Min Aung Hlaing Kuttang Bawi Pakhat Cu Mipi Sinah A Tang Cang Hih
SAC ralkap North West Region Command in ralbawi pakhat cu CDM a tuah i mipi lei ah a dir tiah theih a si. CDM ralbawi pa cu April 11 ah SAC ralkap cu a chuah tak hna ,April 8 ah Pyithu Pantine he an i pehtlaih hnu in Pre – CDM cazin ah an chiah, a tu ah cun Pyithu Paantine bawmhnak ruangah a himnak hmun a phan cang tiah Pyithu Paantine nih an thanh.
A mah cu Ralkap University a kai hnu in Mihkhin Chihlyin(မိခင်ခြေလျင်) Battalion pakhat ah ralbawi changtu rian a tuan mi a si i CDM a tuah hlan deuh ah hin ralbawi reng ah a hmu mi a si. SAC ralkap hna cu ningcang lo in le luantuk in thil a tuah mi phu an si caah mipi avengtu ralkap kan si lai tiah biakam nak an tuah mi he zong an thil tuah mi a keih lo caah, an thil tuah hi ka ruah ning bantuk in a si lo ka lungtlin lo caah CDM tuah ding in biachahnak ka ngei tiah Pyithu Paan Tine ( ပြည် သူ့ပန်းတိုင်)sin le mipi sin ah a chim . Credit: The Chin Post
Relchap; Sagaing Ramthen Chungah Thongtlami 123 Chuahzalen An Si Nain Ramkhel Ruangah Thongtlatu An I Tel Lo! Kawl miphun kum thar ni philhlonak caah tiin Sagaing ramthen chungum thonginn (9) chung i thongtlami 123, chuahzalen an si tiah thawng kan theih. Mongywa thonginn in 11, Khantyi thonginn in 15, Shew Bo thonginn in mipa 10 le nu 1, an dihlak ah minung 11, Kalaymyo thonginn in mipa 25 le nu 7, an dihlak 32,
Kathar thonginn in mipa 6 le nu 5, an dihlak minung 11, Tanan thonginn (Tamu) in mipa 9, Myo Thit (Tamu) thonginn in mipa 11, Bandula (Tamu) thonginn in mipa 17, Ukphu Gan-Baung (Tamu) in mipa 6 hna cu chuahzalen an si tiah theih a si. Cu chuahzalenmi hna ahcun ramkhel ruangah thongtlami an i tel lo tiah theih a si. Kawlram chung dihlak ah Kawlram thongtlami 1577 le ramdangmi 42 hna cu chuahzalennak kan pek hna tiah SAC ralhrang nih cathanh an chuah. Crd: Zalen
Kalay Peng Chungum SAC Ralhrang Sinah Thawngpang Petu U Than Aung Cu An Kah That! Kalay peng chung Yazagyo khua ah a ummi U Than Aung cu SAC ralhrang sinah thawngpeng a pek ruangah April 16 zanlei sml 5:00 ah khan Natchaung lampi ah cycle a mongh nakah mizei hngalhlomi phu nih meithal in an kah that.
U Than Aung cu an kahnak hmunah a thi colh lo caah sizung ah an kalpi i, zaan sml 10:00 ah a thi tiah theih a si.
Amah cu SAC ralhrang ralkap nih nawlngeihnak an laak hnuah daiziar tein lamzawhnak a um tik paoh ah hman a thlak hna hnuah ralhrang sinah thawngpang a petu zong a si. Cucaah SAC ralhrang ralkap sinah thawngpang pe ti lo dingin khua chung mino hna nih amah inn ah lengin bia an ruah nain a duh lo caah buainak tiang a rak chuak bal. Crd: Zalen
