Press "Enter" to skip to content

Min Aung Hlaing Ralkap Riahbuk An Kah, SAC Ralhrang Thi An Um

Ralhrang Riahbuk Pakhat Kahdoh A Tong I Ralhrang Lei A Thi Mi An Um, Pha Pun-Kah Mah Mawng lam ah Ralhrang Mawtaw Pahnih A Rawk Tiah KNU Brigade (5) Thanh. KNU Brigade 5 ralkap nih an mah hmunhma Pha pun pengkomh chung ah a um mi ralhrang riahbuk a cheu cu an doh hna i ralhrang lei in a thi mi an um tiah nihin ah cathanh an chuah.

January 18 ah ralhrang i Tittapinkung riahbuk cu KNLA ralkap nih an doh hna i ralhrang lei in pakhat a thi tiah an chim. Zing slm.3:00 hrawng ah ralhrang Khah-mah-yiah (434) nih Pha pun pengkomh Thu Maw Di lei ah meithal an kah len i kum 75 le kum 56 hrawng a si mi mi pahnih kuan nih a khen hna, a zaanei ah ralhrang riahbuk cu an doh i ralhrang lei in pakhat a thihnak kong cu Brigade 5 nih an thanh.

January 19 le 20 zong ah Phapun le kah mah mawng mawtaw lam cung ah ralhrang cu brigade 5 ralkap nih an doh hna i ralhrang lei mawtaw pahnih a rawk tiah an chim. Kah mah mawng lam in meng 18 le meng 19 kar ah January 19 ah ralhrang pawl cu an doh hna i ralhrang mawtaw pakhat a rawk i hliam a tuar mi zat theih a si rih lo.

January 20 ah Phapun le Kah mah mawng lam meng 21 ah ralhrang an doh than hna i mawtaw pakhat a rawh nak kong an langh ter. Ralhrang zong nih Phapun-Kah Mah Mawng mawtaw lam ah hriamngan, hriamhme an kah len nak kong zong an thanh. KNU brigade 5 hmun ah kahdohnak nifatin a chuak i tu thla chung ah 100 leng kahdohnak a chuak cang ralhrang lei a thi mi an tam. (People’s Springs)

Credit; 21 the chin time

Be First to Comment

Leave a Reply

Your email address will not be published.