Press "Enter" to skip to content

Min Aung Hlaing Ralkap Camp Cu Tlangcung Hriamtlai Nih An Lak

Kachin ramkulh, Tanan pengkulh, Shwe Hmaw le Pazinhmaw pawng um mi Nankonh ralhrang camp cu KIA & PDF nih an kah i, an laak khawh, tiah tualchung mi pakhat nih a chim. Febuary 6 zing suimilam 9:30 hrawng ah Nankonh ralhrang camp cu KIA le PDF ṭangrual nih an luhhnawh hna i an kah hna.

Suimilam pakhat chung hrawng kaphnih kahdohnak a chuah hnu ah ralhrang camp cu an laak khawh, tiah theih a si. “Tanan khuapi i nitlaklei ah a si: A hlan ahcun Pazin Shwe Hmaw ti a rak si i, KIA an rak um nain ralhrang nih an rak chuh khawh hna caah ralhrang nih hmun an khuar thai i, atutan ah KIA le PDF nih an van chuh ve hna, An hmun ṭhing an vun hlam ṭhan ti khawh a si,” tiah tualchung mi pakhat nih cun a chim.

Hi Camp hi KIA camp hlun a si i 2016 kum ah ralhrang nih tanglei le cunglei he vanlawng in thazang tam taktak in an rak luhhnawh caah KIA nih an chuahtak mi camp a si. Atutan ralhrang camp laknak ah ralhrang zeizat an thih ti tu cu KIA nih an thanh lo caah hngalh a si lo. Nain KIA le PDF tu cu an him ko tiah kan theih, tiah tualchung mi hna nih Nankonh ralhrang camp laknak kong ah an theih mi thawngpang cu an chim.

KIA & PDF ṭangrual le Ralhrang karlak ah February 1 thawk in Potao, Suanparabuan, Phakanh, Tanan, Miehngin peng hna ah kahdohnak a faak i ralhrang camp le Palek camp pawl zong KIA le PDF nih an laak hna pin ah rallam sialmi ralhrang zong tam ngai an thah cang hna, tiah theih a si. Credit: The Chin Post

Ukraine ramri ah Russia nih ralkap thazaang a chap chin lengmang mi leh rulhnak ah NATO chungtel ram hna i nichuahlei ah thazang chap ṭhannak caah ti in Lithuania ram ah ralkap thazaang kan chap lai, tiah Germany Prime Minister Olaf Scholz nih nizan February 6(sunday) ah a chim.

Lithuania ram ah Germany ralkap thazaang chap ding hi timhcia a si cang, tiah American President Joe Biden ton ding ah Washington DC i vanlawng in a rak zuan lai ah Germany Prime Minister Olaf Scholz nihcun ARD thawngzamh sin ah a chim.

A ra laimi Febuary 10 hi Berlin khuapi i tonnak tuah ding mi ah hi kong hi biatak tein kan ceih ṭhan lai, tiah a chim chih. Cun, American zong nih NATO Ralkap thazaang ṭhawnter deuh nak ding ah an ralkap 3000 tluk cu Poland le Romania ah kuat chap ding in American President Joe Biden nih order a chuah ve.

2014 kum i Ukraine ram Crimea hmunhma Russia nih a cuh hnu in Poland ,Lithuania, Latvia le Estonia ram hna ah NATO nih an ralkap 5,000 tluk a rak chiah cang hna. Hi NATO ralkap hna hi US, Germany, Canada le British hna nih an hruai mi hna an si.

Credit: The Chin Post

Be First to Comment

Leave a Reply

Your email address will not be published.