Press "Enter" to skip to content

Min Aung Hlaing

Kayin ramkulh chung; Myawaddy ( မြဝတီ) peng, Phalugyi (ဖလူကြီး) khua pawng um ralhrang sakhan cu Kayin mizapi vengtu ralkap le Rakhine ralkap ANC/AA hna i bawm in an kah hna, tiah ANC/AA nih cathanh a chuah.

Cu Ralhrang kuttang BGF sakhan cu February 16, zanlei ah Rakhine ralkap ANC/AA le KNU/KNLA Brigade 27, battalion 2 le PDF ralkap phu hna he i bawm in an laak khawh, tiah theih a si. KNU/AA le mizapi ralkap nih Sakhan an laak khawh hnu ralhrang lei nih hriamngan le vanlawng 2 in kah an kah hna.

Myawaddy BGF lei zong in ralhrang motor 12 in thazaang an rak chap caah Mipi ralkap hna cu hnu an tolh ṭhan, tiah theih a si. Cu kahdohnak chung ah cun ralhrang hriamnam tampi laak a si i ralhrang a thi mi le aa hliam mi zong an tam tiah theih a si.

February 14 ah khan Phalu khua le Lay Kay Kaw peng pawngkam ah kahdohnak a rak chuak i ralhrang thazaang chap ding in a ra mi ralhrang hna cu AA le mizapi vengtu ralkap phu hna he i bawm in an kah hna, tiah theih a si. the chin post

Shan ramkulh chaklei Moh Mee peng Gadugyi hmunhma ah Restoration Council of Shan State (RCSS) nih Pa’O National Liberation Organization (PNLO)/Pa’O National Liberation Army (PNLA) cu an kah hmasa hna caah kaphnih kar kahdohnak a chuak tiah theih a si.

PNLO/PNLA Vice Chairman Khun Myint Thun nih “RCSS nih atu bantukin a thli in an kan kahmi hi NCA hnatlaknak siseh kaphnih hotu hnatlaknak siseh an buar a si. Asinain pakhat le pakhat kar ah remdaihnak a um ṭhan khawh nakhnga kan i zuam lai. Atu tiangah cun kaphnih hotu i chawnhbiaknak a um rih lo” tiah a chim.

Feb 16 ah RCSS nih PNLA ralkap cu an kah hmasa hna i zinglei 9:45am in chun 12:00pm tiang an i kap i kahdohnak ah kaphnih in a thimi le hliamtuarmi kong an thanh rih lo tiah theih a si.

Atu i an i kahnak Moh Mee peng Gadugyi hmunhma ah hin RCSS/SAA le PNLO karlak ah 2017 le 20018 ah khan buainak fak ngai in a rak um bal caah cuka hrawng i mizapi hna cu an rak zam dih. RCSS le PNLO karlak ah buainak a um ahcun remdaihnak in khuakhan laurel dingah kaphnih hotu hna cu June 1, 2017 ah khan hnatlaknak an rak ngei bal.

PNLO Vice Chairman Khun Myint Thun nih “Atu i kahdohnak a chuahnak hmun ah hin 2017, June thla, culio i PNLO Chairman keimah le RCSS Chairman cu hnatlaknak kan rak ngei. Gadugyi hmunhma cu hlanpi in PNLO nih hmunhma kan khuarnak a si. Atu hrawng hi ramkhel thlihran ṭhatlo ruangah RCSS ralkap hna cu cuka kiangkap ah hmunhma an la len” tiah a chim fawn. Ref: Khit Thit Media, The Chin Post

Antuah Ngam Lomi Aum Lomi Ralhrang Rallokap Le USA. Rallokap hnarcheu asimi Pu Thein Sin nih 2015 ah tlaung tein Uknak an chanh mi hna cu fawi tein Uknak kan lak than khawh lai tiah an I ruahchan caah asi. Anaa hi kan sung bal . lailo I kan lak than khawh zau lai tiah zumhnak an ngei. 2015 te lawng ah NLD kut ah uknak aum lai.

Hmai lei ah Rallokap kut ah uknak aphan than zau lai tiah ruahchannak le Chunmang tampi he Pu Thein Sin nih Amay Suh sinah uknak le pennak cu tluang tein a chanh. 2020 Thimhnak ah Rallokap nih uknak lak than awk ah thil aa ningcang tilo. Zeitikhmanhah Rallokap sinah uknak phan than ding ah asi khawh tilo caah Hranhram in MAH nih anaa an kan chut hi asi.

2018 phunghrampi zong an buar I kawlram nih ngeih mi upadi le Laws vialte zong an buar dih. UN upadi zong an buar dih. An buar lomi upadi aum hrim tilo. 2023 August thimhnak tuah le Teitu Party sinah uknak ka pek hna lai tihi thildik a lawh ngai nain, Rallokap nih zungzal Uk kha saduhthah bik mi asi. Rallokap sinah Anaa um zungzal awk ah, an tuah ngam lomi pakhat hmanh aum tilo.

Satan hmanh nih a ngamh lo ding mi thil thatlo vialte tling tein le bau lo tein a tuah ngam dih cikcek tu Rallokap ansi. American ram hi vawleipi ah lambar pakhat nak si awk ah a tuah ngam lomi thilsual pakhat hmanh aum ve lomi asi. American first si zungzal nak caah Phungbuar in zei thil poah hi a tuah ngam tu asi ve.

Donald Trump ee, Joe Biden ee tiah nan I el Len zong ah aphi chuak cu American first asi zungzal. American first sinak chut tu ding le hnursuan tu an um sual ahcun phungphai le Dundan hnuchit a hmang mi American asi.

Kannih Aussie he cun dansup. Cucaah Kanram Aussie cu USA nakin atha deuh an ti cio nak cu asi. USA kutin American first chut ding cu Cakei kaa purh bak asiko. American nih Kawl mipi an kan chuahhnawh lomi tham cu American first caah kan si lo I aduh mi gas le zinan a um lo caah asi ko. By _ Zingtincuai Cinzah

Be First to Comment

Leave a Reply

Your email address will not be published.