Press "Enter" to skip to content

Min Aung Hlaing Ralbawi Ngan Hna Nih CDM An Tuah Ve Cang

Ralhrang uknak cu duh ti loin SAC ralbawi, Lt. General 3 cu CDM ah lut in mipi lei ah an dir, tiah theih a si. Nawlngeihnak latu SAC ralhrang kuttang ah um duh ti lo in CDM tuah aa tim mi SAC ralhrang chung in midang zong tampi an um rih, tiah mizapi ralkap phu hruaitu Captain Ngyi Tuh Tah nih a chim.

CDM cawlcanghnak a tuahtu SAC ralhrang Lt. Genral 3 chung in 2 nih mizapi ralkap cu pehtlaihnak an tuah hna hnu ah an lut i, a dang pakhat cu pehtlaihnak tuah loin amah tein aa tel, tiah theih a si. “CDM tuahtu Ralbawi (Lt. General) 2 cu mizapi lei ah an dir cang. Min Aung Hlaing caah cun mangchia manh tluk a si. Cazin ning ah cun CDM tuahtu Lt. General 3 an si nain pakhat cu mizei phu sin ah pehtlaihnak a tuah rih lo,” tiah mizapi ralkap phu hruaitu Captain Ngyi Tuh Tah nih cathanh a chuah.

CDM tuah in pehtlaihnak tuahtu minung 2 chung in pakhat cu Army commander a si i, tiah fehternak an tuah. Atu CDM a tuahtu hna hi SAC ralhrang phu chung in CDM cawlcanghnak ah aa tel mi chung in reng sangbik an si i, cuhlan ah cun SAC ralhrang kuttang um mi hna chung in Major reng nih CDM cawlcanghnak an rak tuah bal, atu cu Lt. Genral reng zong an i tel cang.

CDM cawlcanghnak a tuahtu Lt. General 2 cu a himnak hmunhma an phan cang i, an umnak hmunhma le anmah himnak ding ah an umnak cu langhter a si rih lai lo. A dang pakhat cu CDM a tuah nain atu ah dohthlennak tuahtu phu hna he pehtlaihnak a tuah rih lo, tiah a chim. February zarhhnihnak hrawng ah khan ralhrang phu kuttang rianṭuan vanlawng lei ralkap Major Zin Tu Aung zong a chungkhar he Kaya ramkulh mizapi vengtu ralkap phu, mizapi uktu phu hna he pehtlaihnak tuah in CDM cawlcanghnak a rak tuah, tiah theih a si.

Credit: The Chin Post

Kachin ramkulh, Putaoo (ပူတာအို) peng ah seh hmanmi-si a cahnak a sau cang, nihin February 26 in phone line zong a ngah ti lo, tiah khua mi nih an chim. Putaoo (ပူတာအို) kahdohnak a chuah hnu ah khualuhnak le khuachuahnak cu phihkhar a si i, khuachung ah datsii a luh khawh ti lo caah a cahnak a sau cang. Putaoo khuachung ah datsii cawk ding dorkhat hmanh a um ti lo, tiah theih a si.

“Datsii phortu motor khuachung luh khawh a si lo caah sii-ai man zong a kai ngai i, atu ah cun man faak in cawk ding kawl hmanh ah cawk ding a um ti lo. MTP line cu tlawmpal line a thatnak tete cu a um nain sim dang cu an hmankhawh an si ti lo,” tiah Putaoo (ပူတာအို) khuachung ah thil a phor tawnmi motor khaltu pakhat nih a chim. Khuachung ah datsii a um ti lo caah umkalnak a har i, chawlehnak rian zong hma a kal khawh ti lo caah an i din hna, tiah theih a si. Credit: The Chin Post

Be First to Comment

Leave a Reply

Your email address will not be published.