Min Aung Hlaing Ralkap Nih Mipi Eiding Rawl Le An Umnak Inn Le Lo Tiang An Khangh Piak Hna

Pauk Pengah SAC Ralhrang Nih Minung Umnak Inn Mei An Khangh Pinah Ralzaam Mipi Eidin, Facang, Ti Rawl Mei An Khangh Piak Than! Maggui ramthen Pauk peng chungah a ummi mipi umnak inn meikhanghtu SAC ralhrang ralkap nih inn an khangh lawng siloin ralzaam mipi eidin tirawl tiangin meikhangh in an hrawhpiak than tiah thawng kan theih.

SAC ralhrang ralkap le Buesawtyi hna nih April 7 thawkin meikhangh an thawk i, khua (13) nak tam mei an khangh cang tiah tualchungmi hna sinin kan theih. Pauk he naihniamnak Pakukku le Seikphyu peng hna zongah SAC ralhrang ralkap nih mei an khanghpiak tiah kan theih. Pauk peng chung Kyaukh-U khuami razaammi hna an si.

SAC ralhrang ralkap nih khua chung i minung umnak inn meikhangh lawng siloin ralzaam mipi eidin tirawl tiangin mei an khangh. Ralhrang ralkap an tih tuk caah khuami dihlak an zaam tiah Pauk Alliance Group nih April 15 ah cathanh an chuah. Cucaah ralzaam mipi hna caah eidin, tirawl, sii ai le thilpuan hna cu bawmh an herh hringhran tiah an langhter. Crd: Zalen

Thawngdang Relchap; Paucan Dohthlennak Ah AA Ani Tel Ahcun TEINAK Kan Hmuhtuan Lai. NCA Senthuhmi Tlangcung Ralkapbu phu (10) ah KNU RCSS CNF kha zuk ahcun, atang mi EAOs phu (7) hna Ralkap thazang nakin AA Ralkap an tam deuh. AA nih Raldoh Hawikom rual sin ah a kuat mi Rakhine Ralkap hi cunglei langhter mi EAOs phu (7) nak in an tam deuh. An ṭhawn deuh fawn.

AA hi NUG he I fonh loin amah tein a dirh khawh Bantukin NUG zong AA he I fonh herh lem loin, adir khawh tuk ve tihi philh hlah uh. Cu caah AA hi Paucan Dohthlennak ah I tel duh loin a lung puamnak hi asi. NUG nih an sawm tuk ko nain, nihin tiang YES le OK ati duh bak ve lo. Tukum Thingyan puai (Kawl Kumthar Titoi puai) zong Rakhine ram lawng ah an tuah hlunghlai ngai in tlo ngai ngai in.

Aluan cia mi kum thum chung ah AA le Rallokap raldohnak ruang ah Thingyan telin Zei puai hmanh a tuah khawh lomi Rakhine kan si caah kan tuah mi asi tiah AA nih an ti. Mipi nih tuah an duh tuk fawn caah mipi duhnak zulhin kan tuah mi asi tiah AA nih sual thupha an cuai ve. Sianginn zong Rakhine lawng ah biatak tein an kai I tling tein Rallokap tuahmi Matriculation Camipuai an phi ve.

Acan ah AA le Rallokap an I kap tiah social media ah a rak kai ko nain, phiangkum Bantukin asi. Peh tein raldohnak aum lem ve lo. AA hi Paucan Dohthlennak ah aa tel ve duh bak lo ahcun Panglong lio Rakhine aatello Bantukin Tuanbia chiahru angeih ṭhan te lai. NUG nih AA tel awk ah biatak tein soilem a herh tuk hrinhran ko. An duh lo ahcun I theih cang ko hnaseh. NUG nih Paletwa cu AA le Rakhine pek an duh caah Hramhram in thanh caa cu an I palh ter mi sidawh asi.

AA le General Tun Myat Naing nih Paletwa hi Rakhine ram kan ti ballo tiah aa phisin ko nain, Rakhine Ramkhel ah an SPH asimi, Chinmi caah Dr. Lianhmung Sakhong bantuk asimi, Dr. Aye Maung nih Paletwa cu Rakhine ram kungcunghmin ati. Rakhine Politicians kip nih Paletwa cu Rakhine ram anti dih. Cucaah, Hmailei Chinmi kan ral hi ZRA, MDF lawng ansi te lailo. AA le Rakhine he ral kan I doh lailo tiah nan ti khawh cio lailo dah.

AA hi NUG he Hawikom sisehlaw, a Ramkhel lamthluan hi atliang deuh lai I a phak / phan a fawi deuh ve hnga. AA zong an thawngṭha chin chin ve lai. NUG nih kan doh lio mi Ralhrang Anaasin MAH le RALLOKAP a hram in phoih zong a fawizang deuh hnga. Hawikom ansi le silo cu NUG le AA cungah aahngat nain, a herh lo ah kapkhat le khat I huat in um awk asi lo Bantukin, biathlah le chimhrel ding asi fawn lailo.

Zuk le hmanthlak cuanter mi hi tutan Kawl Titawi puai Nihchuak capo asizia langhter mi hmanthlak rual an si. Na zoh huam lo ahcun lanh tak khawh asi. Kawl pathian aiawh in vawlei ah a rak tummi Aye Ni Vung hi a pakhat nak asi. Crd; Zingtincuai Cinzah