Press "Enter" to skip to content

Min Aung Hlaing Minung 40 Leng An Thah Than Hna

March 2022, zarhkhatnak chung ah Karenni ramkulh ah SAC ralkap le Karenni ralkap phufonh hna kahdohnak ah SAC ralkap 43 an thi i, KNDF ralkap 2 an nunnak a liam ve. Cun, minung 5 le Laythuai(လယ်ထွဲ) khua ngakchia 3 SAC ralkap nih an thah hna, tiah KNDF nih thawng an thanh. Shan ramkulh thlanglei in Karenni ramkulh Demoso lei kap ah rallam a sial mi SAC ralkap nih minung thazaang tamtuk an hman lengah tank le MLRS rocket in an kah hna i vanlawng zong in nifatin ngawt in bomb an thlak, tiah theih a si.

SAC ralkap hna nih rallam an sialnak ding khua pawl ah hrimngan le vanlawng in an kah ruangah khrihfa biakinn, sianginn le mipi inn hna an rawk, tiah KNDF nih an chim. March 1 zingka te ah khan SAC ralkap nih Sintaung khua mi 3 an rak thah hna i inn zong an rak khangh. March 4 zong ah Nanphe khuakomh, Kuattit khua mi 2 an nung in an rak khangh hna.

March 8 ah SAC rakkap nih kah mi hriamngan lung 1 cu Loikaw peng Laythuai (လယ်ထွဲ)khua ah a tla i ngakchia 3 an thih lengah pa pakhat le kum 15 nu te hliamhma an tuar. March 8 zingka tuan nawn ah Demoso peng Sawngdular khua ah SAC ralkap nih hriamngan an kah i mibawmtu 2 hliam an tuar. SAC ralkap hna cu Demoso peng Pupha khua ah nizaan March 8 tiang umhmun an khuar i mipi inn zong an kangh, tiah KNDF nih thawng an thanh. Credit: The Chin Post

US Ministry of Foreign Affairs nih kumtin an pekmi ‘International Women of Courage Award’ (IWOC)2022 ah laksawng dongtu minung 12 sinah an pek hna i, National Unity Government (NUG) cozah in ‘Ministry of Women, Youth and Children Affairs’ ah Deputy Minister simi Ei Thinzar Maung zong ai tel ve.

IWOC laksawng cu Daihnak, Dinfelnak , Human rights, (Nuhrin covo), le nu le pa tlukruannak kong ah midang ca ah harnak tuar buin rian a ṭuan mi nu hna kha kumtin an pek tawn mi a si. 2007 in laksawng lek hram an thok i, vawleicung ram 80 leng in nu 170 tluk nih hi laksawng cu an co cang hna.

2022 International Women of Courage Award pek mi hna min cazin ah cun NUG Cozah Ministry of Women, Youth and Children Affairs in Deputy Minister Ei Thinzar Maung lengah Bangladesh, Brazil, Columbia, Iraq, Letberia, Lesvia, Moldova, Romenia, Nepal, S. Africa le Vietnam ram in nu zeimawzat nih laksawng an co ve.

Laksawng peknak program tu cu March 14 ah US Foreign Minister Blinken nih online in a phawt lai, tiah theih a si. Hi laksawng hi atu i NUG Cozah ramleng Minister si mi Daw Zinmar Aung zong nih 2012 kum lio ah a rak co bal ve. Credit: The Chin Post

Be First to Comment

Leave a Reply

Your email address will not be published.