Laimi hi kan poituk tawnnak cu Meithal lian deuh le asau deuh mi kan hmuh poah ah Vanlawng kahnak ah kan ruah dih

Kan Vanlawng Kahnak Nih Akah Ding Mi Hi Naa Fiang Maw? Rallokap ngeimi Russia ram in a cawk mi Jet Fighters hna hi Radar hmanh nih atlai khawh lo mi asi ti hi fiang hmasa a herh. US Jet Fighter 35 bantuk asi ti zong theih a herh. Cucu kan vanlawng kahnak nih a kahthlak ding mi cu asi. Jet fighter pakhat lawng asilo. Atlawmbik (50) kahthlak aherh ti zong fiang cikcek a herh.

Cucaah kan cawk piak mi hna le kan cawk piak hna ding mi Vanlawng kahnak cu cu bantuk vanlawng a kahthlak khotu asi a herh ko. Cu bantuk vanlawng kahnak asilo ahcun Pakpalawng asi lai. Santlai nak angei lai lo. Phaisa dih men le rethei thabat men asi lai. Social Media ah nan tar mi Vanlawng kahnak kha cu asi te asi hrim lo. Rambo nih Thai ramri ah zuksin aathlak lio a hmang mi bantuk asi.

Vanlawng kahnak asilo. Duhsa tein ara mi Helicopter hmanh a thlak kho ding asilo. Atar hmasatu pa min tial duh hlah ning. Kha kan Upa nih atar mi vanlawng kahnak ati mi nakcha cun RPG nih Helicopter cu a thlak kho deuh lai. Kha bantuk man tampi in cawknak cha cun RPG tam deuh cawk piak ah Vanlawng an thlak kho deuh lai.

Laimi hi kan poituk tawnnak cu Meithal lian deuh le asau deuh mi kan hmuh poah ah Vanlawng kahnak ah kan ruah dih ve cu. Lunglawmh nak in kan khat I kan I lunghmui cu. Ngakchia thanthling liak ter asi. Kha bantukin mipi le mino kan hlen ti hlah uh. Kan cawk vekvek ding asi ahcun Russia Jet Fighter a thlak khawh mi vanlawng kahnak hi cawk ding asiko nan bia bo bang in le nan nal bantukin. Apuak khawh mi si ve cang seh. Cucu asi khawh lo ahcun RPG phuntha deuh mi tal tampi in cawnpiak ding asiko.

Kha bantuk vanlawng kahnak le RPG thaphun tampi kan cawk khawh hlan lo cu biatak tein raldoh fial rih lo ah atha lai. Khuapi Chung le khua he a nai nak ah kah rih hlah uh tiah ti ding ansi ko. Hrial khawh loin an i tawn sual ah dah tilo cun. Timh ciammam tein khuachung kap hi cu hrial rih ah atha. Vanlawng kahnak le RPG tampi kan sin a phan hnu ah duhnak poah ah kahthat ding asi.

Zeitintiah rallokap tampi kan thah khawh hi TEINAK ngai ngai asi rih lo. NUG kut ah uknak a phan le a phak tu khi TEINAK taktak cu asi. Hihi Upa hruaitu le CDF ralbawi hna nih hngalh zungzal aherh. Lungchung ah caa tial bak in I cinken zungzal aherh. Credit; Zingtincuai Cinzah