Press "Enter" to skip to content

Matupi Le Paletwa Kar Kahdohnak Ah SAC Minung Tam Tuk An Thi

Matupi-Paletwa lamcung kahdohnak ah SAC ralkap 7 an thi. The Chinland Post | 2022 April 16 – Matupi le Paletwa lamcung lei ah a rak kaimi SAC ralkap pawl cu April 10 mengtung 9 ah CDF-Matupi he kahdohnak a chuak. Cu kahdohnak ahcun, SAC ralkap a tlawmbik 2 hliamhma an tuar, CDF-Matupi in mipi hriamtlai 1 hliamhma a tuar tiah CDF-Matupi nih a thanh.

April 12-14 tiang SAC ralkap le CDF-Matupi cu Walampi khua, Kala khua le Walamte khua an phan. SAC ralkap nih an rak tannak khua mipi ar, vok le maheh hna an lak lengah Walampi khua nih an zapi te caah an khonmi facang vialte an khanghpiak dih hna tiah theih a si.

SAC ralkap pawl le CDF-Matupi karlak ah kahdohnak voi 3 a chuak i SAC ralkap 10 an thi, 5 nih hliamhma an tuar tiah theih a si. SAC ralkap nih kahdohnak an tuah ruangah Matupi-Paletwa lam cungah a ummi khuami `1,000 leng ram tangah an zaam tiah CDF-Matupi nih cathanh a chuah. Crd; The Chinland Post

Relchap; Kalaymyo Tlanglawng Station Pawng Ah A ummi Wove Money Tuahtu Pakhat Thah A Tong! Kalaymyo tlanglawng station pawng i ballung chuitnak pawng tlanglawng lampi ah April 14 zanlei sml 5:30 hrawngah Wove Money tuahtu pakhat cu SAC ralhrang ralkap nih an kah that tiah thawng kan theih.

Thah a tongtu cu Ko Mongpi a si tiah theih a si i, a ruak cu April 15 zinglei sml 10:00 ah chungkhar sinah a phan. Ko Mongpi cu pension a la cangmi bogyi fapa a si tiah kan theih. Cupinah Ko Mongpi hawile (3) zong SAC ralhrang ralkap nih an tlaih. SAC ralhrang nih anmah hna cu PDF an si tiah sual an phawt.

Crd: Zalen

Be First to Comment

Leave a Reply

Your email address will not be published.