Malaysia Palik nih an tleih mi Kawlram mi 1200 cu ralkap lawng (tinbaw) nih a rak dawn tik ah American pawl cu an thinphang. Atu ah cun Kawlram ralkap tinbaw pawl cu Lamut khuapi tipi kam a phan cang. Malaysia ummi American Ambaasy nih cun Malaysia nih Kawlram mi pawl an ram ah an kuat tthan lai tiah timhlamhnak an ngeih mi cung ah an thin a van phang ngaingai cang.
Kawlram Lawng (tinbaw) pawl cu Lamit khuapi an phan i Tinbaw pakhat cu ralkap tinbaw a siko tiah an chim. Min thuh mi pakhat nih a chim ning ah cun “Malaysia ram i tleih a tawngmi Kawlram mi pawl auh an duh tthan ruangah a si” tiah a chim. Malay Lah Wah Kah nih a chim ning ah cun hmaizarh ni 2 ni February 23 ah Malaysia in an chuak lai.
Human right lei i rianttuan tu pakhat nih cun Kawlram Muslim le Chinmi minung 100 hrawng an i tel i, an nunnak caah thin a phang ngai ngai” tiah a chim. American Ambassy nih cun Malaysia ummi UNHCR pawl sinah kuat ding an si tiah Reuters nih a chim.
Malaysia ram dang pehtlaihnak nih American Ambassy le Ambassy dang pawl an hal mi pawl cu a let rih hna lo. Kawlram Ambassy zong chawnhbiak an timh nain Phone an tlai lo tiah Reuters thawngpang thanh nak nih a chim. Kawlram mi minung 1200 cu an ram ah an kuat tthan nak a ruang cu Covid 19 ruang ah a si tiah Reuters nih a chim tthan. Source : Alliance of Chin Refugees
Be First to Comment