Min Aung Hlaing Nih Tlangcung Hriamtlai Dihlak Ton Khawhnak Lam A Kawl Cang Hih
Tlangcung hriamtlai dih lak hna cu, keimah Min Aung Hlaing nih hmaichan ah ihmuh le ton biaruah kan duh hna, cu tonnak dingah Tlangcung hriamtlai phu hna nih a ralai May thla 9 ahkhin hi tonnak duh nih min cazin rak i pe uh law tiah caan ri akhiah.
Tlangcung hriamtlai phukhat chung in palai pahnih tiang lawng kan cohlan hna i, ahnu bik May 9 tiang caan kan pek hna ati. Keimah Ralhrang bawtorpi Min Aung Hlaing he ton duh nih May thla 9 hnu mincazin a rak ipe mi cu,va kir ko cang uh,nan tlai cang kan ti hna lai tiah a pehchap an ti🥱. KTM (Salai William HC)
Thawngdang Relchap; NUG Nih Hmunhma 45% Kan Hip Cang Ti Cu Theory Thar Asilo. Theory Hlun Asi. NUG PM Mannwin Khine Thant nih achim mi bia asi. EAOs le CDF / PDF nih Kawlram Hmunhma 45% cu kan lak cang. Kan hip cang. Kan uk cang tiah NUG Kumkhat tlinnak Zoom Meeting ah achim.
Kawlram Chaklei rual nih nihchuak capo in an ti len ve. Asikhawh dingmi kha PM nih achimh duh mi asi. Zeitintiah Tlangcung mi nih kum (60) leng Dohthlennak kan tuah mi cu 45% hmunhma an hip tiah Vawleipi nih cohlan mi asi. Cucu PM pa nih ka palh sual lai ti aphang caah asicia mi Theory Hlun 45% ahman nak hi asi.
Upa lungfim le Bia aasum mi asi caah Theory hlun a char hi asi. Khat lei in ruahpiak awk aum ve mi cu: EAOs, CDF / PDF thawng lawng in TEINAK cu asi lai, Federal Army zong anmah thawng lawng in asi khawh lai, tiah a fimnak in Tlangcung mi an kan sawm I an kan cuaisan tu asi deuh tiah hmuh cio asi.
45% Theory hi Ramkhel lei hlathlaitu mi fimthiam rual nih an cohlan mi asi. Vawleipi theihhngalh in an thanh cang mi asi.
Kawlram vote I 32% cu Tlangcung mi kan si. Rawn ah aum mi Tlangcung mi vialte fonh tikah 45% asi lala. Cu caah 45% Theory hi Federal ram zong ah hmang rih dawh in thil akal ko.
UWSA, PNO, AA (nitlaklei), KNPP (Thanlwin nichuaklei), KNU, KIA (Chaklei), MNDAA (Mukun ram), Shan ram in aa then duh mi Hriamtlai hna Hmunhma, Chin Thlanglei ah CDF Matupi, CDF Mindat, CDF Kanpelet, CDF Lautu, Chinram Laifang um CDF Hakha, CDF Thantlang, CDF Senthang,
CNDF, Kalay-Kabaw-Gangaw-Htilin-Kyaukhtoo ah um PDF / LDF / YDF/ CDF tiah an lak cang I an uk mi vialte fonh dih ahcun, MAH te rallokap nih 55% lawng hi an hip khawh tinak asi.
NUG nih 45% ahmang nak hi NUG he aa komh mi EAOs lawngin tuak dawh asi. Paucan Dohthlennak ah biatak tein le lungthin tak in NUG he komh in Rallokap a doh cuahmah mi EAOs hna nih Hmunhma 30% an lak khawh I, CDF / PDF/ LDF nih 15% an hip I an uk khawh tinak asi hnga. (30%+15%=45%). Sagaing Chaklei,
Magway, Chin le Kaya dohthlennak lawng hmanh ah 15% cu a lawnh tuk cang dakaw. Nain Khuapi kan lak khawh rih lo caah PM pa nih, ralrin in 15% vs 30% hi a hman nak asi khawh men.
Rallokap nih tactic an thlen caah Khuapi cu anmah hip mi le uk bantukin thil akal.
Khuapi lawng ah fek tein an um hna I khuapi leng an chuak theng lo caah, PM pa nih 45% nakin tam deuh hi a hmang lo bia asi. Khuapi sungh lo ding lawng kha biatak tein rallokap nih an veng I khuate lei cu zei an rel ve lemlo. Canrau ter mi le Kapkhat lei an thazang aderh tik can lawng kha aa ngiar mi rallokap ansi cang ko lo mei. Ral fir hna in Rallokap nih an kan tukve cang hi mu.
Raldohnak Tactic timi biuha I zuam cawhnak a cak deuh deuh tikah, TEINAK hmuh lengmang asi ve caah, Mipi kan lungrual ahcun Hi lam cu can tlawmpal le cantawi te ah kan phan / phak colh te ko lai, TEINAK kan hmuh cawlh lai, Kan hmuh tuan lai tiah PM pa nih an kan thanh duh mi asi. Crd; Zintincuai Cinzah
