Min Aung Hlaing Ralkap Le Mipi Hriamtlai Kahdohnak Ralhrang Thi le Hliamtuar 700 Hrawng An si
A luancia ni 15 chung ah KNU, Brigade 6 hmunhma chungah SAC ralkap he kahdohnak 55 a chuak i SAC ralkap 90 hrawng an thi tiah KNU nih cathanh a chuah. KNU , Dooplayer ( ဒူးပလာယာ) pengkomh, Brigade 6 hmunhma chung ah SAC ralkap hna le BGF hna ramri lawnh in an cawlcangh peng caah KNLA, KNDO hna nih an kah hna hi a si. Dooplayer pengkomh, Kawkareih peng hna hi kahdohnk afak biknak hmun an si i SAC ralkap nih Jet vanlawng zong an hman.
A luancia 15 chungah kahdohnak voi 55 a um i SAC ralkap le BGF lei 87 an thi , 45 hliam an tuar , BGF lei a thimi cheukhat cu kan fehter kho rih lo tiah cathanh chung ah an langhter. KNLA, KNDO in 12 an nunnak liam i 17 hliam an tuar. SAC ralkap lei nih hriamngan in khuachung an kah tuk caah mizapi 4 an nunnak liam pin ah 8 hliam an tuar tiah an langhter.
A luancia March thla chung , SAC ralkap le KNLA, KNDO kar ah kahdohnak voi 501 a chuak i SAC ralkap BGF 429 an thi, 260 hliam an tuar tiah KNU nih cathanh a chuah. KNLA , KNDO in 22 an nunnak a rak liam i KNU hmunhma chung um mipi sing 1 leng ral an rak zaam. The Chin post _ Ukraine nih European Union (EU) member i a luh khawhnak ding ah biahalnak tuah mi, Questionnaire cu President Zelenskyy nih a leh(phit) dih cang, tiah President Volodymyr Zelenskyy office i deputy head Ihor Zhovkva nih a chim.
European Commission president Ursula Von Der Leyen cu a luancia April 7 ah khan Ukraine ah a tlawng i, hi lio tan ah hin President Zelenskyy sinah EU luh khawhnak ding biahalnak (Questionnaire) cu a rak pek i, Russia he an i tukdohnak boruak ah Ukraine cu EU member an si zau khawh nakhnga bawmh aa zuam lai kong a chim. Ukraine nih cun zarhpi nih ah khan EU luhnak ding i a herh mi documents vialte cu a tlantling dih cang, tiah Ukrainian media hna sinah Zhovkva nih a thanh.
European Commission hna nih cun an bialehnak ca le document cu an rak zoh hmasa lai i, an pom hnu ah EU member an si kho te lai i, “Thawngpang ṭha kan theih te ṭheo lai tiah ruahchannak ka ngei,” tiah Zhovkva nih cun a chim. A ra lai mi June 23-24 ah European Council cu tonpumhnak ngei ding an si i, cu thlachung hrimhrim ah cun Ukraine cu European Union member a si hrim lai ruahchannak kan ngei tiah a chim. the i Post
