Chinram Thantlang Kahdohnak Ah Ralhrang Tam Tuk An Thi
Nihin February 1, 2022 ah CDF Thantlang/CNA le ralhrang karlak kahdohnak Thantlang khuachung ah a chuak i ralhrang lei in 5 an thi, 1 hliam a tuar. Mizapi Ralkap lei hliamtuar um lo tein hnu an tolh kho, tiah theih a si.
Hi Kahdohnak ah ralhrang lei nih hriamngan le hriamhme in an duhnak poh an kah caah Thantlang khuachung inn zeimawzat a kang, CDF Thantlang nih ralhrang cu an hramphuk tiang kan doh lai, tiah an cathanh chung ah an langhter. Credit; The Chin Post
Kalaymyo Ah Ralhrang nih Pakhat An Kah A Thi. Kalaymyo RTC kam ah , February 1 zingah ralhrang nih duhpoah in meithal an kah i nu kum 40 mi pakhat a tak ah an khen i a nunnak a liam tiah theih asi.
Taungzalat sang ah a um mu Nu Yi Yi Khine hi an inn in zing Sml 8:30 hrawngah a chuak i lawi lei ah Sml 9:30 hrawng ah ralhrang meithal nih a khen i sml 11:30 hrawngah a nunnak aliam .Ralhrang nih hin akah sual maw asi akah hramhram ti cu theih fian arih lo.
Hramhram in ralhrang nih uknak an lak hnu ah hin Kalaymyo khua chungah ralhrang kut in athi mi hi 100 leng an kai canh thiah theih asi. 21 the chin time
Kyautpatawng (ကျောက်ပန်းတောင်း) khua mi Ko Awng Awng cu ‘ralhrang phu hna uk chan 2002 le 2005 kum ah kir ṭhan ka duh ti lo’ ti in amah le mah mei ah i khang in ralhrang uk duhlonak a langhter. Atu ah Ko Awng Awng cu sii-inn ah chiah asinain a nunnak ca ah thinphang a si ko, a thi ko lai tiah kan zumh, tiah Kyautpatawng khua mi pakhat nih a chim.
“Kyautpatawng EPC zung pawng ah amah le mah mei in aa khang, catlap chung ah ralhrang uk chan ah kir ṭhan ka duh lo ti in a ṭial, atu cu sii-inn ah zohkhenh lio a si, a dam ṭhan lai ruahchannak a tlawm,” tiah Kyautpatawng (ကျောက်ပန်းတောင်း)khua mi pakhat nih cun a chim.
Kyautpatawng (ကျောက်ပန်းတောင်း) khuachung thawngzamhnak pakhat, K-Media nih a langhter ning ah cun amah le mah mei ah i khangh in ralhrang uk duhlonak a langhtertu hi Kyautpatawng khuachung Pyidawta, Shwetansa(ရွှေတန်ဆာ) lam ah khuasa mi Ko Awng Awng a si tiah theih a si. Khit Thit Media
Yangon thlanglei pengkomh, Khayan(ခရမ်း) khuapi chung ah ralhrang umnak gate cu nizan zan suimulam 7 hrawng ah mizapi vengtu ralkap nih RPG in an kah hna i, an umnak hmun an khen caah a thi mi le a hliam mi an tam, tiah mizapi vengtu ralkap cahmai Khayan Channels ah an langhter.
Cu gate cu RPG in voi 2 in an kah i kuan pakhat cu a puak lo, tiah theih a si. Cu kahdohnak he pehtlai in PDF he aa naihniam mi pakhat nih cun, “Kahdohnak cu Khayan (ခရမ်း) khua mi mizapi vengtu ralkap hna nih an thi a daihlonak an langhternak a si, silent stike zong mipi he i bawm in tha an pek hna nak zong an langhternak a si,” tiah a chim. Ralhrang a thi mi le a hliam mi cu fiang in theih khawh a si rih lo. Delta News Agency
