Laak Hruak Boruak Ruangah Hi Hnu Thla (6) Rian Peh Chap Dingin Caan Karlak President Sinah Min Aung Hlaing Nih
A Nawl, Ga Lung (ကာလုံ) Tonbiaruahnak Nih Rian Peh Chap Dingin Biachahnak An Tuah!
Kawlram chungum miphun vialte chungin miphun tanh hleinak le runvennak tonbiaruahnak (1/2022) cu January 31 ah Nyi Pyi Daw ah an tuah hna i,
cuka ahcun caan karlak President U Myint Sui, mipi hluattaw chairman U Tyi Khuan Myiat, Min Aung Hlaing le a hawile zong an tel ve i, President U Van Thiao cu ngandamlo ruangah tonbiaruahnak ah a tel kho lo.
Cu tonbiaruahnak ahcun miphun tanh hleinak le runvennak committee phu chungah aa telmi Min Aung Hlaing nih thil sining chimphuannak a ngeih hnuah laak hruak in caan karlak chung a rian peh chap rih dingin nawlnak a tuah i, atu kan ton cuahmahmi boruak le thil sining kong zong chimphuannak a ngei tiah theih a si.
Thil sining chimphuannak a ngeih lioah cun ramchung ramleng ah dawnkhantu hna an um lo ahcun atu nakin thil sining aa thleng lai pinah that lei a panh lai tiah chimphuannak a ngei. Cupinah tonbiaruahnak ah aa telmi hna nih thil sining chimphuannak an ngei dih hnuah laak hruak caan karlak riantuannak ding caah pehzulh in thla (6) chung nawlngeihnak an pek than tiah theih a si.
