Laimi Kaa In Ralhrang Hi Kan Tei Hna Lai Lo Tiah A Hohmanh Nih Chim Ti Hlah Uh! Huat Nan Tlai Tuk Cang Hih, Mipi Thazaang Der Tertu Nan Si

Laimi Kaa In Ralhrang Hi Kan Tei Hna Lai Lo Tiah A Hohmanh Nih Chim Ti Hlah Uh! Huat Nan Tlai Tuk Cang Hih, Mipi Thazaang Der Tertu Nan Si. Kan dothlennak aa thok ka ah kan evan cheukhat nih ralhrang sualnak kan hmu lo tiah a au mi an tam pi. Mipi thin a rak lin ngai. Cu lawng si loin laim nih kan i bochan mi hna kanpa le pawl keimah aa timi pawl nih ralhrang hi doh hna hlah usih an ti i mino tampi kan tha a rak chia ngai.

A tutan ah micheukhat hne le Pathian rian tuan mi pawl hna nih cun ralhrng hi kan doh hna awk a si lo. Kan tei hna lai lo a ruang cu ralhrang hi fek tein kum 70 chung an dir cang i tei awk an tha lai lo i. Khuaibu sawh kan lo lai tiah a au mi an tam. Cu lawng si loin biathuam hna pathian riantuan mi pawl nih ralhrang hi tei ti hna hlah usih a ti mi an karh chin lengmang.

Hi bantuk mipi thachiatnak le beidong in kan chim len hnawh ti hlah uh. Hitluk in kan mino thatha le kan fanu kan fapa le an nunnak aliam hnu le kutbul le kee bul an tam hnu i beidonghnak nan chim mi hi cu huat nan tlai tuk lawmmam. By.. Pa Lian HC

Relchap; Martial Law Umtuning Part (3) Martial Law Le Karen Hriamtlai Phu (5) Pau Dohthlennak ah Raldohnak a tambik nak hmun hi KNU le Ralhrang karlak asi. Kum 2 leng ah Raldohnak 8600 leng aum. 7000 leng hi Karen ah asi lai. Chinland Raldohnak cu 600 leng asi. Karen nih Rallokap tampi an thah, Sakhan tampi an lak, Meithal tampi an lak nain, Martial law ah Pengkulh 2 te lawng aa tel.

Ciainn Seici le Kawkarei Pengkulh lawng Martial Law ah aa tel. Hi Pengkulh 2 hi Gen. Saw Naydarmya Hruaimi KTLA (Kawthoolei Army) humhual ram a si. KNU Ṭatmaha dang (KNU Brigade 4,5,6) humhual ram aa tello. KNU Brigade 6 hi raldoh bik mi an si nain, Martial Law an chuah mi Pengkulh ah an humhual ram aa tello. Thil sining hi aa ningcang lo ko tiah kan hlat ve tikah kan hngalh khawh mi cu:

(1) Rallokap he hnatlaknak an lak ṭhan I, Meithal le Sakhan an lak cia mi an pek ṭhan hna: (2) An lak cia mi Sakhan cu Saupi an khumzual khawh lo caah Rallokap nih an lak ṭhan (3) Rallokap he zong aa hawikom I NUG he zong aa hawikom mi Karen hriamtlai an tam tuk tbk hi thawng kan theih mi cu asi. Karen ram ah Biatak tein Ralhrang a doh tu Gen. Saw Naydamya te lawng an si ti asi.

A dang hi cu Rallokap he a hawikom na, Rallokap le NUG he aa hawikom veve mi, tbk lawngte an si. KNU hi phu 4-5 in aa ṭhenmi an si. A hmasabik ah Krifa le Buddhist tiah an I ṭhen. Krifa cu KNU an si I, Buddhist cu DKBA an dir. Rallokap sinah Surrender a tuahmi phu nih BGF an dir. Rallokap he PEACE a duh phu cu KNU / KNLA – PC tiah phu dang in an um. Ge. Saw Naydamya cu SPY 25 a thah hna caah, Ralhrang MAH nih Pressure an pek tuk hna caah KNU in an phuah.

Gen. Saw Naydamya nih KTLA cu a dir I Pau Dohthlennak ah Rallokap cu Biatak tein a doh hna. DKBA, BGF, KNU / KNLA – PC, BGF cu Rallokap hawikom an si. KNU le KTLA lawng hi Pau Dohthlennak ah Rallokap cu an doh ve. KNU hmanh ah Brigade 4,5,6 hi raldoh Bikmi an si. A hnu ah an pu le nih Rallokap he a thli tein hnatlaknak an ngeih mi a um caah, Sakhan le Meithal an lak cia mi zong an pek ṭhan dih hna.

KNU nih a huap mi ram hi Bago, Taungoo, Rangoon, Nipidaw, Thaninthayi, Irrawaddy, Mon – Thaton tbk tiang khi asi. Cucaah Ralkap nih a thli tein an tawn hna. KNU pi cu Rallokap he zong komh, NUG he zong komh tbk in Pingpong Theory kha an hman. Tulio hrawng lawng ah an ziaza cu Media kip ah an pholang hna. KNU Brigade 4 nih PDF cu meithal kan in pek hna lai tiah an HQ ah a auh hna.

PDF cu hmunkhat ah chiah loin 4,5 tein an ṭhen hna. Meithal zong an pek hna lo I, Ralhrang zong doh hlah uh an ti hna. Cu PDF ngakchia hna cu Bo Saw NDM Ralkap KTLA he aa doh mi Rallokap Ration le Kuanzen kuat tu ah an hman hna. KTLA nih zei tuah awk an hngalh ti lo I, Rallokap cu kah loin an um hna. Cu PDF mino hna nih Media ah an thlah tikah, PDF le KNU Brigade 4 buaibainak le Conflicts cu Social media ah an khat dih ko.

Kannih kan ruah mi cu, KNU nih Ralhrang tambik an doh, Sakhan le meithal tambik an lak, Rallokap tampi thattu an si, Karen ram in thawkin Ralhrang hi kan tei hmasat lai. Cuhnu ah Nipidaw, Rangoon, Mandalay le Kawlram khualipi vialte kan lak dih lai ti hi mipi kan chunmang cu asi. Nain asi naisai lo. CHINRAM tu in Kawlram lak hmasat dingin thil aum. NUG nih hriamnam le Phaisa he an bawmh bik mi Karen ansi fawn.

Karen ram ah Ralhrang dohmi cu Bo Saw NDM te lawng an tang cang. Cu KTLA nih an lak mi, Ciainn Seici le Kawkarei velchum lawng kha MAH nih Martial Law an chuah mi cu asi. Chin lawng hi MAH nih a ti khawh bak lo mi asi.

Martial Law Umtuning Part (4) Martial Law KNU Le Innsein Cozah. Martial Law ah Karen Pengkulh 2 lawng aa tel mi zoh ah Khuaruah har asi ko. Karen Ramkulh ah Pengkulh hna cu (1) Hlaingbwe (2) Hpa-an (3) Hpapun (4) Kawkareik (5) Kyain Seikgyi (6) Myawaddy (7) Thandaunggyi, Karen Ramkulh pin lei ah a um mi KNU le Karen Hriamtlai phu hna humhual mi Ramṭhen hna cu: Bago, Irrawaddy, Thaninthayi, Mon, Nipidaw hna ansi.

EAOs lakah Kawl Miphun umnak tiang Hipmi ram a ngeih mi hi Karen Hriamtlai phu hna an si. Pau Dohthlennak ah Raldohnak hi voi 8600 leng aum. Karen he i dohnak hi 7000 leng cu asi lai. Martial Law an thanh tikah Karen Ramkulh 2 lawng aa tel. Chinram Raldohnak cu voi 600 leng lawng asi nain Martial Law ah Chinram Pengkulh 100 % aa tel. Paletwa cu AA he raldohnak hmun asi caah Chinmi he raldohnak ah an khumh lo mi asi. Mindat cu 2021 lio ah Martial law an thanh cang. Cucaah Chinram Martial Law cu 100% bak asi.

Bochuk Aung San an thah tikah Panglong biakamnak a rawk cang ti kha Karen nih an hngalh colh. Saw Ba Oo Kyi (BE, Oxford) nih KNU cu 31 January 1949 ah a dir. KNU nih Kawlram cu a tuk i, Kawlram Ramṭhen 7 ningin an lak dih. Rangoon khua an lak dih cang i Innsein lawng a tang. Cucaah U Nu Cozah cu Innsein cozah an ti phah hna. Culio ah Ralkap cu Kawl Rallokap he an i fonh lo. Chin Ralkap, Kachin Ralkap, Shan Ralkap, Karen Ralkap, Karenni Ralkap tiah adang tein an um.

KNU nih Tlangcungmi cu kanmah kan bawmh uhlaw, Kawlram hi kan uk hna lai an ti. Tlangcungmi dang nih KNU bawmh an duh, Chin Ralbawi zik Col. Hrang Thio (Laizo) nih a duh lo. Culio Chin Ralkap cu Battalion 4 an si. Chin Rifle 1,2,3,4 ansi. Chin Rifle 2 cu Tedim lei an si, Col. Khen Za Hmung Le Col. Son Kho Pau nih an hruai hna. Annih Karen bawmh an duh. Chin rifle 1 cu Hakha Thantlang Falam Matupi Mindat Kanpelet, Paletwa an i tel dih. Falam Col. Hrang Thio, Col. Kap Cung Nung, Col. Van Kulh te nih an hruai hna. Chin Rifle le Chin Huap Ralbawizik cu Col. Hrang Thio asi. Adang col. pawl khi Col. an hmuh rih lo lio can asi.

U Nu nih Col. Hrang Thio cu ka fanu kan pek lai, Irrawaddy Ramṭhen cu CHIN kan pek hna lai a ti. Hrang Thio cu Nupi a ngei cia mi asinain, Culio ah CHINPA cu Nupi tampi ngeih khawh can asi. Aung San Thuriya Capt. Thaicawn kha CHIN nu le Shan nu tiah Nupi 2 a rak ngeih ve. CHIN Ralkap nih Kawl Rallokap an bawmh caah Kachin Shan le tlangcungmi dang cu ahohmanh an bawmh ti hna lo. Cuticun CHIN Ralkap nih Kawlram a lak dih cang mi KNU cu an tei hna, Thailand ramri tiang an dawi hna. Cuticun Nihin tiang cuka ahcun KNU cu an um bet.

Karen nih an ti mi NU Taw nih an kan tei an ti. Falam le nu timi tuanphung a tlin cikcek. Tedim le Sa, Hakha – Ttl le Zu ti hi a dik rih ko lo maw? 1950 ah Kawlram a lak dih mi Karen hi Kawlram an lak khawh ti lai maw? Martial law ning in Karen Pengkulh 2 lawng an uk khawh. Nu Taw ruangah Kawlram a uk dih balmi Karen a tei tu CHIN mi nih teh Kawl Ralhrang MAL te hi kan tei khawh hna lai maw. By- JRT