Press "Enter" to skip to content

Min Aung Hlaing Lawmh Ah A Kalmi Hna Cu Tihnung Nih A Phak Ko Cang Hna

SAC Ralhrang hruaitu Min Awng Hlaing nih Naypidaw khuapi ah amah i cawisannak ah a tuah mi puai (Bo-Shu -Thabin) ah cozah rianṭuantu hna le Naypyidaw high school sianginn in siangngakchia tampi nih Covid zawtnak an i chawnh, tiah theih a si. Hi puai ah a kalmi sianghngakchia lak in Naypyidaw high school no.5 sianginn siangngakchia 85 cu Covid zawtnak an i chawnh caah a ra lai mi February 17 ah an ngeih ding mi exam zong a ni le caan thawn a si, tiah theih a si.

Min Aung Hlaing puai ah hin Naypyidaw high school in sianghngakchia dihlak minung 1100 an i tel i, high school no.5 sianginn in sianghngakchia 120 chung in siangngajchia 85 nih Covid zawtnak an i chawnh. “High school no.5 sianginn in MAH puai ah a kalmi sianghngakchia, tang 9 kai lio hngakchia hna cu Covid zawtnak minung 85 nih an i chawnh caah thaizing February 17 exam zong a ni an thawn.

Tangkua kailio hngakchia hna cu zarhhnih chung an dinhter hna lai i hmundang sianginn zong ah covid zawtnak cu an i chawnh pah hna, tiah kan theih,” ti in high school no.5 siangngakchia pakhat le anmah he aa naihniam mi pakhat nih Yangon Khit Thit Media ah an chim. Naypyidaw high school sianghngakchia hna cu dinhnak an sernak hmun ah an dihlak(students1100) in hmunkhat ah an umter hna i, MAH puai in an kir lei ah covid cheknak cu an tuah i, atu bantuk in minung tampi nih zawtnak an i chawnh hi a si.

Cun, ramkulh le ramṭhen cio in cozah riantuan hna le puai timhtuahnak ah aa tel mi tampi zong Covid zawtnak an i chawnh caah anmah le hmunhma cio ah quarantine in chiah an si hna, tiah theih a si. MAH puai ah a kal mi hna cu Covid raikhamsi voi 2 tiang chunh cang mi an si i, a cheu cu voi 3 tiang chunh cangmi an si nain covid zawtnak cu an i chawnh ṭhiam ko, tiah theih a si. The Chin Post

Sagaing ramṭhen, Butalin peng, Myomah palik sakhan cu February 15 ni chun Sml 7:00 hrawng ah lamhlat kahnak hriamngan in kah an tong, tiah theih a si. Butalin ( ဘုတလင်) mizapi vengtu ralkap hruaitu pakhat nih, “Lamhlat kahnak hriamngan in kuan lung 10 in kan kah hna. Ralhrang lei in a thi mi le hliamhma a pu an um le um lo cu fiang in kan thei kho rih lo.

Kanmah lei cu aa hliam mi um lo tein hnu kan tolh kho,” tiah a chim. Mizapi vengtu ralkap phu nih an kahnak hna ruangah palik sakhan chung inn cheukhat hna cu an rawk i ralhrang lei zong nih khat lei in an rak kah ve hna, tiah a chim. Butalin Myomah palik sakhan cu kah an ton caah Butalin khuapi chung ahcun ral vengtu tamlak an chiah hna, tiah theih a si.

Ralhrang nih Butalin khuapi chung cu laak dih khawh an i zuam i, nifatin ti awk in khuachung ah an i chok; kahdohnak zong a chuah tawn caah khua mi hna cu an zaam, tiah theih a si. Sagaing ramṭhen, Ye Oo peng zong ah ralhrang le Ye Oo PDF hna cu February 15 zinglei ah an i kap, tiah theih a si.

Ral doh ding in a ra mi ralhrang 60 hrawng le mizapi vengtu ralkap a phufonh hna cu minute 30 leng an i kap i ralhrang 7 an thi. PDF lei in 2 hliam an tuar tiah theih a si. Cu kahdohnak kong he pehtlai in ralhrang lei thawngthanhnak hmuh ding a um rih lo.

Be First to Comment

Leave a Reply

Your email address will not be published.