Laitlang Ah A Rak Kai Mi SAC Ralkap Motor (30) Hna Cu Atuhi Taingen Khua An Phan Dih Cang E, Share Cio Hna Uh! Ralrin Tein Um Cio Ding A Si

Ralhrang le an motor rual 30 cu Taingen khua an phan dih cang tiah kan theih. Credit: Salai William Hlawnceu… relchap Adang; Nan Pathian Biak Hlah Uh Keimah Ka Biak Uh Tiah MAL Nih A Ti (Part1) Sunday Ni pumh awk ah GAD zung ah a hlankan Ni 5 in ca chiah uhlaw, nawl peknak lak hmasat uh tiah MAL Te Rallokap nih an ti. Krifabu min in tuah duh mi Pumhnak, Thlacamnak, Puai, Civui, Conference tbk vialte cu Rallokap nawl peknak loin tuah khawh asi ti lo.

Kan tuah chih ahcun ka that ko uh tinak asi. Thih a duh mi nih I pumh ko uh tinak sullam a ngei. Nithum zan pumh, Ninga zan pumh, sang pumh, Zarhteni zan pumh, Zarhpi zan pumh, tbk zong um khawh dawh asi ti lo. Krifabu min in tuah mi puai le thlacamnak poahpoah cu zalon tein tuah a ngah ti lo.

Crusade kong cu ceih awk aum ti lo. Crusade kan tuah ahcun kan that dih uh tinak asi. Kan miphun le Kanram cu thihlohnak le harsatnak tuksapur vialte MAH nih a tlunter hnuah a hnubik kan ruahchannak le zumhnak ah a tangmi (Last Bullet) KRIFABU le kan zumhnak cu hrawk cikcek aa timh tu MAH asi.

Pathian thangṭhat duh le pumh duh poah ah MAL te chimh hmasat ding asi timi sullam cu kan PATHIAN biak awk ah MAL nih nawl pek a herh tinak asi. Cucu Pathian do asi ko lo maw? Anungmi nan Pathian biak hlah uh Keimah MAL ka biak uh tinak asi ko.

Pathian Thangṭhat awk ah GAD ah nawl onh nak caa lak hmasat cu Pathian chiatserhnak lehlam kan tuar men lai ti awkin thil a kal cang. Biakinn le pumhnak siseh, Krifabu minin kan tuah ding mi puai le Civui vialte zong CDM dih a herh phun in thil a um cang.

CND, Indianapolis USA ah Chin Lengnu Kan samthlairem rual Wrestling puai an tuah mi kha hi bantuk thawngchia theih awkah Lamkaltu an si men lai. An sual caah asi hrim lai lo. Gender Balance, Gender Empowerment, Women Rights, CEDAW, tbk zohchih ahcun Indianapolis um Wrestlers CHIN Lengnu hna an palh hrim lo. An duh le duh lo ruangah an I sik mi asi lai lo.

Tuak cio kohen uh cah, ZEIZONG sertu le ZEIZONG te cungah nawl ngeihtu, Van le Vawlei sertu Anungmi Pathian Thangṭhat awkah Rallokap Ralhrang MAL sinah nawl onh nak hal timi cu. Pathian doh asi ko. NU bia in biatlu hlah ti nawn hlah, Nubia tlang kai lo ti duh ti hlah.

Kan chan hi chan chia asi ti le, CHINRAM le CHIN MIPHUN sinak tuksapur thil ṭinung a tlunglai, tiah a profet chung mi Indiana CHIN Lengnu samthlairem rual ti ve cang rawh. CHINRAM ah khuaci a mui lai timi an langhter mi tu asi lai.
USA Zophei Biakinn ah Indiana cu April thla 2023 ah Pathian nih a hrawk lai a ti tu nu le a hrawk lai lo a titu ZOMI Mihrut pa zong khi CHINRAM ah Zalon TEIN KRIH biak khawh asi lo nak hi an chimh chung mi asi lai.

Martial Law an thanh cia mi Rangoon ah Pura ah kal hlah uh timi aa tello in, Martial Law an thanhmi Buddhist tamnak kawlram ah Pura kal le Phungki inn kal an khamh bak lo mi zoh tikah KRIFA cihmih an duh timi hngalh khawh asi. Tehte dang a herh ti lo.

Kawl Politicians kip nih Mabatha timi Amyo Batha Thatana phun thum in an kal dih. DASSK le NLD zong an kal ve ko nain MAH te Rallokap hi a zual bikmi an si.

U Nu nih Kawl biaknak cu Rampi biaknak ah asiam. Ni Vung nih Burmanization in an kal. Thang Sui, Tin Sui le DASSK nih Naṭala in an kal ve. Bambawk le mantat lawngte.

Nan Pathian Biak Hlah Uh Keimah Ka Biak Uh Tiah MAL Nih A Ti (Part2) Chinram Biaknak kongah Rallokap phihkarhnak cungah an aw-an cio hna cu: RFA: Zalon tein biaknak nawl timi Covo cu SAC nih an buar a ti.

Chin State SAC order: Martial law thanhmi Chinram Pengkulh 8 ah, Sunday pumh siseh, Krifa phungin tuah mi Zatlang le nunphung ah siseh, Ṭhitumnak tuah duh ah siseh, Thlacamnak puai tuah duh ah siseh, District le Pengkulh GAD ah nan tuah hlan ni 5 ah ca nan chiah cia lai ti asi.

13 February 2023 ah Krifa hruaitu le Pastor hna sinah caa an kuat chih hna. Sang le veng upa nih Loudspeaker in an vak I an thanh ve hna. 2 February 2023 ah Chin Pengkulh 7 (Mindat le Paletwa tello) ah SAC nih Martial law an thanh. CDF an thazang a ṭhawnnak hmun asi mi Pengkulh 8 ah Martial Law an thanh hi asi.

2021 kum thawk ah Mindat ah Martial Law an thanh cang. Paletwa cu AA he kahdohnak an dai chung caah Martial Law an thanh lo hi asi. Chinram Martial Law cu 100% asiko kan ti lai. Tedim Pastorpa: Biaknak dang ti ve loin KRIFA lawng khap hi cu thil dik (Justice) asi lo.

Pumhnak le Pathian Thangṭhat kan duhnak kong lawm vialte ṭial chih dih a herh. Tling tein kan ṭial hnu lawngah GAD ah cachiah uh tiah an kan ti. Tuah caan, Tuah hnawhchan mi konglam, Zeiruangah dah tuah asi, Tuah caan tawisau, Ṭuanvo lak tu ding minung, tbkin tling tein tial lo ahcun cohlan lo asi lai ti asi.

Buddhist cu cachiah ter mi ti aum lo nain KRIFA lawng mah tin cachiah ter cu a dik bak lomi asi. Zan leng chuak lo ding tiah Martial Law an thanh mi cu Zanlei suimilam 6 in Zinglei Suimilam 6 tiang asi. Chinram ah Kan zumh mi le Kan biaknak zalon tein biak khawh asi ti lo. Cucaah hi order sullam cu Anung mi nan Pathian Biak hlah uh Keimah MAL ka biak U tinak asi ko.

Nan Pathian Biak Hlah Uh Keimah Ka Biak Uh Tiah MAL Nih A Ti (Part3) Mabatha timi sullam cu Amyo Batha Thatana timi asi. Burmanization timi kawl miphun ah siam dih timi he aa Dannak nak aum lo.

Kawl Uktu kip nih Mabatha in an kal dih. Azual dueh le a ṭha deuh lawngin an um. Than Shwe chan in NLD chan tiang ah CHINRAM ah Naṭala rianṭuan nak thawngin Krifa in Buddhist aa ṭhial mi hi 60000 leng ansi. Krifa zumhtu le Pastorte kan daithlan tuk ruangah asi ko.

Kawlrawn lei ah Missionary kan ṭuan nain kan Innlo ah kan I ven khawh lo. CHINRAM ah Krifa ṭha le zumhtu karh loin Buda Bada tu kan karh caah Pathian a lawmh ti lo. Cucaah Kawlram Martial Law an thanh mi hmunhma ah Buda Biaknak an khap lo I Pura kal an khap lo nain, CHINRAM ah Anung Pathian biak cu khap kan si hi asi rua.

CHIN MIPHUN le CHINRAM lawng siloin KRIFABU le KRIFA biaknak tiangin Cihmih duhtu Ralhrang an hung chuak cang. Cucaah Pau Dohthlennak cu Federal Democracy caa lawng ah tuah mi asilo. KRFIABU le kan Pathian caah Dohthlennak tuah chih asi kan ti mi cu asi.

Culio ah Kan Pastorte tampi le Evangelist Tampi siseh, Zumhtu Relcawk lo nih KRIFABU phaisa cu Dohthlennak ah kan hman awk asi lo nan ti mi hi Kan poi ko dakaw. Crusade Raldohnak ah KRIFABU phaisa kha an rak hman lo ahcun KRIFA RAM vialte Muslims kan si dih cang hnga.

Jerusalem khualipi le Bethlehem zong Muslims taa an si dih cang lai. Crusade raldohnak ah an palh ko kan ti ko hna nain, an palh lo tinak cu Vawleipi ah member tambik cu RC thotho kan si ko ti hi asi. Korea Dohthlennak an tuah lio ah Pastorte nih an hruai hna I, Ram le miphun caah Hero’s asi mi le Martyrs asimi Korean Pastorte hi an tam hrinhran ko tiah tuanbia ah hmuh khawh ansi.

Cucaah Korea nih Rampi HERO caah an upatbik mi le Paput langcawi bik mi cu Pastorte an si ve. Tutan hi Pastorte le Evangelist hna, KRIFA Zumhtu hna nih Ram le miphun caah Hero sinak can ṭha kan ngei ve mi asi.

Pau Dohthlennak ah KRIFABU phaisa hman a duh lomi Pastorte le Evangelist hna caah Pathian nih can ṭha le can rem an siam piak mi hna asi.

Evan cheukhat le Pastorte tampi nih KRIFA bu ngeihchiah cu Raldohnak caah nan siam lo caah tu bantukin nan pawng tein Ralrhang nih an in um hnawh hna I an in tuahto cang hna. By- JRT

Nan Pathian Biak Hlah Uh Keimah Ka Biak Uh Tiah MAL Nih A Ti (Part4) Profet Elaizah Bantukin Rallokap Cu Vainam In An Ngawng Tan Ngamtu Pathian Minung Kan Herh Ngai ko.

Elijah cu amah lawngin Baal Profet 450 le Ralhrang Ahab SPH pa le a Tlangbawi, a ralkap relcawk lo cu a zuamcawh hna. An hngawng a tan hna i, Vainam in a samh dih hirhiar ko hna.

Elijah bantuk Pathian rianṭuantu tampi kan in herh ko hna. Dohthlennak caah KRIFABU phaisa hman aduh lomi Evan le Pastorte nih Rallokap sinah nawl hal loin Pumhnak, Crusade le Pathian thangṭhatnak kan tuah ngam hnga maw? Kan tuah ngamlo asi ahcun Dohthlennak kongah tam tukin holh lem ti hlah law, Dalaan si fawn ti hlah.

CHINRAM cu KRIFA ram kan si kan ti ko nain Buda Bada an karh tuk mi hi nan tuak bal cio maw. Hi kongah Pathian nih bia an kan ceih te lai. Krifabu phaisa cu Dohthlennak ah hman cu Pathian biaceihnak nan kan ti ko nain, Naṭala mission ruang tu ah biaceih deuh le chiatserh deuh kan si te ko lai. Krifabu phaisa fir hmang zong I ralrin cang.

Pathian biaknak nawl MAH sin hal hi Pathian hnatlak mi asi lai lo caah kan tuah loah an ṭha deuh. Biakinn taktak cu Kan pum asi caah Uirual sinah nawl hal loin mah le inn cio ah Zan fatin, Ni fatin tein Pathian thangṭhatnak ah hman ko usih.
Martial law cu zan ah a leng chuak ahcun kap thotho asi caah nawl hal zong ah thah nakin kan luat hlei lai lo.

Fianternak: Pathian Biak an kan khamhtu MAL le SAC Ralhrang Rallokap le an minung hna hi Elaizah bangin Pastorte le Evan hna nih an Hngawng kan tan ngam hna lai maw?

Kan tan ngam hna lo ahcun Kri le Krifabu caah Raldoh mi CNA CDF le GZ mino hna tu Profet Elaizah bangin Pathian thimh mi le thlah mi an si lai fawh. Cucu na zumh ve a herh i ngeihchiah chawva tampi in kan bawmhchan a herh ngai ko. Crd: JRT