Press "Enter" to skip to content

Min Aung Hlaing aa tinh mi hi, vawleicung hmaika ah kan Myanmar rampi a him cang, ramkhel lei zong ah a tluang cang tiah langhter a duh ruang ah a si kho

“Hramhram in uknak latu Min Aung Hlaing nih, kawlram ramkhel kong ceihmai ding sawmnak hi kan zumh ding le kan buaipi awk a si lo. Kan dirhmun cung ah fek tein kan dir a herh,” tiah CNF chimphuannak nawlngeitu Salai Htet Ni nih a chim. Min Aung Hlaing nih sawmnak a tuah mi cung ah, tlangcung hriamtlai kan si ah, PDF an si ah, hramhram uknak a hram in kan phawi lai, ti hi kan i tinh mi a si.

Mizapi le zatlang bu hna zong nih hi sawmnak hi zumh awk le buaipi ding a si lo. Kan kalnak lam te zul cio ko hna usi! Hmunkhat te ah kan kalṭi hna lai, kan dirhmun cung ah fek tein kan dir hna lai, tiah Salai Htet Ni nih cun a chim. Atu bantuk sawmnak he pehtlai in Min Aung Hlaing aa tinh mi hi, vawleicung hmaika ah kan Myanmar rampi a him cang, ramkhel lei zong ah a tluang cang tiah langhter a duh ruang ah a si kho.

Cun, 2023 thimnak ca ah PDF pawl hi fimhlawm dih i rampi a daih nakding ca ah aa tinhmi zong a si kho, tiah a chimchap. Nihin Myanmar rampi buainak hi SAC ralkap le tlangcung hriamtlai kar buainak a si lo. SAC ralkap nih mei a kau mi cu mizapi le anmah karlak ah a kaang mi buainak a si caah hi ramkhel kong ceihmainak sawmnak hi i zumh ding a si lo, tiah CNA chimphiannak nawlngeitu Salai Htet Ni nih cun a chim.

Nihin May 3 zanlei sml 2:00 hrawng ah Thiamthil a remh mi Pi Dawt Par, a vapa le Pi Dawt Par naunu cu ṭek nih a tlak hna caah Pi Dawt Par cu a nunnak a liam, tiah Haiphai khua mi sinin kan theih.Haiphai khua mi pakhat nih, “Thiamthil a remh cuahmah lio ah ruah lo piin ṭek nih a tlak hna hi a si. Ṭek nih meihri a tlak hmasa i cu hnu ah Pi Dawt Par a sui tumbul ah meihri nih a va tlak chih caah a nunnak a liam.

A vapa zong a lu ah ṭek nih a tlak ve i, hliamhma fak tuk pi cu a si lo, tiah The Chin Post ah a chim. “Pi Dawt Par a naunu zong a tlak ve caah a lung a mit tuk, a holh kho lo. A fale nih an ṭah tuk i ṭap hlah u ka thi lo, a ti ko hna nain a aw a chuak kho lo. Inn ngeitu pa zong ṭek nih a tlak ve i, an dihlak ah 4 an si,” tiah Haiphai khua mi pakhat nih The Chin Post ah a chim.

Pi Dawt Par hi fa pahnih ngei mi a si i, Khrihfabu nih bochan tuk mi zong a si. Amah le a naunu hi an khua Hmandaw in Haiphai ah ral a hrial mi an si. December thla lio ah khan Haiphai ah an rak um cang, tiah theih a si. Naung Pin Thar Khua Ah Miruak 5 SAC Ralkap Nih An Lam Ah An Hlonh Hna!: Sagaing ramṭhen Shwebo peng Naung Pin Thar(ညောင်ပင်သာ) khua ah SAC ralkap nih minung 5 an thah hna i, an ruak cu lampi ah an hlonh hna, tiah tualchung mi nih an chim.

Tuzing May 3 ah, Thah a tong mi ruak 5 cu Naung Pin Thar khua ah tualchung mi hna nih lampi ah an hmuh hna, tiah theih a si. Cun, tualchung mi Ko Pyi Phyo Aung(ကိုပြည့်ဖြိုးအောင်) zong a inn ah thah a si, tiah Shwebo Daily News nih a tarlangh. Pyosawtee hruaitu Hte Aung(ဌေးအောင်) le Payan(ပန်းရံ) khua pyosawtee thazaang 80 tluk cu Naung Pin Thar khua Shwe Thing Taw(ရွှေသိမ်တော်) phungki sianginn ah umhmun a khuar i mizapi inn zong an hrawh hna, tiah theih a si. the Chin post

Be First to Comment

Leave a Reply

Your email address will not be published.