Press "Enter" to skip to content

Min Aung Hlaing Ralhrang Vanlawng A Tla I, A Rawk Dih Cikcak

SAC Ralhrang Vanlawng a Tla, a Mongtu a Thi. Nihin February 16, zinglei sml. 10: 43 ah Sagaing ramtthen chung SAC ralhrang vanlawng a tla i a mongtu pakhat a thi, tiah mibawmtu hna nih an chim. Hi SAC ralhrang vanlawng hi Tuluk ser “Nanchang A-5C Fantan” Fighter Jet a si i,

nihin zinglei ah Mandalay ramtthen, Tada-U ralkap vanlawng bual in aa thawhmi a si. A mongtu minung 2 an si i pakhat cu Parachute in a zuang kho. A dang pakhat belte vanlawng tlak in a thi. “Seh lei chambaubak ruang ah a tla” tiah SAC nih MRTV thawngpang ah an langhter.

[Burmese]

ယနေ့ မနက်ပိုင်း ၁၀:၄၃ အချိန်က စကစတိုက်လေယာဉ်တစ်စီး စကိုင်းတိုင်း ရေမျက်ကြီးအင်းတွင် ပျက်ကျခဲ့ရာ လေယာဉ်မှူးတစ်ဦးသေဆုံးကြောင်းသိရပါတယ်။ By- The Chin Journal

Sagaing ramṭhen, Butalin peng, Myomah palik sakhan cu February 15 ni chun Sml 7:00 hrawng ah lamhlat kahnak hriamngan in kah an tong, tiah theih a si. Butalin ( ဘုတလင်) mizapi vengtu ralkap hruaitu pakhat nih, “Lamhlat kahnak hriamngan in kuan lung 10 in kan kah hna. Ralhrang lei in a thi mi le hliamhma a pu an um le um lo cu fiang in kan thei kho rih lo. Kanmah lei cu aa hliam mi um lo tein hnu kan tolh kho,” tiah a chim.

Mizapi vengtu ralkap phu nih an kahnak hna ruangah palik sakhan chung inn cheukhat hna cu an rawk i ralhrang lei zong nih khat lei in an rak kah ve hna, tiah a chim. Butalin Myomah palik sakhan cu kah an ton caah Butalin khuapi chung ahcun ral vengtu tamlak an chiah hna, tiah theih a si.

Ralhrang nih Butalin khuapi chung cu laak dih khawh an i zuam i, nifatin ti awk in khuachung ah an i chok; kahdohnak zong a chuah tawn caah khua mi hna cu an zaam, tiah theih a si. Sagaing ramṭhen, Ye Oo peng zong ah ralhrang le Ye Oo PDF hna cu February 15 zinglei ah an i kap, tiah theih a si.

Ral doh ding in a ra mi ralhrang 60 hrawng le mizapi vengtu ralkap a phufonh hna cu minute 30 leng an i kap i ralhrang 7 an thi. PDF lei in 2 hliam an tuar tiah theih a si. Cu kahdohnak kong he pehtlai in ralhrang lei thawngthanhnak hmuh ding a um rih lo. Credit; The Chin Post

Be First to Comment

Leave a Reply

Your email address will not be published.