siseh inn le lo rawkral mi zong an tam tiah theih a si.
Hi kong he pehtlai in, Mindat peng chung khuami pakhat nih, “Kan nih Mindat peng hi Jet hmang in an kan kah an kan thlak a tam. Khuami zong hliamtuar le nunnak liam a tam. Khuami tam deuh cu khua ah um ngam ti loin ramtang ah zaammi zong kan tam,” tiah min langhter duh lo pakhat nih The Chin Post ah a chim.
SAC ralkap nih Jet hmang in mipi a kah hna nak kong ah, “SAC nih hin tanglei cun an kan tei ti lo. Ralkap thazaang lei in an kan tei ti lo ca ah mipi hi aa tinh mi a si lai tiah ka ruah.
Mipi ka thah hna lai an inn ka khangh lai i hnu an ka chit lai ti aa ruah ca ah mipi aa tinhmi a si. Asinain, mipi nan lung a zor lo mipi nan tha a chia lo, kanmah ralkap kan tha a chia lo kan lung a zor lo, kan tei hrimhrim lai,” tiah min langhter duhlo mi ralram um pakhat nih a chimchap.
2023 kum chung SAC nih Jet Fighter hmang in mipi kahnak ruang ah mipi a thi, hliam a tuar le inn rawkral a tam tiah theih a si.
ချင်းပြည်နယ်တွင် အကြမ်းဖက်စစ်ကောင်စီက လေကြောင်းတိုက်ခိုက်မှု ယခုနှစ် တွင်ပိုမိုပြုလုပ်-CHRO အကြမ်းဖက်စစ်ကောင်စီက လေကြောင်းတိုက်ခိုက်မှုပြုလုပ်ရာတွင် ယခင်နှစ် ၂၀၂၁-၂၀၂၂ထက် ယခုနှစ် ၂၀၂၃တွင် ပိုမိုပြုလုပ်ကြောင်း သိရသည်။
အကြမ်းဖက်စစ်ကောင်စီက ၂၀၂၁ နှင့် ၂၀၂၂တွင် တိုက်လေယာဥ်အသုံးပြုဗုံးကြဲတိုက်ခိုက်မှု အကြိမ် ၂၀ခန့်ပြုလုပ်ပြီး ၂၀၂၃ နှစ်စမှ မေလ ၈ရက်နေ့အထိ လေကြောင်းတိုက်ခိုက်မှု အကြိမ် ၁၅၀ကျော်နှင့် ဗုံးအလုံးရေ ၃၀၀ကျော်ဗုံးကြဲတိုက်ခိုက်မှု ပြုလုပ်သောကြောင့် ဒေသခံပြည်သူများလည်း ထိခိုက်သေဆုံးမှုများပြားကြောင်း CHRO မှတာဝန်ရှိသူတစ်ဦးက The Chin Post ထံတွင်ပြောဆိုသည်။
စစ်ကောင်စီလေကြောင်းတိုက်ခိုက်မှုကြောင့် ဟားခါးမြို့နယ် မာလ်ဆောမ်ရွာ၊ဗန်တလန်ရွာ၊ ထန်တလန်မြို့နယ်တွင် ခွါဖိုကျေးရွာ၊ တလန်လိုရွာ၊ ဖလမ်းမြို့နယ်တွင် ဝေဘူလ၊ရမ်ထလို ရွာနှင့် မင်းတပ်မြို့နယ်တွင်လည်းပြည်သူနေအိမ်ပျက်စီးမှုများပြားကြောင်းသိရသည်။
ထိုကိစ္စနှင့်ပတ်သက်ပြီး မင်းတပ်ဒေသခံတစ်ဦးက “ကျွန်တော်တို့ မင်းတပ်မြို့နယ်မှာတော့ စစ်ကောင်စီက လေကြောင်းအသုံးပြုပြီးဗုံးကြဲတိုက်ခိုက်မှုပြုလုပ်တာ များသောကြောင့် ထိခိုက်သေဆုံးမှုများပြားပြီး ဒေသခံအများစုဟာ ရွာထဲတွင်မနေရဲကြတော့ဘဲ စစ်ဘေးရှောင်နေကြတယ်” ဟု အမည်မဖော်လိုသူတစ်ဦးက The Chin Post ထံတွင်ပြောဆိုသည်။ Crd: The Chin Post
