Lai Hlasakthiam Le Mizo Hlasakthiam An Tling, “We Are The World” Timi An Sakmi Cu An Thiam Kho Taktak Si (+VIDEO)

Lai hlasak thiam le Mizo hlasak thiam an tling deuh hna, “We Are The World” timi cover an sakmi cu an thiam kho taktak si. Rak zoh ve hmanh, Mirang vanhai lo bak an si ko, Original sakmi he an i dang tuklo an thiam taktak si.

A Cover of “We Are The World” By CHINLUNG CHHUAK ARTIST (Written By Michael Jackson & Lionel Richie, Produced By Quincy Jones Michael Omartian)

CHINLUNG CHHUAK ARTIST: Atea PB (Boomarang) Benjamin Lianpi, Benjamin Sum (Guys From Chin) Betty Mang Hlei Tial, Biak Hlei Par, David Lai (Guys From Chin) Emily Ngung Hlei Sung, G’nie, Henry Varte, Honey Khuaitizu

Jenevy Sui, Lian Lian, Liandingpuii, P Thawngbawi (Guys From Chin) Rebecca Lallawmsangi, Rema (To Coda) Sangtei Khuptong, Shinbia, Van Hlei Sung, Vari Varte, Yellow Muzik, Zoramchhani, Zorema Khiangte and To Coda Band.

Atang bik te ah Video in zoh kho an si lai. Zoh ve hrimhrim hmanh uh, an thiam kho taktak si. Share, Like, le Comment in Thazaang pe cio hna usih an thiam tuk.

Relchap: 2023 Ah Dohthlennak Dawnkhantu Hna Part (1) 2023 kum ah Ralhrang MAH le Soe Win Te nih hohak mi Ralhrang Rallokap Fascist uknak kum 2 a si cang. Rallokap nih Mipi cozah kutin uknak hramhram in an chutnak kum 2 a si cang. A har bik mi hremhnak le thahnawnnak in mipi an kan uk nak kum 2 bak asi ve cang.

Ralhrang ukpennak dongh ter ve cang awk ah; Ralhrang vialte cihmih awk ah le Federal Democracy ram dirh awk ah Mipi I Paucan Dohthlennak zong kum 2 bak an tlin ve cang ko. 2023 kum cu miphun le ram damnak phawrh tu thlennak kum tiah mipi nih kan ti bantukin, Ralhrang MAH te nih anmah pennak hmun zungzal nak caah a hramthawk kum tiah an ti ve. Mipi nih kan tawn ding mi harsatnak le Dawnkhantu thil tampi lakah, kan hngalh tawk te tlawmpal in i hrawm tuah usih.

Lakhruak Uknak Caan A Dih Cang: MAH nih Uknak kan chut hna lo, uknak kan khumzual chung mi tu asi tiah, 2008 phunghrampi pohma 417 cu tanbo ah a hman. Tamada U Win Myint cu 2021 February 1 ah, zingka te ah an tlaih I, VP1 asimi U Myint Swe nih Tamada a ṭuan cang tiah mipi cu MAH nih an kan hlen. Zeitintiah Tamada a thih lo (or) a rian in aa din lo ahcun: VP1 nih Tamada ṭuan rai asi lo tiah 2008 phunghrampi ah aum.

VP nih Uknak cu Ralbawizik sin ah a pek khawh timi 2008 phunghrampi ah aum lo. MAH U Myint Swe cu Lakhruak Tamada tiah min a pek. U Myint Swe nih Kaalung meeting a kawh, Pohma 417 ningin Lakhruak can cu a thanh, Pohma 418 ning in Ralbawizik MAH sinah uknak cu ka pek tiah U Myint Swe nih a ti. Lakhruak uknak can cu Pohma 417 ningin kum 1 asi.

Lakhruak ukcan cu Pohma 425 ning in Kaalung nih thla 6 in voi hnih chap khawh asi. 2008 Phunghrampi ningin Rallokap Bawizik nih Rampi uk khawh can cu Kum 2 asi.

2023 February 1 ah a dih lai I MAH nih Kaalung kut ah uknak cu a chanh te lai. Kaalung nih Lakhruak uknak can cu MAH sin in an lak ṭhan lai I Pohma 429 ningin thla 6 chungah thimhnak an tuah te lai.

CSO le NGO tlaihkhih nak Upadi an tuah colh. Rallokap duh ning le phunglam zulh in, Legalization asilomi cu CSOs le NGO tuah khawh asilo tiah Bu dirhnak Upadi thar an siam. Ralhrang SAC theih pi nak in tuah mi CSO le NGO nih Social le Health lawng hi ṭuannak nawl an pek hna. Ralhrang SAC nih chakhri tlaih mi CSO lawng a um lai.

Lakhruak ukcan cu kan lak ṭhan cang, a dih cang tiah Rallokap nih an thanh nain, mipi hremhnak Upadi tu an tuah lehlam. Dai tein duhnak langhter khawhnak le zalon tein chimrel khawh nak Upadi kha hrawk an duh caah “ငြိမ်း၊ စု၊ စီ” timi Upadi thar cu Ralhrang Rallokap nih an chuah.

An duh can poah ah Mipi inn cu zalon tein lutchuak khawhnak le checkhlai khawh dingah “ဧည့်စာရင်းစစ်ခွင့်” Khua cazin check nak Upadi kha, biatak tein an nun ter. Mipi an kan hremh mi le tlaihkhihnak a zawr hlei lailo, Khuapi le innlo meiduah mi zong an ngawl hlei lailo, Mipi chawhlawn le thilri zong an fir ko rih lai, Damiah le fir an tam tuk nak zong an tlaih hlei hna lailo. A zual chin lai.

2023 Ah Dohthlennak Dawnkhantu Hna Part (2) Min Aung Hlaing le Kaalung. Kaalung kut ah MAH nih uknak a ap hna ti cu kut lawng in aum lai tinak asi lo.

2008 phunghrampi kha kahcham in hmang riangmang in 2023 thimhnak a tuah khawh hnu ah Tamada sinak caah asi. Kaalung cu Tamada hruaimi ram humhim tu phu ti asi.

Duh Tamada nih hruai khawh mi Kaalung asi lo. Kaalung member hna cu: Tamada: Duh Tamada 2; Amyotha Hlutdaw hotu, Pyithu Hlutdaw Hotu; Ralbawizik, Ralbawizik changtu, Humhimnak nak Vuanci, Ramdang Vuanci, Boarder Affair Vuanci, Home Affair Vuanci hna an si. Chungtel 11 an si.

Mipi kusale hi a tam bik 5 tiang lawng si khawh asi. Rallokap Kusale hi 6 in a cunglei an si zungzal nak Kaalung asi. Cucaah Tamada U Win Myint nih Kaalung meeting a kawh duh lonak cu asi.

U Win Myint nih Kaalung meeting a kawh ahcun mah le mah hri awk asi ve lai. Tutan MAH nih a kawh ding mi Kaalung cu Lakhruak Tamada tiah Ralhrang nih an ti mi U Myint Swe nih a hruai hna lai.

VP2 Henry Van Ṭhio aa tel lai, adang cu MAH le Soe Win minung lawngte an si lai. Mipi ai awh tu ah VP2 Henry Van Ṭhio cu Kaalung member asi nain telnak nawl an pek te lai lo. NLD nih Pyithu Hlutdaw Hotu an pek mi U Ṭikhunmyat cu lungtho thanuam tein aa tel lai.

Amyotha Hlutdaw Hotu Mann Win Khine Thant cu Ralhrang MAH te doh tu NUG PM asi caah aa tel lai lo. Myint Swe cu Lakhruak Tamada min an put ter ko nain, amah duhning in Kaalung hi a kal lai lo. MAH nih chakhri a tlaih I a duh poah a merh I a lam ter mi U Myint Swe asi.

Pohma 427(b) bangin Kaalung nih MAH cu Home Caretaker (Inn Hngak) Cozah tiah uknak an pek men lai. Uknak, Upadi siam nak le Biaceihnak nawl cu MAH sin ah an pek ṭhan lai.

2023 Ah Dohthlennak Dawnkhantu Hna Part (3) Thimhnak maw a tuah lai? Uknak maw a tlaih rih lai: Rallokap minung hna nih Kaalung kut ah uknak ap loin uknak hi lak lawlaw ko tiah MAH an forh. Uknak na khumzual chung mi cu Uknak a lak an I ti caah tutan cu uknak hi lak lawlaw ko an ti nak hi asi.

2023 thimhnak ah NLD aa tel ahcun Rallokap party nih teinak a hmuh lai lo kha an thinphang caah asi. NLD aa tel lo hmanh ah Rallokap party asilo mi nih TEINAK an hmuh sual lai tiah Rallokap minung hna nih an ti rih. Cucaah 2023 thimhnak tuah loin uknak lak lawlaw seh, MAH nih ti kha Rallokap minung hna chunmang asi.

2008 phunghrampi ning in uknak ka khumzual chung tiah MAH nih a ti nain, Uknak a lak lawlaw ah cun 2008 phunghrampi ning in asi ti lo caah, 2008 phunghrampi cu MAH nih a hrawk te lai, a thah te lai. 2008 phunghrampi thah loin uknak lak khawh le chut khawh asilo.

2008 phunghrampi cu MAH le Rallokap chunmang le saduhthah hlawhtlin tertu Baibol le an biakmi Khuazing bantuk asi. 2008 phunghrampi an siam nak hmun, Hmawbi, Rirangkung Hall cu Tuanbia lut Innpi si awk ah MAH nih a remh ter hna. Uknak an kan chut mi cu 2008 phunghrampi pohma phunphun in an kan lak hnawh, an kan hremhthat, an kan tlaih, kan innlo le khuaram mei in an duah mi vialte le an tuahserhnak vialte cu 2008 phunghrampi ning in asi tiah MAH nih a ti. Phunghrampi pohma tampi cu amah MAH tanbo le Soirawl ah amah tein a siam hna.

MAH te SAC le Rallokap nih cauk hringpi 2008 phunghrampi cauk hi Baibol le Vainam bantukin an I tlaih. Ralhrang Thang Sui nih Siamchuak mi 2008 Phunghrampi cu Rallokap le Rallokap Party (Rallokap Uniform a phawi cang mi Ralbawi rual) nih Rampi uknak tlaih zungzal le uktu si zungzal nak caah asi. Amah duh ning in thimhnak tuah, Ramkhel Party rual kha cawl khawh loin tuah in tlaihkhih, a dik fel lomi le tlukruan lonak tuah khawh nak asi.

Dikfel lo le dinfel lo ah a dih donghnak 2010 thimhnak in Bochuk Tin Sui hohak mi USDP cozah an kai. Sihmansehlaw, 2012 lakhruak thimhnak, 2015 thimhnak le 2020 thimhnak ah USDP an sung cikcek. Cucu MAH nih Fimnak le ralrinnak ah a hman cang.

Cucaah 2008 phunghrampi cu Baibol le Pathian bantukin MAH nih a biak lawlaw cang. 2023 thimhnak zong dikfel nak le tlukruannak pelte hmanh um bak loin a tuah chih te lai. Ningzak mualpho nak um lo bak tein a duh tuk hrinhran mi Tamada cu 2023 thimhnak in MAH nih a lak te lai. Uknak an kan chut I kum 2 leng an kan uk chung ah 2008 phunghrampi cu Mangkhawng le tanbo ah MAH nih a hman bantukin, 2023 thimhnak cu amah MAH Tamada si khawh nak caah Soirawl ah a hman te lai.

2023 Ah Dohthlennak Dawnkhantu Hna Part (4) 2023 thimhnak hi asi khawh lai maw: Kaalung hohak nakin thimhnak cu 2023 February 1 le July 31st Karlak ah tuah ding asi.

2023 July 31st nakin hnu deuh le tlai deuh a ngah ti lo. Cucaah MAH nih a mah nih a tuah mi le a thim mi Commission Hotu U Tin Soe le nih 2023 thimhnak si khawh awk ah karhlan in an I zuam cukmak cang.

Ramkhel Party rual phung lut asi nak lai a har tuk mi Upadi cu Commission nih an siam colh. Thimhnak ah a lut ding mi hna le Party hna temṭawn tu Upadi le mumal dundan cu an siam.

Mipi nih an duh mi Palai le Party vote pek khawh lo ding in (Asiloah) mee pek tu hna lung rawk cikcek ter tu mumal le dundan, zulh awk phunglam cu Commission nih an siam:

Vote thlak lio ah Dinfelnak um seh tiah hlathlai tu phu hna zalon tein a cawlcangh khawh lo ding in Upadi cu Commission nih an tuah.

Rallokap a duh lo tu le a doh tu Party le Palai umlo bak ding in Commission nih an tuahto mi asi caah, a hnu bik ah USDP le Rallokap duhning in alam mi Party hna lawng an tang te lai. Cu hna he 2023 thimhnak cu tuah awk ah MAH nih aa timh.

A thianghlim mi le a dikfel mi thimhnak tuah awk ah MAH nih aa timh mi asilo. MAH nih a tuah duh mi 2023 thimhnak sikhawh ding ah le hlawhtlin awk ah a herh mi (4) hna cu: (1) Thimhnak Commission (2) Thimhnak ah a lut ding mi Party le Palai hna (3) Vote pektu Mipi cheukhat (4) Mee thlak nak zung cheukhat.

Hi vialte hi MAH caah timhcia tein an um cang ti khawh asi. Amah MAH duhmi Commission an um cang. USPD Party aum cang. Thimhnak ah teinak ahmuh ballo mi Party rual an um cang.

Vote pek ding mi ah Rallokap le a family hna, Rallokap minung hna, Rallokap chung mee thlak nak zung hna, tbk in tlin tein Commission nih a ciasa in an tuah piak dih cang

2023 Ah Dohthlennak Dawnkhantu Hna Part (5) 2023 thimhnak asi khawh ding ah MLA A Zuam. Mee zung hnahnawk in hrawk ahcun thimhnak an tuah khawh lai lo tiah a ruah mi hna zong kan um. Hihi asi khawh lo ding in MAH te Commission nih an tuah cang mi asi.

Mee thlaknak Pengkulh pakhat ah Mee zung 50 um sehlaw, mee zung 30 hrawng ah mee thlak khawh ding asi ahcun a nung lai tiah Commission nih an ti.

Cu mee zung 30 lakah 20 cu Democracy ruangah tuah khawh asilo ahcun a tang mi 10 ah an tuah ko lai. Cu Mee zung 10 result ning in thimhnak cu an nung ter lai.

Commission Upadi ah mee zung cuzat ah cuzat mee thlak khawh lawng ah a nung lai timi aum lo. Mee thlak khawh mi zat in thimhnak nung ding ah Commission nih an tuah mi asi.

Rallokap mee zung ah mee thlak khawh asi ahcun 2023 thimhnak nung ding ah MAH nih a tuah dih cang. Rangoon, Mandalay, Bago, Nipidaw, Irrawaddy tbk ahcun Pengkulh kip ah thimhnak an tuah khawh men lai. Rallokap le an family, Rallokap minung hna lawng nih mee an pek zong ah a nung ko tiah Upadi an siam.

Mee pek lo tu an tampi lai nain an zeipoi lai lo. Zeitintiah Upadi ah aum mi cu mee thlak tu hna vote tu in TEITU Palai le Party cu lai a rel lai.

An duh ning in mee an hmuh rih lo ahcun Advance votes le vote deu in an I chanchuah te lai. 2008 Nargis Thlichia ruangah kawlram pumpi tuksapur thihnak kan tawn can hman ah, 2008 phunghrampi cu nung awk ah mee an kan thlak ter ko kha. Cucaah mee thlak khawh lo ding in kan hrawk lai timi hi a har pah te ko lai.

Nain kan hrawk hrim hrim a herh ko. Chinram ahcun Thimhnak tuah khawh lo ding in kan tuah dih a hau. 2023 thimhnak cu a dikfel lomi asi kan ti fam cu mu.

2023 Ah Dohthlennak Dawnkhantu Hna Part (6) Min Aung Hlaing hi Thimhmi Tamada Asi Te Lai Maw: Siangpahrang (SPH) le Tamada si awk ah a hrut cang mi MAL nih amah Tamada si khawh awk ah lampi pakhat a um chun mi le a dongh nak lam cu 2023 thimhnak lawng hi asi ko.

2023 thimhnak in USDP le Rallokap hawikom Party nih MP Palai an si te lai. Rallokap Palai 25% he an fonh lai I Hlutdaw an siam lai, Cu Hlutdaw cun MAL cu Tamada an thim te lai. Tamada cu MAL chunmang sangbik asi caah, asi khawh chungin 2023 thimhnak cu MAL nih a tuah te lai.

Asi khawh lo ding mi lam vialte cu a hrawk dih te lai. A hrawk khawh lo sual ahcun MAL Tamada sinak Dawnkhan khawh lo ding in an tuah lai. Kan Pi Ci a thlah te lai i mipi a lemsoi ter lai. MAL cu thimhnak in a rak kai mi Tamada asi ko tiah Tuluk, Russia le India nih an cohlan te lai, an hnatlak pi te lai, UN zong ah MALan bawmh te lai.

Tuluk le Russia Hawikom ram vialte nih, MAL cu Kawlram Tamada asi, thimhnak in a kai mi Tamada an ti te lai. 2023 September ah tuah ding mi 78th UN Meeting pi ah Rallokap Palai nung ter kha an duh mi asi fawn. UN ah Kyaw Moe Tun thlak an i zuam te lai.

2023 thimhnak an tuah khawh, MAL Tamada asi cang ahcun NUG UN Palai U Kyaw Moe Tun cu phung a lut ti lai lo. Amah KMT ai awh Rallokap Palai pa cu UN Palai asi te lai. Cucaah 2023 thimhnak cu MAL Tamada sinak asi bantukin, UN le Vawleipi level ah phung ning in Tamada le cozah ka si ti kha MAL saduhthah cu asi.

UN ah Mipi le NUG Palai asimi U Kyaw Moe Tun ai awh in Rallokap Palai pa si ter kha MAL te planning cu asi. Cucu 2023 thimhnak cu MAH nih a tuah khawh I, Amah MAH Tamada asi ahcun a hlawhtlin khawh mi asi. UN ah MAL cohlan tu le hnatlak pi tu ah Russia, Tuluk, India le anmah ram thum hna an hawikom cu MAH nih aa bochan hna.

Cucaah 2023 thimhnak cu MAH caah thihnak le nunnak asi. Cucaah 2023 thimhnak tuah khawh lo ding in kan tuah ahcun MAL caah khuaci a mui lai. 2023 thimhnak tuah khawh ding in a bawmh tu Non CDMers hna cu MAL Saal kan si zungzal nak hnga bawmhtu bik an si caah ngai thiam awk an si lo.

An nunnak him an duh ahcun Cazin lak lo in um cang hna seh, ka ngamh lo an kan thah lai ti hna seh law, anmah uirual le Palek nih Cazin lak hna seh, Ral doh hau loin tampi hellram visa kan tuah piak hna lai.

2023 Ah Dohthlennak Dawnkhantu Hna Part (7) Pau Dohthlennak le A Karhlan Ning: MAL cu a hlankan tein aa timtuah mi bantukin 2023 thimhnak si khawh ding in fak pi in aa zuam lai. Pau Dohthlennak cu fakpi in a doh lai I hrawk ding in aa zuam ve lai.

Cucaah 2023 kum cu raldoh nak a fak chin lai, Ralhrang Rallokap nih mipi an kan hremhthat mi hi a zual khun te lai, Phihkarhnak phunzakip an tuah te lai, Tlaih mi le thongthlak mi, Tazacuai mi an tam khun te lai, Innlo le khuapi mei duah mi an tam chin te lai.

Zeitintiah 2023 thimhnak tuah khawh kha MAL nih a fak pi in aa zuam ve lai. 2023 thimhnak tuah khawh lo ding in Tlangcungmi hmunhma cheukhat lawngah kan hrawk khawh mi lawngin kan hlawhtlin te lai lo. Mipi kha vote pek lo ding in kan lemsoi khawh hna abiapi.

Rangoon, Mandalay, Bago, Nipidaw le Irrawaddy tbk ah thimhnak tuah khawh lo ding in kan tuah khawh kha a biapi tuk hrinhran.

Cung lei ah kan langhter mi hmunhma hna ah thimhnak Commission kan hrawk khawh mi nih lairel asi te lai. UNSC meeting biachah ning in ASEAN nih 2023 thimhnak kan cohlan lo tiah a thanh khawh kha a biapi te lai. Mipi tam deuh cu mee thlak an duh te lai lo.

Mee an thlak hmanh ah cohlan lonak le hnawnmi le cohlan lomi mee si awk ah an tuah te lai. Sihmansehlaw, anmah duh lo tu hna ai awh in mee due tampi cu Rallokap nih an tuah te lai. Cu bantuk mee cu relcawk loin Rallokap te SAC nih an siam te lai. Cu bantuk tuah khawh awk ah mee tlap cu Ahlei hluat in an tuah te lai. bY- Joseph R Thang

Video