Press "Enter" to skip to content

Min Aung Hlaing ralhrang pawl an tlawm tuk cang, An mah nih an i chimnak lawng a si

Kawl uico ralhrang hi tu hnu kum 2 ahcun pakhat hmanh tang loin an dih lai. An um ti lai lo. Min Aung Hlaing nih uknak a lak hnu ah Kawl ralhrang dirhmun hi a chiakha taktak khi a si ko cang. An i ruah lo ning tuk in an sung cang i an lungrawk tuk cang. Ralhrang nih uknak an lak hnu ah kahnak a chuahnak hi kum khat fai lawng a si rih.

Mahhi kum khat fai chung ahhin ralhrang pawl hi a tlawm bik 15,000 hrawng an thi cang i 20,000 hrawng hliam an tuar cang. A fawinak in a tlawm bik 30,000 hrawng cu na dih cang tinak a si. Kawl ralhrang hi CDM a lutmi bawi pawl nih an chim ning ahcun 70,000 hrawng lawng an si an ti an chim. A tu a tang mi hi 40,000 hrawng lawng an si cang tinak a si. Kawl ralkap hi ting 4 hrawng an si an timi hna kha cu lih a si.

An mah nih an i chimnak lawng a si. Ralhrang pawl dirhmun le tulio raltuk ning tuak tik ahhin ralhrang pawl hi tu hnu kum 2 ahcun a dih bak in an dih cang lai timi cu a fiang ko. A donghnak bik ahcun Min Aung Hlaing nih Nay Pyi Taw vengtu ding ah ralkap 10,000 hrawng ai chiah hna lai i cu lawng cu a si te lai. Cu hmanh cu mipi ralkap dihlak nih an luh hnawh te hna lai i an thio dih te ko hna lai.

Min Aung Hlaing ralhrang pawl an tlawm tuk cang, an i deih ti lo timi a fiannak cu ralkap nupi le pawl hmanh kha meithal an pek hna i ral an tuk ter cang hna. Cu tluk cun an thazang hi a der cang timi ai fiang ko.

Cu lawng hmamh a si rih lo. Thongtla pawl kha an duh lo buin meithal an pek hna i ralram ah an kalter hna. Ral an tuk ter rih hna. Cu tluk cun ralkap an i deih ti lo. Cu ruang ah mipi hna kan dothlennak hi a can sau ti lai lo. Thazang chuah rih ko hna seh. Tu hnu kum 2 ahcun ralhrang pawl hi an dih bak ko lai. Crd: LRM

Thawngdang Relchap>>>><<<< Remdaih Tonbiaruahnak Ah LDU A Kai Lai Lo. Remdaih tonbiaruah sawmnak ah kan kai lai lo tiah Lahu Democratic Union(LDU) Chairman le Vice-Chairman nih an thanh ko nain LDU Secretary le a rianṭuanṭi hna nih kan kai lai, tiah an ti. Cu kong he pehtlai in LDU Chairman le Vice nih Secretary le a rianṭuanṭi pawl dantatnak kan tuah hna lai, tiah cathanh an chuah.

LDU Chairman Kyia Hkun Sa nih remdaih tonbiaruahnak ah an kai khawh lai lonak kong cu May 5 ah a rak thanh cang i PPST zong nih LDU a kai khawh lonak a chim cang. Sihmanhsehlaw Secretary Kyia Solomon nih kan kai lai, tiah a chimmi hi cu phung a buar tiah an langhter.

Cucaah LDU Chairman le Vice Chairman hnatlak pinak tel loin remdaih tonbiaruahnak ah kan kai lai, a timi hi cu kan cohlang lo. LDU Council upaw pawl nih dantatnak kan tuah lai, tiah cathanh an chuah. Credit; The Chin Post

Be First to Comment

Leave a Reply

Your email address will not be published.