Press "Enter" to skip to content

Laipa Cakei Salai Tial Thang Nih Mi A Thuat Ding Mi Hna Le I Thuat Can A Van Fiang Vuaimai Cang Ko Hih

Chinpa Salai Tial Thang cu avawi thumnak hrang One Championship ah mi a vua cang lai i January 22, 2021 ,Myanmar in nazi 7pm ah an thok cang lai. Tu ah Salai Tial Thang le amah cawnpiak tu Aung La Nsang cu Singapore ah an phan cang i timtuahnak an neih cuahmah lio a si. Salai Tial Thang i a vuak dingmi cu Indonesia mivuak thiam Paul Lumini a si. Paul cu “The Great King’ tiah minpekmi a si i kung fu, taekwondo, wushu le Muay Thai thiam a si.

Paul Lumihi cu 2015 kum in one Championship ah mi a rak vuak cang i puai 11 ai vua i puai 7 a tei hna i puai 4 a sung. Mah cu ah a donghnak bik puai 3 ai vuak nak cu. sung dih i a puai 3 in 2019 kum chungih mi a vuakmi an si. Cuhlan puai 7 chung ah cun teinak a hmu peng ve.

Salai Tial Thang cu One Championship ah minung pa 2 a vuak hna i teinak a rak hmu cang mi a si. Tutan an i vuaknak ding hi cu an dirhmun kai veve ding an si i taisawmh an co veve rih loh.Teinak a co mi cu hmailei ah puai tuahpiak than an si lai i, an dirhmun zir in Champion taisawm cuh kho dingtiang in kutka onpiak an si lai.

Tuitum One Championship cu “Umbreakable” tiah minpek a si i Main Card puai 6 a um. Salai Tial Thang le Paul Lumihi cu Main Card ah an i tel kho rih loh i puaithok ka ah an i vua lai. A ni le caan cu cunglei nawlnei tu nih an thanh cang bantuk in January 22, zan nazi 7pm ah live thok ding a si. Maid Card ai tel mi pawl cu a tanglei hmanthlak ah an um ko khih.

Live cu a caan ah zoh ding tampi a um lai i facebook ah share thluahmah a si cang lai. TV i zoh duh hrang ah Skynet in live a pek lai zumh a um. An pahnih in one Championship ah taisawmh an la rihlo nain, a niam deuh mi i vuaknak ah cun taisawm a la veve cangmi an si.

Be First to Comment

Leave a Reply

Your email address will not be published.