Matupi Peng Ah SAC Ralhrang 100 Hrawng An Rak Lut, Pastor telhin Minung 3 An Tleih Than Hna
Matupi ah Pastor pakhat relh in minung -3 ralhrang nih an tlaih hoi hna. Chin State Matupi peng Weitu khua ah Zahan March 24 ahkhan ralhrang 100 cu lut in khuachung inn tungkan lo vak in chek hlat nak an i tuah terMipi thil zei mawzat an i lak hnu ah pastor pakhat telh in khuami (3) cu an tlaih hna i မတူပီဗျူဟာတပ် ah an kal pi hna tiah theih asi.
Waitu khua chung i alut mi hna ralhrang hna nih hin khua mi hna cu Biak Inn ah pumh in an phone pawl c cu an chuh hna hnu ah khua chung i Inn le Mipi rawlbuk hna cu an va bauhdih hnu ah an thil man nei deuh poh cu an i lak tiah theih asi. Waitu khua hi Matupi he anaih niam bik mi khua asi i Inn -150 leng an um i ralhrang nih luh hnawh in an khuapi ning i check hlat nak an tuah hma sa bik nak khua zawng asi tiah theih chih asi. Credit: Laipa Kutzung chuak
Relchap; Ukraine kong he pehtlai in Russia le Nitlaklei ram pawl karlak ah Nuclear ral a tho sual lai, tiah March 23 ah NATO nih ralrinnak an pek i, “A herh ahcun Nuclear kan hman lai tiah Russia nih ṭihnung tukmi bia a chim hi a bia a fim ṭhan a herh,” tiah NATO Secretary General Jens Stoltenberg nih media he tonnak ah a chim.
Cun, hrocernak vialte chung in zeitik caan poh ah kan i kilveng kho. NAtO ramchung kilveng ding in zeitik caan poh ah timhcia peng kan si, tiah a chim pinah Nuclear ral a thawh ahcun zeitik hmanh ah Russia nih teinak a hmu lai lo ti hi ai fiang ko lai, tiah Jens Stoltenberg nih cun Belgium ram khualipi Brussels i NATO hruaitu hna tonnak ah a chim.
Tutan Ukraine le Russia buainak ah Ukraine cu hriamnam thazaang lawng in NATO nih a bawmh i, a ralkap tu cu a thlah lo. “NATO nih Ukraine ah ralkap kan thlah hna lai lo nain a dang a herh mi bawmhnak cu tam chin in kan pek lai, sinain NATO le Russia karlak ah Nuclear ral a thawh lo nakhnga tuaktan zong kan hau,” tiah NATO Secretary General Jens Stoltenberg nih cun a chim chih.
Relchap; Kaya(Karenni) ramkulh chung ah ralzaam pawl riahcaw chan ding in an kal lio ah tlaih a tong mi siangngakchia 2 cu March 22 ah Loikaw peng biaceihzung nih thong kum 3 tla ding in bia a khiah, tiah Kayah State Student Union(KSSU) nih an thanh.
Tlaih a tong mi 2 hi Tecnological University siangngakchia an si pinah Student Union chungtel zong a si mi Ko Thet Hmu Aung(ကိုသက်မှူးအောင်) le Ko Min U (ကိုမင်းဉီး) an si i, phungrelnak caang 505(a) in taza cuai an si i thla 9 a rauh hnu ah thong kum 3 veve tla ding in bia an khiahpiak hna.
Hi tlaih a tong mi mino siangngakchia 2 hi SAC nih uknak an laak hnu in ralkap uk duh lo langhternak ah aa tel i, ralzaam caah bawmnak a halpiaktu le an herh mi thilri pekchanhnak ah a bawmtu an si, tiah KSSU nih an thanh.
Kata Ah SAC Ralkap Bomb Puah Hnawh An Tong: Ke in ralam a sial mi SAC ralkap cu nihin March 24 zing Sml 8 hrawng ah Kata peng Menuh hlei (မြေနုတံတား) pawng ah tualchung mipi vengtu ralkap nih bomb voi 2 an puah hnawh hna i, SAC ralkap zeimawzat an thi, tiah tualchung thawnglatu pakhat nih The 74 Media ah a chim.
Minung Thazaang 65 tluk a si mi SAC ralkap cu nihin zing Sml 8 hrawng ah voikhat, zaanlei Sml 1 ah voikhat ti in bomb an puah hnawh hna. Zinglei ah minung 5 an i hliam i zaanlei ah 4 an i hliam chap ṭhan, tiah a chim chap. A thi zat belte fianter khawh a si rih lo, tiah theih a si.
Shwe Ku(ရွှေကူ) peng Kyoukgyi(ကျောက်ကြီး) khua pawng ah nizaan March 23 ah kah a tong mi SAC ralkap riahcaw a phortu tilawng 2 cu Kata peng Moetalay(မိုးတားလေး) khua pawng ah nihin tiang an i din rih, ko tiah theih a si.
Myanmar Ram Pumpi In March 23, 2022 Nikhat Chung Ah SAC Ralkap 26 An Thi: Myanmar ram pumpi in dohthlennak tuah hnu March 23, 2022 nikhat chung kahdohnak ah SAC ralkap 26 an thi i, PDF 5 an nunnak a liam, tiah Yangon Khit Thit nih a thanh.
Cazin ning ah ralkap a thi mi hi Sagaing ramṭhen Minkin ah 10, Mongwe ah 4, Kachin ramkulh Myohhla ah 2, Sagaing ramṭhen Yinmapin ah 10, an dihlak 26 an si. Chin ramkulh Matupi ah Chin ralkap 3 nih ram le miphun caah an nunnak an pek i Minkin ah PDF minung 2 an nunnak a liam. The Chin Post
