Mandalay Khuabawi Zung An Khangh, Vutcaam Ah A Chuah Dih

Mandalay Pigyitakhun (ပြည်ကြီးတံခွန်) peng, Block B sang ah a um mi khuabawi zung cu nihin February 22 zinglei ah a kaang, tiah khua mi nih an chim. Cuka zung ah cun bomb voi thumnak tlawmlo a puah hnu ah meikaang nih a zulh, cu zung cu a vutcaam ah aa cang dih, tiah khua mi nih BBC ah an chim.

Mandalay khuachung cu chekhlatnak faak ngai in tuah peng a si i, nihin February 22 zong ah Mandalay khuachung lamtonnak hmun le mi tamdeuh nih zawh mi lam hna ah ralhrang phu nih chekhlatnak an tuah, tiah khua mi nih an chim. Credit; The Chin Post

Catialthiam Maung Thar Cho le Htin Lyin Oo Hna Cu Rianhrang Ṭuan Le Thongtla Ding In Biaceih An Si!: Yangon, Insein thongchung biaceihzung ah tazacuai mi Catialthiam Maung Thar Cho cu rianhrang ṭuan le thong kumhnih tla ding in le Catialthiam Htin Lyin Oo cu rianhrang le thong kumthum tla ding in nihin Febuary 22 ah biaceihzung nih bia a chahpiak hna.

Caṭialthiam Maung Thar Cho i a lawyer(sihni) nihcun, “biaceihzung ah kan si khawh tawk in le kan thiamnak dihlak he kan i zuam ko cang i, biaceih ding in hal ṭhan kan i tim ti lo, an biakhiahmi ah kan i lungsak hau ko,” tiah a chim.

Hi Caṭialthiam pahnih hna hi Ralhrang nih uknak an laak February 1 zing bak ah an tlaih colh hna i phunrelnak caang-505(a) in taza an cuai hna. 88′ Sianghngakchia hruaitu U Myah Aye zong phungrelnak caang -505( lc) in tazacuai a si i a nih tucu nihin febuary 22 ah biakhiahpiak a si rih lo i March 8 tu ah bia an ceih te lai.

88′ hrinsor siangngakchia hruaitu Ko Mya Aye, Caṭial thiam Maung Thar Cho le U Htin Lyn Oo hna cu thaizing, February 22 ah biaceihzung nih a donghnak bik bia a ceih hna lai, tiah an lawyer(sihni) hna sin in kan theih. Hi hna pathum hi 2021 Febuary 1 bak khan SAC ralhrang nih an tlaih hna i Insein thonginn chung biaceihzung ah taza cuai an si.

SAC nihcun 88 Siangngakchia hruaitu Ko Mya Aye, Caṭialthiam Maung Thar Cho le U Htin Lyn Oo hna cu phungrelnak caang -505(c) in taza an cuai hna. Lawyer (Sihni) pakhat nihcun, “Thaizing hi an 3 in a dihdonghnak tiang bia an ceih cang lai i, sualphawt an si ahcun anmah hremnak ding biakhiahnak zong an tuah cang lai, thaizing ah a fiang cang lai” tiah a chim.
88′ Siangngakchia hruaitu Ko Mya Aye cu Insein thonginn chung ah a dam lo, zawfaak ngai i an thlopbul cuahmah lio a si, SAC ralhrang nih sual an phawtnak caang -505( c) kongkau ah sualnak ka ngei hrim lo, tiah sual an phawtmi cu a cohlang duh lo. Crd: The Chin Post