Press "Enter" to skip to content

Min Aung Hlaing Ralkap Chin Pasaltha Nih An Kah Lio Hna Video

CDF-Mindat nih Council ralhraang sin an lak mi hriamnam lila in ralhraang an kah hna (Video) စစ်ကောင်စီတပ်များထံမှ သိမ်းဆည်းရရှိထားတဲ့ လက်နက်တွေနဲ့ CDF – Mindat ရဲဘော်တွေ တိုက်ပွဲဝင်နေ (ရုပ်/သံ) မေလ ၁၀ ရက်၊ ၂၀၂၂/ မင်းတပ်-မတူပီ လမ်းကြားတိုက်ပွဲမှာ စစ်ကောင်စီတပ်များထံမှ သိမ်းဆည်းရရှိထားတဲ့ လက်နက်တွေနဲ့ CDF – Mindat ရဲဘော်တွေ တိုက်ပွဲဝင်နေတဲ့ ရုပ်သံဖိုင်ဖြစ်ပါတယ်။ Video: CDF – Mindat. Credit; The Hakha Post

https://www.facebook.com/thehakhapost/videos/437417834862026

Thawngdang Relchap>>><<< 1974 kum December thla i U Thant ruak vui buainak cu U Nu le Ne Win i remlonak in aa thawk mi a sinak kong. Kan hngalh cio dih bang, U Thant cu Kawlram in United Nations ah General Secretary rian ṭum hnih (1961-1970) tiang a rak ṭuan mi a si. U Thant cu U Nu he Rangoon University ah sianginn kai ṭi bal hawikom ṭha an rak si. Ramkomh Kawlram luatnak a hmuh 1948 kum ah U Nu cu Prime Minister a hung si i U Thant cu အသံလွှင့်ဌာနညွှန်ကြားရေးမှူး rian a pek, cu in 1951 in 1957 kum tiang ပြန်ကြားရေးဝန်ကြီးဌာနအတွင်းရေးမှူး rian a ṭuan pah in U Nu secretary a ṭuan pah.

U Nu ramdang a khualtlawnnak le ramdang mi he i hmuhtonnak a tawlrel piak pah in a chim ding mi biacah (speech) zong a ṭial piak pah tawn. U Nu prime minister a si lio 1957 kum in 1961 kum tiang UN (New York) ah Kawlram palai ambassador a rak si. U Nu cu Ne Win nih 1962 kum ah hrenginn ah a chiah i 1966 kum ah a chuah. 1968 kum December 4 ah Ne Win ralkap ‘Revolutionary Council’ cozah nih U Nu, U Ba Shwe, U Kyaw Ngein le tlangcung mi upa Karen, Chin, Kachin, Shan, Yakhine, Mon, Burmese upa minung 33 tel in ‘ပြည်ထောင်စု မြန်မာနိုင်ငံပြည်တွင်း ညီညွတ်ရေး အကြံပေးအဖွဲ့’ timi bu an derh.

Cu hna nih cun ‘Ramkomh Kawlram chung um mi vialte hna i social, economic lei ṭhanchonak ding ca le i lungrualnak ca ah ruahnak pek ding lawng si loin ram i-ukhruainak phunglam thar chuak kho ding tiang in cei-hmainak an tuah mi le ngeih mi ruahnak ṭha cu တော်လှန်ရေး ကောင်စီ cozah sin ah chuahpi le pek ding’ ti khi a rak si. Cu ‘National Unity Advisory Board’ ah cun Chin miphun ah U That Hlaing (Paletwa) le U Lun Pum (Tedim) an telh ve hna.

Ruahnak pek mi cu 31 May 1969 ah hei chuahpi ding an si. Thla 6 caan an pek hna. Mah hna cu Kawl holh in ၃၃ ဦး ကော်မတီ ti zong in an rak auh hna. Thla 6 kar chung ah voi 93 ton biaceihmainak an ngei i, parliament chan i သမ္မတ hlun Mahn Win Maung nih သဘာပတိ a ṭuan piak hna. Ruahnak chuahpi ding mi cu cathluan pali in an ṭial. Ruahnak aa khat mi minung 18 phu nih pek mi, minung 11 phu nih pek mi le U Kyaw Ngein le mi pa 2 le U Nu pek mi tiin ruahnak pek mi cathluan pali cu hmunkhat ah an chuahpi.

U Ba Shwe hruai mi minung 18 phu nih a tlaangpi in: democracy socialist ram ser ding; multi-party system hman ding; 1947 ram i-ukhruainak phunglam hrampi hngat in phunglam remh le chap ding; timi ruahnak an pek. Hi phu ah U That Hlaing le U Lun Pum an i tel. Thakhin Chit Maung (ဝိဓူရ) hruai mi phu nih: socialist democracy ram ser ding; lung aa rual mi miphun fonh ralkap derh ding; lung aa rual mi miphun fonh cozah ser ding; social democracy lam a zul mi ram uknak phunglam thar ṭial ding.

U Kyaw Ngein hruai mi pathum nih ruahnak an chuahpi mi cu a tlaangpi in minung 18 phu nih an chuahpi ruahnak pek mi he aa khat nawn nain, miphun sinak covo ngeih mi ah ruahnak an chuahpi mi aa dang ngai. Cu ah, Unitary uknak phung in ram ser ding; Mon le Yakhine cu State (ပြည်နယ်) sernak nawl pek hna lo ding; aho State hmenh ramkomh in chuahnak nawl pek hna lo ding, timi cu ruahnak an chuahpi mi ah aa tel.

U Nu nih ruahnak a pek mi hna cu: Ram uk nawlngeihnak amah U Nu pek ṭhan ding; ram uk nawlngeihnak nawl a ngah ṭhan hnu ah General Ne Win cu ram uk nawlngeihnak tling tein aa ngeih mi rampi President (နိုင်ငံတော်သမ္မတ) sinak pek ding; သမ္မတ nih parliament democracy phung a zul mi uknak phunglam ṭial le chuahpi tu ding ah National Convention tonpumhnak tuah ding, timi ruahnak a chuahpi.

Natein National Unity Advisory Board – ၃၃ ဦး ကော်မတီ nih an chuahpi mi ruahnak pek mi cu General Ne Win nih a cohlang duh lo. U Nu ruahnak pek mi hrimhrim cu fianghlang in a pom duhlonak a chim. A taang mi minung 32 i ruahnak pek mi cu minung 21 = (18 + 3) le minung 10 tiin an ṭhen ṭhan i minung 21 ruahnak pek mi cu an hnawl dih. Minung 11 i ruahnak pek mi cu Revolutionary Council cozah he an ruahnak aa naih pah nawn nain a donghnak ah an hnawl ve ṭhiam hna.

28 June 1971 in 11 July 1971 karlak chung i a voi khatnak မဆလ ပါတီညီလာခံ i politics kong he pehtlai in cathluan an chuahpi mi ah, ပြည်တွင်း ညီညွတ်ရေး အကြံ ပေးအဖွဲ့ nih socialist uknak phunglam sernak le Kawlram chung um kokek miphun vialte i-lungrualnak ding ca ah cu ti ngai pi in santlai hman awk tlaak ruahnak an pe kho lo, tiah an rak chim.

1969 kum i Ne Win ralkap cozah nih ပြည်တွင်း ညီညွတ်ရေး အကြံ ပေးအဖွဲ့ an rak derh lio ah hin, ramkomh Kawlram chung um mi aho zong nih pumpak in si seh, a bu in si seh, cozah sin ah ruahnak peknak cathluan nan kuat khawh cio tiah an rak thanh chih. Mah cu lio ah senior law student a rak si mi Pu Lian Uk hruainak in hmailei Chin ram ca le Kawlram i-ukhruainak ca ding kong ah ‘ချင်းလူငယ်များ အကြံပေးတင်ပြချက်’ tiin ruahnak peknak cathluan an rak chuahpi ve.

Vanchiat ah mah cu cathluan chung i ṭial mi ruahnak peknak ca vialte cu ka lung a tling ve tiah min a thu (sign) mi Chin university student le Chin upa vialte cu an rak tlaih dih hna i kum 2 in kum 3 chung hrenginn ah an rak khumh hna. Hi kong fiang deuh in hngalh a duh nih dam tein a kan nunpi rih mi amah Pu Lian Uk sin ah hei hal khawh a si lai.

U Nu cu a ngandamnak i zohter ding in le Buddhist biaknak hmun va tlawhbiak pah ding in tiah 11.04.1969 kum ah a chungkhar he India ah an kal. Caṭial tu cheukhat nih an ṭial mi ah, parliamentary democracy uknak ah kiar ṭhan ding a hal hna caah tlaih i hrenginn ah an ka chiah ṭhan sual lai asiloah a thah zong maw an ka thah lai ti phan ah India lei ah a zaam, ti si.

U Nu cu 1969 kum August thla ah Ne Win ralkap cozah cu ramdang nih pom piak hna lo ding in Europe lei ah a tlawng. London a phanh ah Kawlram ah zapi thim mi cozah ser ding in party thar ‘Parliament Democracy Party’ a derhnak kong a thanh. Cu dih in UN office umnak New York ah a kal i zapi theihternak press conference a tuah mi ah International community nih Ne Win ralkap cozah cu pom piak hna lo ding in le hnon hna ding in a chimh hna.

Cu conference a tuahnak kong cu Ne Win nih a theih i U Thant hi U Nu he i rawih in leirawi pei an ka timh ko hi tiah a thin a rak hung ngaingai ti si. Ne Win nih a ralkap bawi pawl sin ah U Thant cu ‘ram ral – enemy of the state’ a si tiin nan ruah lai tiah a ti hna. U Nu nih UN i press conference a tuahnak kong ah U Thant tupa Dr. Thant Myit U nih a ṭial mi cu, mah cu lio ah U Thant cu UN rian herh in Africa ram a tlawn kar a si,

U Nu nih U Thant nawl peknak um loin a tuah mi a si i, U Thant nih U Nu cu press conference na tuah mi cu phung ning in a si lo tiah a ti, a ti. Mah cu kong ah Ne Win va chimh fian ding in U Thant cu Rangoon ah a va kal nain Ne Win nih a tong duh lo. Mah cu lio ah U Thant cu UN General Secretary pi a si lio a rak si ko nain Ne Win nih a cung i remlo huatnak a ngeih ruang ah a passport zong fawi tein an rak tharh piak duh lo, ti si.

Ne Win cozah i deputy education minister pa nih U Thant a thi ni cu ulh ni (holiday) ah ser ding in ruahnak a rak chuahpi i a rian in an phuah ti si. U Nu te cu Thai ram Bangkok khuapi ah an cozah headquarter an tuah. 1969 kum August 29 i Parliament Democracy Party an derh mi ‘Central Executive Committee’ members 35 chung ah Pu Mang Tling aa tel ve.

Cu Parliament Democracy Party nih cun Ne Win ralkap cozah doh ding in ‘ပြည်ချစ်လွတ်မြောက်ရေးတပ်မတော် – People Liberation Army (PLA)’ timi ralkap bu an rak ser. Kawlram nih ram luatnak Independence a hmuh hnu ah Kawl miphun derh mi hriamtlai bu hruainak in cozah a doh mi hna cu Thakhin Than Htun hruai mi Burma Communist Party (BCP), U Nu hruai mi People Liberation Army (PLA) le All Burma Student Democratic Front (ABSDF) an si hna. An phu thum in an hlawh a tling lo. Peh ṭhan te ding.

Be First to Comment

Leave a Reply

Your email address will not be published.