Press "Enter" to skip to content

Laimi Tampi An Umnak India Ram Ah Tuk Sapur Thihnak a Chuah Ve Minung 100 Deng An Thi Cang

India ram Gujarat ah Morbi timi tiva cung hri in thlaimi hlei cu nizan zarhpini ah a cat i minung 90 an thi tiah India Today nih a tialmi international media nih an van tial chin.

Minung 80 leng an chanh manh hna. A thimi lakah nu le ngakchia an i tel. Hlei a cah ahhin hlei a zawh le a cung dirmi an tamtuk ti a si. Mah hlei hi kum 100 hrawng a tthing cangmi a si i naite ah khan an remh, a ropmi an thlen.

An remhmi si caah ngamh ngaiin mahti mi an tam zong a si kho. Hi tiva cu hniang an hrawm tawnnak a si, India an puai nganbik Devali a dihka si. AFP

Kum 26 a si, 1952 Christmas zing ah siangpahrang dirhmun in a rammi sin a voikhatnak bik bia a chim i cucu radio in a rak si. Minote a si bantuk in a aw ther ngai in a rak chim nain fiang tein a rammi sin in a duhmi tihin a rak chim:

“Nan zatein nawl kan duh ko hna, zeibantuk biaknak paoh si ko u, mah ni caah hin thla ka cam piak u”, a rak ti i 1953 june 2 i siangpahrang tling sinak luchin an chinh ding ni kong a rak chim,.

 

cun “Pathian nih fimnak le bia kai kam dingmi a tlamtlinh khomi ka si nakding ah, cun Amah rian zumhtlak tein ka ttuan i rammi nan dihlak caah kan nunnak ni dihlak ka hman khawh nakhnga thla ka campiak u.” tiah a peh.

Mah cu bia a chim ni in ni 25000 hnu ah a thi i U.K siangpahrang vialte hna lakah saubik a tomi a si. Cu vialte nicaan chung ah Ral phunphun, lihnin fakfak,.

 

Dohthlennak tamtuk le kokek puicimh le zawtnak chia tamtuk a ton nain a zumhnak thlau lo tein fek tein a rak dirmi Pathian fa a si. Cucu Khrifa nunnak ah hmual a ngeimi tehte a si ko lo maw?

Siangpahrang uknak phung hi kan duh cio ti hna lo nain U.K cu siangpahrang nih uknak le cozah ah nawl an ngei lo, rammi caah a dir le to men an si. Cu tikah rammi zohchuntlak si ding le Pathian tehte tha,.

 

A sunparnak a langhtertu si ding hi Elizabeth nih a nunkhua 90 leng chung Thiangthlarau bawmhnak in a rak nunpi ti ahcun kan palh lai lo dah. A nun chung ah minchiatnak le mualphonak, a rammi nih hlawt duh tiang zohdawh lo thil a tuahmi a rak um lo.

Diana cu siangpahrang chung nunning in a nun khawh lo caah pa ai duh nain a thih tikah Elizabeth nih a ngaihthiam tthan. A fale pali lakah nupi a tthenmi, zu le sa in ai ciah i mi a tlaihhrem ti tiang in a min chiami an um.

Elizabeth nih a fapa cu siangpahrang fa sinak tiang a hlawtter. Cu tluk cun dinnak le ziaza ttha kha a duh i ai nunpimi nu a rak si.

Church of England hruaitu a lu si ruang lawng si loin a pumpak i Khrih he an i pehtlaihnak ruang ah zumhnak hi zapi lak ah fianghlang te in a langhter i a kilkamh pengmi nu a si.

Zumhnak hi pumpak he aa pehtlaimi pumpak pakhat ca a si ti a pom, i zumhnak hi an i hrawm kho lo, a fale lila nih an i hrawm kho lo ti a rak i fiang.

Cuti si bu ah siangnuhrang Elizabeth caah hin a zumhnak hi fiang te le thangpi in langhter kha ni khat hnu ni khat a rak biapi chin lengmang. Christmas i rammi sin biachimnak ah Khrihfa ziaza le zumhnak kong a rak chim peng.

Caan a ngeih paoh cun zumhnak kong chim a hrelh lo. Elizabeth nih zumhnak kong a chim tawnmi hi zumlotu nih zeitin an ruah ti cu kan thei lo nain Khrihfa tampi a kan hiptu American Evengelist pastor Billy Graham nih tihin a rak chim;.

“U.K ahhin siangnuhrang Elizabeth II nakin a kan daw i kan zawn a ruatmi an um lo.” Cucu B.G nih amah kong a tialmi cauk ah a telh.

B. Graham lawng hi Elizabeth le Pathian an i pehtlaihnak a rak hmutu a si lo. 1952 i kum 26 lawng a si lio ah U.K mipi 1/3 nih Pathian thimmi a si bak ko, an rak ti ti a si.

Amah zong nih a timi cu rammi thimmi lawng ka si lo, Pathian a ka kawh i a ka pekmi a si, tiah a chim theo an ti. British le UK ca i a tuanmi rian an zoh tikah Pathian kawhmi a si lo a titu an tlawm ko lai tiah ka zumh.

A luancia kum 70 ah a rammi sin i a rak halmi bantuk cun “Zantin ti awk in a ihkhun kehram ah a khup aa bil i siangnuhrang Elizabeth cu Pathian sin ah thlacam”, tiah Norway Khrihfa thawngca nganbik i editor pakhat nih a ttial.

Pathian sinah zeidah a hal ti cu amah le Pathian lawng nih an theih. A nunnak le cawlcanghning hi chan thar chung ah tehte tthawng ngai pakhat cu a si.

Kovit- caan lio ah kum 73 chung a pawng ah rak ummi a pasal nih a thih tak. Biakinn chung ah a pasal he ai hlatnak hnubik tlar ah a to lio hmanthlak nih vawlei a rak cul.

A fale le a tule zong nih an topi kho lo. Vawlei mi nih cun a ngaihchia ngaimi siangnuhrang Elizabeth lawng kan hmuh nain zumtu hna nih cun amah lawng a to lo, a pawng ah Pathian nih topi ko, tiah zumhnak mit in an rak hmuh. Amen.

Siangpahrang te chung zong England i Football Club pawl ah an uar le tanhmi an nei nain chim phung a si lo. An chim le an langhter cun buainak chuak kho.

Cun nihin kan vawlei kan zoh tikah ram hruaitu le nawlngeitu tampi nih an zumhnak an langhter ngam ti lo. An zumhnak an chimrel ahcun uartu an tlawm ding theih a si,.

I an zumhnak le Khrihfa nuncan ziaza an langhter lo lio ah siangnuhrang Elizabeth nih cun a zumhnak a thup lo, a zahpi lo i zapi sinah Khrih zultu a si kha a langhter peng. Amen.

Zeitindah Siangnuhrang a hun si timi kha ka rak tial cang i nan rel cun Pathian nih a rak thim hrim ko ti nan zumh cio lai dah. Hivial hin Elizabeth hmang in kan hmuhmi tehte khannak cu kan donghter.

Sibmlian, Source: Dagen, VL, The Time, Netflix(the crown)

Be First to Comment

Leave a Reply

Your email address will not be published. Required fields are marked *