Press "Enter" to skip to content

Min Aung Hlaing Ralkap Tam Tuk An Thah Than Hna

KNU brigade 5 hmunhma Mutraw (မူတြော်) pengkomh chung January 24 ah ralhrang phu le KNLA karlak kahdohnak a chuak i ralhrang phu lei in minung 11 an thi, pakhat nih hliamhma a tuar, tiah Mutraw (မူတြော်) thawngzamhnak nih an thanh. January 24, zinglei ah ralhrang phu hna cu KNLA nih bomb puahhnawh in an doh hna caah ralhrang lei minung 4 an thi i pakhat nih hliamhma a tuar.

Zinglei suimilam 6:42 ah Phapun peng Yunsalin(ယွန်းစလင်း) nitlaklei um ralhrang phu cu KNLA nih an doh ṭhan caah ralhrang minung 2 an thi, tiah theih a si. Mutraw (မူတြော်) Takawloe(တာကောလူ) hmunhma ah ralhrang phu cu KNLA nih January 24 ah voi 3 tiang an doh caah ralhrang lei minung 5 an thi.

Ralhrang riahcaw a phortu Laa(လား) pakhat zong a thi tiah Mutraw (မူတြော်) thawngzamhnak nih thawng an thanh. KNU brigade 5 hmunhma chung ah ralhrang phu hna nih minung thazaang an chap caah kaphnih kar kahdohnak cu nitin ngawt in a chuak tiah theih a si. Khit Thit Media

Magway ramṭhen, Myiang peng chung ah a um mi zii-nan chuahnak hmun pawl cu ralhrang nih mei in an khangh pin ah January 24 ah rianṭuantu cheukhat zong an thah hna i an ruak cu mei in an khangh hna. Nu cheukhat zong an tlaih hna i an kalpi hna, tiah zii-nan khor ngeitu pakhat nih Yangon Khat Thit media ah a chim. January 15 thawk in Myiang peng le Pauk peng chung ah a um mi zii-nan chuahnak hmun i zii-nan khor a ngeitu pawl cu ralhrang nih phaisa an hal hna.

Zii-nan khor ngeitu hna nih ralhrang sin phaisa liam i, an zii-nan khor tonghpiak ve lo ding in ralhrang he lungtlinnak an ngei ko nain phaisa an pek hnu zong ah an zii-nan khor pawl cu mei in an khangh ṭhiamṭhiam rih. January 24 ah zii-nan khor rianṭuantu minung pathum cu ‘PDF nan si’ tiah an ti hna i an thah hna hnu ah an ruak mei in an khangh beh hna. Rianṭuantu i an nupi pahnih cu ralhrang nih an kalpi hna i khawika ah an chiah hna theih a si lo, tiah theih a si. “Zii-nan khor ngeitu cheukhat nih cun an zii-nan khor khanghpiak an ton ve lo nakding ah ralhrang nih phaisa an hal zat poh an pek hna.

“Asinain, cheukhat cu phaisa an pek ko hna hnu zong ah an khanghpiak rih ko hna. Rianṭuantu minung pathum zong ‘PDF nan si’ an ti hna i an hnakhaw an tan hna, an hrem hna, namte in an sawh hna i, an thah hna hnu ah fazi in an khangh hna. ‘PDF kan kawl hna’ an ti i, an duhpoh in an um. Zii-nan khor ngeitu le rianṭuantu hna cu ka ṭih tuk ah kan dihlak kan zaam dih cang,” tiah zii-nan khor ngeitu pakhat nih a chim. Zii-nan khor pawl mei in a khaangtu le mi thattu ralhrang hna cu Pakoku khua i battalion 101 kut tang ah a um mi, battalion 22 an si tiah theih a si. Ref; The Chin Post

Be First to Comment

Leave a Reply

Your email address will not be published.