Matupi le Mindat CDF Nih Tuni Ah Ralhrang Minung Pa 20 An Thah Hna,CDF Lei In A Hliam Mi
Matupi le Mindat CDF nih ralhrang minung 20 tuni ah an thah hna naite ah khan matupi CDF le ralhrang kahdohnak fak ngai in a rak chuah i cu zong ahcun ralhrang tam ngai an rak thah hna,tuni ah mindat le matupi ram ri ah kahdoh nak a chuah than i ralhrang minung pa 20 an thi tiah thawng theih asi.
cu ti i kahdohnak a chuah ruangah ralhrang lei in minung 20 leng an thih tik ah mindat lei panh in ralhrang mawttaw pa 10 hrawng ralhrang khat tein an ra ti zong ah an chim chap,cu ti an rat lio ah CDF nih an rak kah hna i minung pa 2 an thah chap hna,cun minung tampi a hliam mi an um lai ti zongah zumhnak an neih nak zong CDF hruitu pakhat nih a chim.
cu ti faktuk in kahdoh nak a chuah tik ah kanmah lei CDF in a hliam mi zong kan um ve nain a thi mi cu kan um lo tiah an chim than,feb 28 in matupi mindat CDF fonh in ralhrang le ti in an i kap leng mang cang i,tuan deuh ahcun kanmah lei CDF in ram le miphun caah a nun pek in a liam mi zong an um ve.
nain ralhrang kan thah mi hna hi an tam ko tiah an chim,tuni an i kah dohnak ralhrang minung 20 an thi i a hliam mi minung an um,CDF lei zong in a hliam mi cu an ve ko nain athi mi kan um lo tiah fiang tein CDF hruai tu pakhat nih achim,kan chin ram chungah CDF thangzaang a thawng cem mi hi Mindat CDF hi an si,cun a pahninh nak ah matupi hi an si,an mah pahnih nih hin ralhrang tam bik an thah hna.
matupi CDF hi an cawlcanghnak ah ei ding le a hliam mi i zohkhenhnak ah an har ngai cucu,vaurawng tlangaunak zong ah fundraising an rak kawl bel cang,minung an tam tuk nain hriam nam kan i deih lo ti zongah hriamnam cawknak le ei le din kong ah bawmh hal nak an rak tuah bel nain ralhrang an dohnak an kong lamzoh tik ah tam cem a that tu hna an si.
