Min Aung Hlaing Ralkap Mawtaw Bomb Puah A Tong Than

Mandalay khuapi, Aung May Thar San (အောင်မြေသာစံ) peng, Kyung( ကျုံး) nichuak lei 66 lam 22 le 23 lam karlak i Myanmar Sateih(စာတိုက်) zung hmai ah February 25 zanlei sml 1 :00 hrawng ah SAC ralhrang mawṭaw 1 bomb puahhnawh a tong. Bomb puahnak ah hin mawṭaw thlalang pawl a kuai ko nain minung hliam tu cu an hmu lo, tiah thei a si. Naan(နန်း) nichuak lei veng um mi pakhat nih “Naan(နန်း) nichuak lei in bomb thawng kan theih i a puaknak hmun cu Amyotha Cinema hall he zong a nai i No-19 lam lei zong ah SAC ralhrang pawl an um,” tiah an chim.

Cupinah bomb puahnak hmun pawng lam lai hrawng ah a puak rih lo mi bomb pakhat an hmuh, tiah theih a si. February 23 zanlei sml 5:00pm hrawng zong ah Mandalay khuapi Chan Mya Thar Say(ချမ်းမြသာစည်) peng Manawharay lam 110 le 47 lam pawng ah ralhrang mawṭaw 2 bomb puah an tong.

SAC Ralhrang mawṭaw pawl cu Mahnawhary (မနော်ဟရီ) lam ning in nitlaklei le nichuaklei lam ah an rak ra i Mahnawharay (မနော်ဟရီ) lam 100 ( 45 le 46) lam karlak i khua-uk bawi zung ah an kal, tiah theih a si. “Bomb thawng cu thangpi in kan theih nain aa hliam mi an um le um lo cu kan thei lo. SAC ralhrang pawl nih meithal voi 3/4 hrawng an puah,” tiah khua mi upa pakhat nih a chim. Cupinah February 23 zanlei sml 8:00 hrawng ah Sippan(သိပ်ပံ) lam 66 le 67 lam kar i KBZ Bank ATM seh ah bomb a puak. Bank account pawl cu ralhrang nih a ruang um lo in an block caah Mandalay People Rescue (MPR) le Mother Son Mandalay Force he i fonh in an puah mi a si, tiah thawng an thanh. Credit: The Chin Post

Kalaymyo peng, Thanphu khua cu February 22 ahkhan SAC ralhrang an rak lut i inn an khanghpiak hna ruang ah Thanphu khua le Yangyiaung khua mi nih khua an rak chuahtak. Nizan, Febuary 24 ah khan khua mi pawl ralzam in an i dornak tupi chung pawng ah SAC ralhrang hna cu an ra ṭhan i hriamngan in an kah hna hnu ah ralzam an i dornak thlam 7 an khangh ṭhan, tiah ralzam hna nih an chim.

“Febuary 19 ah khan Tatkung ah kahdohnak a chuak. Kan khua an vun luh i inn an khangh ni hi kahdohnak zong a chuak lo. Innthum an khangh i khua mi hna cu ramlak ah kan zaam, kan i dornak hmun tiang an ra i hriamngan in voi 30 hrawng an kan kah. Tar le ngakchia cu rawl hmanh ei ngam loin an um i thawngpang kan theih in hmun dang ah kan zam ṭhan, Thlam 7 le Saikel 9 an khangh.Thlam an khangh ko mi cu PDF Sakhan kan lak tiah an thanh,” tiin Thanphun khua mi ralzam pakhat nih BBC ah a chim.

Ralzam umnak hmun i SAC ralhrang an rat lio ahcun minung 30 hrawng an tlaih hna i nu pakhat a ke ah an kah, tiah theih a si. Ralzam pawl cu ralhrang nih an inn cio ah tlung ding in an fial hna nain tlung ngam loin hmun dang tu ah an zaam chap. Thanphu khua le Yangyiaung khua in ralzAam 6000 hrawng an um cang i mizaw hna zong an um caah sii-ai bawmhchanh hau dirhmun an phan. Tanphu khua hi atutan he cun a voihnihnak ral an zaam a si cang.

SAC Ralhrang Nih Inn 5000 Leng An Khangh Cang: SAC Ralhrang nih uknak an laak hnu in an khanghmi inn hi 5000 leng an si cang, tiah Data for Myanmar nih a thanh. 2021 February 1 thok in 2022 February 23 tiang Data for Myanmar nih record a tuah ning ah ralhrang nih inn 5,231 tluk an khangh cang, tiah theih a si. Hi inn an khangh mi hna hi hmun 154 ah a si i Sagaing ramṭhen hi a tambik a si i inn 3,126 an khangh cang. A pahnihnak ah Chin ramkulh a si i inn 1004 an khangh cang. A pathumnak ah Magwe ramṭhen si in, inn 626 an khangh cang, tiah theih a si.

Sagaing ramṭhen, Yinmapin peng PDF ralkap pakhat nihcun, “Sagaing ramṭhen chung i inn an khangh mi hi- zei sualnak ngei lo kha PDF nan bawmhchanh hna an ti hna, inn an khangh hlan ah inn chung thilri a ṭha deuhmi cu ralhrang nih an i laak ta! Cheukhat cu inn khaang loin an innchung thilri ṭha deuh poh an chuh hna,” tiah a chim. Inn khangh piakmi cazin hi Human Rights pawl le ralzaam committee hna i an record chirhchan in laak mi a si caah a tlamtling lo mi record cu telh a si lo i, atu kan langhter mi nakin an tam deuh lai, tiah Data for Myanmar nih cun a thanh chih. Credit: The Chin Post

Leave a Reply

Your email address will not be published. Required fields are marked *