Press "Enter" to skip to content

Min Aung Hlaing Nih NLD Hruaitu Cheukhat A Dinhter Hna

NLD cozah chan i ruanvennak vuanci (Defence Minister) Lieutenant General Sein Win le ramri vuanci (Minister of Boader Affairs) Ye Aung cu ralhrangbu nih an rian in an dinhter hna tiah theih a si. Hi hna pahnih hi nawlngeihnak laknak ah an i tel lo. Ralhrangbu nih nawlngeihnak an lak ni Feb 1 khan remdaihnak sertu committee ah an chiah cang hna tiah theih a si.

Lieutenant General Sein Win cu a rian in aa dinh hnuah Myanmar ralkap hlun hna bu (မြန်မာနိုင်ငံ စစ်မှုထမ်းဟောင်းအဖွဲ့) ah hotu (chairman) a tuan lai tiah Naypyidaw i ralhrang upa pakhat nih a chim. Lieutenant General Sein Win hi 2020 thimnak a dih khan Vice President an tuanter lai tiah zumhmi a si. Asinain nawlngeihnak lak hnuah a rian a rak simi runvennak vuanci in an thial i amah aiawh ah General Mya Tun Oo cu runvennak vuanci ah an chiah.

Ramchung vuanci (Minister of Home Affairs) hlun a simi Lieutenant General Kyaw Swe zong pensen pek a si cang caah NLD chan i ralkap vuanci pathum hna cu pensen an la dih cang tinak a si. Asinain kum 65 a luan cangmi Min Aung Hlaing nih cun upadi a remh riangmang i Senior General/Commander in Chief sinak cu a tlaih peng. Pensen a la duh lo tinak a si. Crd; The Chin Post

RElchap; Yangon ramthen, Dalah(ဒလ) peng Hmawsat(မှော်စက်) sang khuabawi zung le Mandalay ramthen Myanmar economic bank no.2 cu nihin zinglei ah meithal in an kah cun bomb zong an puahhnawh tiah khuami hna nih an chim. November 26, zinglei suimilam 8:00 luan ah 24/83 lam ummi Myanmar economic bank no.2 cu cycle a cit lio mi pa pakhat nih bomb in a cheh tiah theih a si.

” A mah pakhat lawng cycle a cit mi nih bank cu bomb in a cheh, cun a chep tu pa cu palik le ralhrang nih meithal in an kah caah nu pakhat an hliamh” tiah Mandalay khuami pakhat nih a chim. Yangon ramthen, Dalah (ဒလ) peng Hmawsat (မှော်စက်) sang um khuabawi zung cu November 26, zinglei suimilam 4:45 ah kutcheh bomb in an cheh cun meithal zong in an kah hna tiah theih a si.

Cun sagaing ramthen, Myaung (မြောင်) peng November 25 ni ah mi zapi ralkap MUA, Hna-lung-hlah-lu-meih-gyi (နှလုံးလှလူမိုက်ကြီး) phu, Myaung (မြောင်) mi zapi vengtu phu-CDSOM, Myaung (မြောင်) nu ralkap phu-M2W le Myaung Special People’s Defense Force- MSPDF hna phu fonh nih ralhrang phu hna cu an doh hna caah ralhrang lei minung 7 an thi tiah theih a si.

Myaung (မြောင်) peng, Nabat(နဘတ်) khua le Suailae(ဆွဲလဲ) khua kar ah ralhrang phu hna cu PDF phufonh nih bomb puahhnawh in an doh hna caah ralhrang phu lei in minung 6 an thi, minung 3 nih fakngai in hliamhma an tuar tiah theih a si. =TCP

Be First to Comment

Leave a Reply

Your email address will not be published.