Press "Enter" to skip to content

Min Aung Hlaing Le A Ralkap Nih Tlangcung Hriamtlai Vialte Remdaihnak Tuah Dingin A Sawm

Myanmar ramchung ah Democracy le Federal hrambunh ramkomh ser khawhnak dingah a hmunmi remdaihnak kong ceihhmainak ah ralhrangbu nih tlangcungmi vialte a sawm hna tiah theih a si. Asinain anmah ralhrangbu nih ralhrang ah an chiahmi NUG, CRPH le PDF hna cu sawmmi ah an i tel lo.

Cambodia Prime Minister a rak tlawn lioah kaphnih hnatlak in cathanh an rak chuahmi chungah tukum ah kahdaihnak tuah ding timi aa tel, cu lawng si loin SAC chairman nih kumthar biacah a chimnak ah tukum chungah remdaihnak lamthluan thar kan thawk lai tiah a chim fawn.

A ra laimi Feb 12 ah ramkomh ni (Union Day) lawmhnak tuah a si lai i cu chungah cun a hmunmi remdaihnak kong ceihhmai chungnak zong an tuah chih lai tiah theih a si. Ralhrangbu nih nawlngeihnak an lak hnuin kahdaihnak hnatlaknak a rak tuah cangmi hriamtlaibu hna he biaruahnak cu a rawk i cheukhat hriamtlaibu he kahdohnak a chuak ṭhan fawn.

Dai tein lam a zawhmi hna cu ralhrang nih meithal in kahnak le thahnawnnak in an lehrulh hna hnuah mino tampi ramlak ah an zam i tualchung hriamtlaibu PDF/CDF an dirh cio. Cuticun an ngeihchun hriamnam hmangin ralhrang cu an doh caah ramchung hmunkip ah kahdohnak le bomb puahnak a chuak.

A hlei in Kachin, Kaya, Kayin le Chin ramkulh ah siseh, Sagaing le Magwe ramṭhen ah siseh fak ngai in kahdohnak a chuak i ralhrang tampi an thi. Ralhrangbu nih PDF cu ralhrang ah an chiah hna i anmah raldoh a chimtu tlangcung hriamtlaibu hna zong fak piin a mawhchiat hna. Source: VOA, The Chin Post

Afghanistan ram khualipi Kabul khuapi chung ah kan hnuzarh ahkhan nu pawl nih Afghanistan cozah a thlatu Taliban hriamtlai cozah dirpinak an langhter. Afghanistan ram mi nu rual nihcun kan hnu zarh January 26 ahkhan Afghanistan ram khualipi Kabul ah lamzawhnak an tuah i, Taliban Cozah ca ah phihkhar mi Afghanistan Central Bank on ṭhan ding le ramkip nih Taliban hriamtlai i caan karlak cozah cohlan ding in an duhnak an langhter, tiah Tolo News nih a tial.

Taliban nih Cozah a rak tlaih lio ah Nu zalonnak a rak tlawm tuk i Nu hna nih nuhrin covo an rak ngei lo ti tluk a si caah Taliban hriamtlai nih Afghanistan a thlakka ah Nu hna nih Taliban an duhlonak an rak langhter bal. Tutan ah Taliban cozah cohlannak le Afghanistan ngeihmi Central bank cu on ṭhan ding ah an halmi nih vawleicung mipi an lung a tuai hna.

Be First to Comment

Leave a Reply

Your email address will not be published.