Press "Enter" to skip to content

Min Aung Hlaing Ralkap Tam Tak An Thi

Sagaing Ramthen Kani peng, Kin-khua le khua kiang ah an chiahmi nawlngaihnak laktu SAC ralhrang Tilawng bu hna cu mipi vengtu ralkap hna nih January 31 ah an kahdoh hna i, SAC ralhrang a tlawmbik 30 hrawng an thi tiah People’s Defense Force (Kani) sin in theih a si.

Mah SAC ralhrang Tilawng phu hna cu Kani-PDF, mah kiangkap um mipi vengtu ralkap phu, M&K The Boys phu le Mahamehninawng phu hna nih an kahdoh hna tiah theih a si.

Mah cu ti i, an kulh hna i, an kahdoh hna ruangah Tilawng pa 2 cu rawkin ralhrang minung 30 nak tlawmlo an thi tiah People’s Defense Force (Kani) nih an thanh.Mah

Mah ralhrang Tilawng phu No. 101 i, January 19 ah Kani peng Kin-khua i, minung 6 hna cu an rak tleih hna i, January 31 ah kum 58 hrawng le pa pakhat hna cu an ruak an hmuh hna i, a tangmi hna cu minung 4 hna le nu pakhat hna cu nihin tiang an tlau, an hmu rih hna lo. Ref; Khit Thit Media

Shan ramkulh, Moese (မူဆယ်)peng, meng 105 le Talung(တာလုံ) karlak ah meihawl tun in an khuh dih i an thuh mi, ralhrang ser mirangvawlei tun 500 cu a phortu motor he an chuh hna i mei an duah, tiah Moese mizapi vengtu ralkap chimphuannak nawlngeitu nih a chim.

“Muang Tuang khua lawnh meng 105 le Talung karlak ah nizan Suimilam 5 :00 ah an tlaih hna. Meihawl tun in an khuh dih mi, ralhrang serchuah mirangvawlei hna cu mizapi vengtu ralkap nih an tlaih, a dihlak in tun 500 hrawng a si. Zanlei Sml 5:00 fai hrawng ah mei in khangh a si,” tiah Moese mizapi vengtu ralkap chimphuannak nawlngeitu nih Yangon khit thit ah a chim.

Moese tel in Kachin ramkulh, Sagaing ramṭhen le Shan ramkulh hna ah ralhrang chuah mirangvawlei hna le thilri pawl cu phor lo ding in le zuar lo ding in, mizapi vengtu ralkap phu nih theihternak an tuah, tiah theih a si. Khit Thit Media

Be First to Comment

Leave a Reply

Your email address will not be published.