Press "Enter" to skip to content

Lukawng Thantlang Oh Ka Ṭah Pu Tum Bik Nih Duhlonak A Langhtu Minung Zakhat Renglo Ralkap Kut Ah A Report Hna

Thantlang Oh Ka Ṭah Pu Tum Bik Thantlang mino duh lonak a langh tu pawl minung 100 reng lo a report cang hna tiah Thantlang mino sinin kan theih!An lungfah in phone an ka chonh. An thin phan ning hmuh khawh a si! Rak share cio uh!Please look after yourself. God is with us!

Tuzaan Kawlram Kong Ah Theih A Herhmi.Laiholh tein tlang hun au nolh ko ning. Tuzaan hi tapung pawl cu biatak tein an i timtuah cang. Zeidah an i timhtuah tiah cun thaizing hi mipi lei nih ram pumpi zungkai lo thawk ni Nation Wide CDM Day forhfial a si cang ca ah kan hlawhtlin lonak ca ah an hranhram thil an i timh a si. Cozah a rianṭuannak hi a tu uknak an lak hnu ni hleili chung ahhin a dir ngacha a si cang. Chiahthlah le phurhtlunh (Transportation) ah tlanglawng cu an zapi an dir bak cang. Siizung a dir bak. Fimcawnnak a dir bak. GAD zung zong an dir ngaingai cang hna. Bank zong zatuak tam-u a dir ngacha cang. Central Bank hmanh a hnursuan cang. Tapung pawl thawngthanh le MAH pumpak hrimhrim nih nan rian ah lut ulaw ee tiah nawlnak a tuah mi nih khin a fianter ngai.

Mipi nih le thaizing hi CDM ah ram pumpi i tel dih usih tiah forhfial a si. A hlawh a tling tuk ding a si fawn. Cu ca ah khua an khang.Tuzaan ah internet zong hi an thah khawh men. CDM ah ai tel mi cozah rianṭuan, Bank rianṭuan vialte hna cu zaanlai ah hnuhdawh in zung ah hrenhkhumh dawhdang nan si. Zeidah kan tuah lai? Zung rianṭuan, a bik in Bank rianṭuan hna hi a kan khamhtu nan si. Tapung reem khotu bik zong nan si. Cu ca ah an in hnuhdawh hna lai. Tuzaan cu inndang ah nan riah ah a ṭha. Hmundang riah ding na si khawh lo ahcun innpa chakthlang le sangveng nih hriphriao tein mitthlirh ding an si lai. Fir le tlei in an rat tikah umkheng heh tiah rak tum hnawh le ui-ar ṭhawl in rak ṭhawl ding an si ko. Thaikip lei ah cun an hrang deuh khomen. Vuanṭhan innhmun khuasa hna ca ah thinphang ngai a si. Luhnawh in hnuhdawh a fawi ngaingai.

Thawng pakhat kan theih mi ah palik thil zun 40,000 an cahnak thilṭhi sehzung pakhat in thlithawng a chuak. Ralkap kha palik thuam in mipi hnuhdawh ah an chuak lai. Asiloah thongtla kha phaw an hruk hna lai, mi inn ah an lut lai. Ram mipi himnak upadi (naing/lut/long) an hrawh cang ca ah kan duhduh in khoika innlo zong ah kan lut kho an ti nak khi a si. Ralring le thiamthih taktak in rian kan ṭuan hna lai. 88 hruaitu Ko Min Ko Naing nih tuzing ah a chim. CDM hi zarhhnih kan peh ahcun kan tei lai a ti. A tulio hi teerap cozah cu phaisa an ngei tilo. Thlakhat phaisa a sing thong in a lut mi Shwedagon pura fund hna hman an i tim timi thawngpang a chuak. Sunghzatlak nih a tlunh taktak cang hna. Cucu mipi lamcung ah kan chuah ruang le kan au ruang ah siloin cozah tang rianṭuan hna nih CDM nan kan tuahpi, kan lei nan ṭan ruangah a si.

Kan in upat hna nak hi voi tampi kan chim. Salaam kan in chuan hna. Ka biasau tuk hoi lai. Mah vial hun si rih seh. Kawlca deuh in ka hun ṭial zamh tawn. Cucu Gen Z rianbawmh pakhat a si ruang a si. Keyboard Fighter le minthang Cele pawl zong hi tutan buainak information ca ah hriamnam taktak an si. A tulio cu mipi nih mipi kan i kilveng cang. Palik le ralkap nih mipi an ral hna nak ram ah kan cang. Uifir le tapung ah an i chuahnak ram ah kan cang. Kan ṭangṭi hna lai i, kan tei lai. Tapung cozah cu tla lak in kan reem lai.
Hi Dothlennak – kan tei lai! Laknak: LKT ( Nusung Htg – Nunu pages )

Be First to Comment

Leave a Reply

Your email address will not be published.