Press "Enter" to skip to content

Laimi Tampi Khua an saknak Chinrawn Kalay lei Ralhrang Nih inn 100 Hrawng An Khangh Hoi

10/5/22 ah, Chinmi tampi umnak Chinrawn Kalay peng Siaphu(ရှားဖို) khua inn 106 ralhrang nih an khangh piak hna.An rawlruk pa ruk an duah piak chap hna. Kalay , Tahan bazar kam KT rawl dawr cungah nizan May 10 10:30 hrawng ah SAC ralkap nih hriamngan an kahmi a tlak caah a puak, tiah theih a si. Cu an kahmi hriamngan a puah caah inn cung khuh, chanpheo le a cung dot a rawk i Inn ngeitu nu le a fanu zong an baan an i hliam, tiah theih a si.

“Inn ngeitu hna hi a cung dot ah an it, hriamngan cu an ihkhun kam ah a tla. A cung dot hi cu a rawk ngaingai. Pathian nih a khamh hna ca ah a thimi an um lo, tiah tualchung mi pakhat nih a chim. May 10 zan sml 8:00 hrawng ah Kalay khua Sanmyo, Tahan, Taungphilar sang hna ah meithal thawng a thang. Cu hnu sml 10:30 hrawng ah hriamngan a tlak hi a si. A luancia April 12 lio zong ah Tahan sang The Methodist (Mission Veng) Biakinn kam ah SAC ralkap nih hriamngan an kahmi a rak tla bal cang.

Yangon ramthen, Myo Okkala telin pengkulh tambik ah zaan suimilam 9:00 hrawngah VanLawng thawngtheih a si hnuah , pengkulh tam bikah meikhu lawng te in a kkhat tiah mipi nih an chim. Myo Okkala , Yan Kin , Tamua telin pengkulh tambik ah minmei zaam hmuh a si bantuk in meikhu lawngte hmuh a si tiah mipi nih Khit Thit Media ah an chim.

” Zaan suimilam 9:00 ah vanlawng zuam thawng theih a si hnu ah khua chungah meikhu lawngte hmuh a si, min mei zaam cu an si lo. Inn chung hna ah a lut meikhu pawl cu, vanlawngin an thlah mi a si men lai . zeidah a cang ticu kan thei kho lo.” tiah Myo Okkala tualchung um pakhat nih a chim. SAC ralkap nih nawlngeihnak a laak hnu in NLD Party chairman Daw Aung San Su Gyi telh in party chungtel 917 tlaih an tong.

Cu chung in party chungtel 209 hna cu an umnak inn le an ngeihchiah laakpiak an si, tiah NLD party Central Working Committee nih nihin May 10 ah a thanh.
Tlaihkhih a tong mi NLD party chungtel minung 917 chung in 216 cu luatter an si cang nain, Daw Aung San Suu Gyi, U Win Myint, Dr.Zaw Myint Maung telh in 701 cu hren an si rih. Tlaihkhih an ton chung ah, hrem an ton ruangah le an ngandamnak lei ṭhaṭhi in zohkhenh an si lo ruangah.

Party chungtel in nunnak liam mi 18 an um, tiah an langhter chih. NLD party headquarters telh in ramṭhen le ramkulh um NLD zung 104 an hrawh, tiah NLD party Central Working Committee nih cun an langhter. SAC ralkap kut in Myanmar ramchung huap in nunnak a liam mi hi minung 2269 an si cang, cu chung in minung 38 cu NLD party chungtel an si, tiah an langhter chih. The Chin Post

Be First to Comment

Leave a Reply

Your email address will not be published.