Press "Enter" to skip to content

Lo In A Tlungmi Sualnak Ngeio Ralhrang Nih a Tlaih Hna i an Hrem Hna

KNU nih an control mi hmun Bilin(ဘီလင်း) peng , Mepali(မဲပလီ) umhmun khuar mi SAC ralkap le BGF nih tualchung mi pawl a ruang um lo in an tlaih hna i an hrem hna tiah dohthlennak tuahtu phufonh nih thawng an thanh. May 2 ah khan lothlawh nak in a tlung mi Bilin peng Mepali khuami 3 le Asuchaung(အစူးချောင်း) khuami pakhat cu SAC ralkap le BGFnih a ruang umlo knn an tlaih hna, an hrem hna i an kal pi hna.

Tlaih a tong mi hna cu a tu tiang an thlah rih hna lo caah an chungkhar hna lungrethei in an um tiah tualchung mi pakhat nih a chim. SAC ralkap le BGF nih khua chung ah lut in a ruang um lo piin mipi tlaihkhih in an hrem hna hi nu hrin covo an buar a si tiah dohthlennak tuah tu phufonh nih an chim. Cu leng ah SAC ralkap le BGF nih rallam an sial ah tuangchung mi nu le tar pawl hramhram in an tlaih hna i ralphaw ah an i serh hna tiah dohthlennak tuah tu phufonh nih an thanh.

Myaing Peng Ah SAC Ralkap Nih Mipi Inn An Khangh, Magway ramtthen, Myaing peng ah SAC ralkap le pyosawtee thazaang 70 leng nih May 1 ah khan Ywa Tit Gyi (ရွာသစ်ကြီး) khua inn 71 an khangh i phungki sianginn ah um mi refrigerator le computer le thliri pawl an hrawh dih tiah tualchung mi nih an chim.” Inn an kan khangh piak, phungki sianginn i ummi refrigerator le computer si seh a dang thilri dihlak an hrawh dih, i zaam pinak caan hmanh kan ngei lo.

Ruah lo piin si kaw kan sungh mi a tam, SAC ralkap nih ram pumpi in mipi ngeih mi an hrawh,” tiah Ywa Tit Gyi khuami pakhat nih a chim. SAC ralkap nih Myaing peng Tikung khua(သီးကုန်း) Nyaungpin(ညောင်ပင်), Tapuat(သပွတ်), Sanpiah(စံပြ), Zipyotakaung(ဇီးဖြူတကောင်း) khua hna zong an khangh i peng 84 in khuakomh tampi an khangh ruang ah a rawk mi a tam ngaingai tiah tualchung mi sin in theih a si. The Chin Post

Be First to Comment

Leave a Reply

Your email address will not be published.