Press "Enter" to skip to content

Matupi Lei Ah Ralhrang Le CDF i Kahdohnak A Fak Chin Lengmang Ko

Breaking News nihin march ni 13 zarpi ni CNA / CDF pasaltha hna le kawl ralhrang hna kah doh nak a fak ngai ngai thlacam bawmh cio hna uh si march ni 13 nihin zarpi ni kan chin ram matupi peng chung nitlak lei ah kawl ralhrang uico hna le chin pasaltha CNA /CDF hna kah doh nak a fak ngai ngai tiah thawngtheih asi.

Kan chin ram rezua khua hrambun kawl ralhrang hna cu rezua khuapi a hnu lei nitlak lei mara peng lei ah kah doh nak tuah dingin an kal hmun hnih thum I then in ralram an chuak hna hi asi an hawi ralhrang hna bawmh dingin a kal mi hna zawng an um tiah theih asi.

Kah doh nak cu a fak ngai ngai kap 2 thi le loh hliam tuar zawng an um thawngfiang theih khawh asi rih lo tiah matupi cele nih cun tunai ah fb cahmai ah a tarlang hi asi. ral hrang an kal nak mawtaw lam pi pawngkam um khua thum hna mipi zawng sahim nak kawl in ram lak ah an zam cio tiah a tarlang chih hi asi.
Chin ramkulh Tedim peng chung coffee hna cu nikumnak hmanh in a man a tum, a niam tuk nain a cawtu an um lo ruangah a ngeitu nih cun caan saupi daih dingin an fimhlawm tiah theih a si.

Nikum khan cun coffee cuaikhat ah kyats 5000 in an zuar nain tukum ahcun cuai khat kyats 4000 hmanh in a cawtu an um lo tiah theih a si.Coffee lothlotu pakhat nih “kan ngeihmi coffee hna cu Hakha le Falam lei bawi le upa an rat tikah laksawng pek awkah an kan cawk tawn. Asinain tukum cu ramchung buainak ruangah cubantukin a cawtu zong an um ti lo. Cucaah a tu cu coffee reunak tuah dingin timhtuahnak ka ngei” tiah a chim.

Tedim peng in a chuakmi coffee hna hi Falam le Hakha leikap ah a bikin an zuar nain nikum thawk khan tlunkalnak lampi a that lo caah a cawtu zong an um ti lo tiah a chim.Cucaah coffee dum a tuahtu lothlotu hna nih coffee cu hmaikum tiang daih dingin tha tein an chiah tiah theih a si. Asinain hmaikum zongah a cawtu an um lo ahcun coffee hi a rim a tlau kho cang caah lothlotu hna cu thinphang in an um.

Coffee cu Chin ramkulh chungah Mindat le Tedim peng chungah biatak tein an cinthlak nain peng dangdang ahcun cinthlak hram an thawk lawng a si.

Be First to Comment

Leave a Reply

Your email address will not be published.