Press "Enter" to skip to content

Min Aung Hlaing Ralkap Rual Lamtuk An Phan Cang Tthan Cang

Ralhrang rual cu Lamtuk khua an lut cang. Tuzan hi Lamtuk khua ah an riah zumh si. Credit; Salai William HC…… Thawngdang Relchap; Gangaw ah Palik mawṭaw YDF in an kah, Palik bawi telh in 4 an thi, 6 hliamhma an pu. 2022 April 20 – Magway ramṭhen, Gangaw khua, Sipin sang ah SAC kuttang palik pawl an mawṭaw he an i chawh lioah Yaw Defense Force (YDF) nih April 19 zaan sml 10 hrawng ah an kah hna i palik bawi telh in 4 an thi, 6 nih hliamhma an tuar caah palik mawṭaw cu a zaam tiah YDF nih thawng an thanh.

“Sipin sanguk bawi zung ah a si, mawṭaw in zohfelnak a ngeimi palik mawṭaw kan kah. Palik bawi telh in 4 an thi, 6 nih hliamhma an tuar. Palik bawi a thi tiah kan theih khawhnak cu sizung in a ruak an rak chuahpi, a ruak an vui tiah ṭha tein kan theih khawh caah a si” tiah YDF thawngthanhnak in rianngeitu pakhat nih Yongon Khit Thit ah a chim.

YDF nih palik mawṭaw cu a hnulei in an kahmi phun a si caah a mawngtu pa a kheng lo i a tlik caah hriam kan chut kho hna lo tiah YDF thawngthanhnak rianngeitu nih a chim. Yaw hmunhma ah YDF, PDF le SAC ralkap karlak ah nifatin ngawt in kahdohnak a chuak i SAC zong nih Gangaw pawng hrawng khuate hna ah thazang tampi in kahdohnak a tuah tiah theih a si.

Kahdoh a fahnak Yaw hmunhma ah internet line an phiat, kahdohnak a chuak peng i himnak le i pehtlaihnak a har caah thawngthanh a har. Cun, hriamnam lei bawmhnak zong kan herh rih ko tiah YDF nih a thanh. Crd; The Chinland Post

Thai palik pawl nih phungning loin a rak lutmi Myanmar rammi pawl cu Tak district ah nifatin in tlaih an si ko nain ramri mi lutchuak cazin cu rianngeitu hna nih fiang tein an thanh lo tiah Mesot khua ah hram a bunhmi JACBA lutlai U Moe Kyo nih a chim. “April 21 ah minung 46, April 22 ah 10 hi Mesot Tak ah tlaih an si. Mesai le Yanaung zong ah tlaih a tongmi an um rih.

Thai Siangpahrang ralkap nih an tlaihmi cazin kha an langhter lo. A hlan nak in an tam deuh lai. Thingyan lio le Thingyan dih hnu ah ramri rianṭuantu pawl nih mi lutchuak cazin ṭha tein an langhter lo”. Phungning loin A rak lutmi Myanmar rammi 10 cu Tak district Mesot peng, April 22 ah tlaih an si i Thansaungyan peng, April 21 zong ah minung 34 tlaih an si tiah U Moe Kyo nih a chim.

April 21, Chinyaing district ah a ummi riithai sii check nak gate ah Myanmar rammi a phortu mawṭaw cu check an timh lio ah a tli i aa leh caah phungning loin luh aa timmi minung 6 hma he tlaih an rak si. A cheu cu an zaam kho tiah a chim.

Chinyaing district Mephalon check nak gate zong ah mawṭaw pakhat an zumh lo caah an check i phungning loin luh aa tim mi Myanmar rammi 32 le mawṭaw mawngtu 2 cu Thai palik nih an tlaih hna tiah U Moe Kyo nih a chim. A luancia March thlakhat chungah Thai-Myanmar ramri ah phungning loin luh aa timi Myanmar rammi 1,600 hrawng Thai palik nih an rak tlaih hna tiah RFA sin in theih a si.

Relchap; SAC ralkap cu CDF-KKG, PDF-Kalay, RKDF le mipi hriamtlai phu hna nih chunitlak deng an kah hna. Cu kahdohnak ahcun, SAC ralkap 10 an thi. Mipi hriamtlai phu in 1 a nunnak a liam i 2 nih hliamhma an tuar tiah CDF-KKG nih a thanh. Kahdohnak a dih hnu zaanlei sml 6:00pm hrawng ah SAC ralkap pawl cu Inkyun khua lei ah an kir tiah a langhter. Kahdohnak ruangah a pawngkam khua in khuami 5,000 leng himnak ah an zaam caah eidin lei harnak an tong tiah theih a si.

Be First to Comment

Leave a Reply

Your email address will not be published.